Submit your work, meet writers and drop the ads. Become a member
 
Jul 2019 · 4.6k
Tayo lang Dalawa
katryna Jul 2019
Dati ang alam ko lang na kwento ay ang Biag ni Lam-ang.

Pero nung nakilala kita at nagkaroon tayo ng sariling kwento,

Dalawa na ang alam ko.

At ang isa doon ay "bahagi na lamang".

Bahagi na lang ng "ikaw at ako".
Nang wala nang "tayo".
Bahagi na lang ng dating "dalawa" ngunit ngayon, "mag isa na lang ako".

Bahagi tayo ng "isat-isa" ngunit ngayon, Bahagi na lang tayo nang nakaraang "tapos na".

Mga masasayang araw na biglang nabago
Tawanang biglang naging iyakan.

Dating di mapaglayo pero ngayon mas piniling magpakalayo layo.

Oo naging bahagi tayo ng pag kakaibigang nauwi sa pagkaka-ibigan. Mga dating sabay lang sa hapag kainang nauwi na sa sabay sa pagtulog at sa pag gising sa umaga.

Oo naging bahagi tayo ng mga masasayang umaga, gabi at mga dapithapong magkasama.

Maririnig satin ang tawanang akala mo isang buong tropa un pala tayo lang dalawa.

Naging bahagi tayo ng lungkot ng bawat isa.
Problema at mga alitang walang kwenta.

Natuto tayong huwag sumabay sa galit ng bawat isa.

Pero nasaan na?
Tila ang pag babago ay nauwi na sa wala.

Bagay na hindi mo man lang nakita.

Mga problema na kahit marinig mo ng paulit ulit ay tila isang kantang masarap pa sa tenga.

Mga bagay na gustong gusto **** ipinagwalang bahala.

Oo mahal natin ang isat isa pero hindi na ng kasing mahal natin ang bawat isa.

Mahal na lang natin ang mga sarili natin.
Nandito na lang tayo kasi takot tayong makasakit ng damdamin.

Pero ang hindi natin alam mas higit na masakit
ang "hindi natin alam"
at kilala
ang "sino ako sayo"
at "sino ka sa akin.

"Ano tayo noon"
"Ano na tayo ngayon".

Huhupa din ang sakuna,
pasasaan
at
mahahanap din natin ang
"tayo" sa piling ng iba.

kung kelan,
hindi ngayon
baka sa ibang panahon.
song inspired from Malaya kana by Maimai Cantillano
Jul 2019 · 5.2k
Kape
katryna Jul 2019
Pag gising sa umaga,
Mata mo agad ang nais makita
Pagtawa mo agad ang nais marinig na tila musika sa aking tenga
Yakap mo agad ang nais magsilbing init kapalit ng kapeng bagong timpla.

Ang sarap gumising sa umaga.

Pero lumipas ang mga araw, gabi ay tila kasing lamig na ng kapeng naiwan sa tabi.

Ni hindi ko na magawang haluin at timplahin ng sapat sa aking panlasa.

Mga gabing mas ninais na maging umaga hindi para muling masilayan ang iyong mga ngiti, marinig ang iyong mga tinig at maramdaman ang yong mga bisig.

Mas pinipili ko nalang ang mga umaga upang makaalis at di kana muling masilayan pa.

Hindi ko matiyak kung ang mga umaga ko ba ay gigisingin pa ng may malinaw na ebedensyang mahal pa kita.

Hindi ko tiyak na kung ang dating malinaw ngayon ay malabo na.
Ni hindi ko na masabi ang salitang mahal kita.

Ngunit kung tatanungin mo ako nasan ka sa aking puso.
Kaya kong sagutin na nasa loob ka parin naman nito
Ngunit hindi na sayo ang buong espasyo.

Kung baga sa kwarto, may naka bedspace na dito.
Ginagawa ko nalang biro ang lahat ng ito pero, ito ang totoo.

Hindi ko masabi ang buong kwento kasi natatakot akong mawala ka sapagkat ramdam ko parin naman ang salitang "mahalaga ka" ngunit hindi na ang salitang "mahal kita".

Hindi ko magawang mag paalam at sambitin ang salitang ayokona kasi ramdam ko pa rin ang salitang ika'y mahalaga pa at hindi ko kayang makita kang lumuluha.

Ngunit ang lahat ay pawang salita na lamang.

Masakit aminin na sa mga panahong gusto ko ng iwan ang lahat at gumawa na ng pansariling hakbang ibang kamay ang kinuha para ako'y samahan.

Masakit saking aminin na sa pagtanaw ko sa bagong umaga,
sa pag ikot ko sa aking kama,
hindi na ikaw ang nais makasama.

At ang tanging musika na gusto kong marinig ay walang iba kung hindi ang pag "Oo" nya.

At ang huling mga salitang nais kong sambitin sayo ay hanggang sa muli nating pagkikita, sana maging masaya kana sa piling ng iba.
May 2019 · 304
Sulyap
katryna May 2019
hanggang sa muli,

sa muli kong pagtanaw.
sa muli kong pag aabang.
ng mga ngiti,
ng mga paghawi ng buhok.
sa muling makakasabay ka.

kung kelan,
hindi ko alam,
sa ngayon,

mag abang na lang ako
sa mga minutong dadaan ka
sa mga mata kong,
ikaw lang ang hinahanap
wala ng iba.
shifting schedule
Mar 2019 · 223
meet me there
katryna Mar 2019
meet me where the moon kisses the earth

where sorry's and goodbye's are as light as hi and hello

where tears is no longer tears but rain that will vanish all your pain

a place where forever exist and soon to exit

meet me there,

show me what love is.

i'll wait you there.
#faith #love
Jan 2019 · 925
Let love in
katryna Jan 2019
I don't know where I'm coming from,
feeling this feeling of wanting you.

I don't know why I kept on bugging myself and asking myself how are you even if we both know that you're with someone else now.

Why I kept on blocking then unblocking you over and over again,
why am I still in love with you.

Maybe because,
yes, I am still into you,

even if you're no longer with me.

and it feels like a happy new year during grieving days.
happy holidays on your wedding day.

and it feels like,
oh God, please.

Give me more strength to fight all the pain that caused me to hate myself more for being not enough.

hating myself for not fighting,
hating myself for letting you to just go,
leave with no words,
leave with no nothing,

hating myself cause I kept on blaming myself and
asking myself, why
why all these things happen

and all the answer leads me to go back to you,
and simply reminding myself,

"You've loved him more than what you can give and you left nothing for yourself so don't ask why".

You are enough,
but he didn't bother appreciating you for who you are
and it's ok.

Honey, it's ok,
you can still be who you are,
Love anyone you want
and let Love destroy you
and mold you over and over again.

Let love be the answer to all your hates,
to all you're anxiety,
and to all your hopes, dreams, and your future.

Let love in and let her do the job for you.

Let love in.
:**
Please pray for me once you read this. God bless the bless the broken road, let me straight to you.
Jan 2019 · 3.8k
Roleta ng kapalaran
katryna Jan 2019
Pagtatagpuin muli tayo ng tadhana,
Kung kelan,

                                                 hindi natin alam,
Kung saan,


                                                 hindi natin sigurado,
Isa lang ang dasal ko,
Sana handa tayo.
somewhere down the road
Jan 2019 · 2.4k
Kahit ngayon lang
katryna Jan 2019
kung sakali man malihis ng landas,
lingunin nawa ako ng pagmamahal.

kung sakali mang mapagod sa kakalakad,
tangayin nawa ako ng hanging payapa
patungo sa bisig na mapagkalinga.

kung sakali mang hapuin at maubusan na ng hininga,
dugtungan nawa ako ng buhay na kung saan ang kamatayan ay hindi kinikilala.

nang matapos lamang ang laban na wala akong laban.

walang salitang naririnig,
walang hikbi,
walang palag.

wala.

dahil walang handang makinig
kapag sarado ang isip.
Dec 2018 · 589
Daffodil
katryna Dec 2018
No one can be my personal reference,
no one in this world can replace,

your sweet taste,
the tongue that can melt,
can manipulate,
and can deceive,

your soft touch
that lingers,

your smell,
your skin,
that I'm craving in,

your love.
serves everyone
but not for the one.

your love.
that I can't let go.

your love I can not forget.

your love that kills me.

your love.

still life.
Has anyone, looked lovely?
Dec 2018 · 1.8k
Hook up
katryna Dec 2018
hi,
first time?
no? hmmm
im siam and you are?
cold turkey.
cold turkey, nice name.

is that for real coz im starting to believe it.

sigh, of course not!
as if siam is your real name duh!

haha
do you want to go out and have life outside
or you just want to sit back and relax as if you enjoy all this ****?

what do you want siam?
im free.

sure!



*****?

no thanks,
im done with 1 bottle already.

weak!

kiddin, hi im oyster and you are?
oyster, sound scandal isnt it?

yah,
i know.

im free,

sure.

who am i?
rabbit?
cement?
who am i?

say it louder,
who am i?
pablo,
oslo,

just do it!

done.

same.

wait,

what's your name again?
it doesnt matter anyway,

call me whatever you like.
meet siam from the land of imagination.
siam is a 27 yrs old with no gender (feel free to guess
Nov 2018 · 2.2k
payapang puso
katryna Nov 2018
sa buong buhay mo,
ano ang pinaka gustong gusto mo?

ako, simple lang.

ang sikatan ng araw ng ikaw ang matatanaw

at antayin ang paglubog ng buwan,

nanalangin na muling kong tatanawin
ang araw na ikaw ang kapiling.
it so easy to write poem when your inlove but i learned the hardest way. Thanks LIFE (my bff).
Nov 2018 · 1.4k
Sentiments of bravery
katryna Nov 2018
She could've gotten angry
And made me feel like a guilty child
But I realized that never was her style
I wanted her to hurt me
And not treat me like a friend
I wanted her to say there'd be someday
I'd come crawling on my knees to ask her back again
But she acted like a lady 'til the end
Oh, what a lady.

- - -

How I wish I can be as strong as this lady
who can turn down one wish from her lover

I am just a girl who ever wanted to love somebody and feel loved and not to be taken for granted.

not to be treated as an option or not even an option but as a "for the meantime".

I wish I can be this lady who can walk away from every heartache with grace and smile on her face.

I wish I can be this lady who has a strong heart to carry all pain yet acting like she doesn't feel anything.

I wish I am,
the lady he wanted to be with his life not just for one day, two or three more days,

But I am just the
girl who has a schedule,
girl from the other side.


But one day, this girl woke up numb,
this girl decided not to look back to the guy she loves
this girl carry a heart of stone,
acting like an egg who is strong enough outside but deep inside she's fragile.

Believing that this too shall pass.
I just want to share these sentiments of mine, apologize for not posting any poems. It's James Ingram - There's No Easy Way To Break Somebody's Heart as I personally encounter this (well, I know everyone has their own story of how their heart broke or how they moved on from one feeling to another but last time was not really easy dealing with heartaches like this).

whodoyouthinkyouR: i wish you all the best, i hope this will make you the happiest person in the world.
Nov 2018 · 1.3k
Untitled
katryna Nov 2018
sa takipsilim ko na lang ibubulong ang mga dasal na sayo ay magpapayaon.

sa paghampas ng hangin ko nalang isasabay ang mga himig na sayo ko dapat inilaan.

sa pag sikat na lang ng araw ako aasa na balang araw,

puso natin ay magiging isa.

sa ngayon,
mahahati muna sila sa dalawa,
akin ang isa,
sayo ang isa.

at ang isip muna ang masusunod at magdidikta ng tama.
out of the blue lines.
katryna Oct 2018
I,
You,
Beer,
Lights,
Sounds and Headbang.

How can we stop the time?

stella and blue moon this time.
mixed in one glass.

your
lips
to
your
glass
to
mine.

sip,
kiss,
hug,
kiss.

cheers!

that's all I need.
that's all you want.

that's all I need,
you is all I need.

How can I stop them?
You’re officemates,
You’re soon to be so-called "wife"

How can I keep you from them?

This is all we had,
Saguijo is our crib,
our enchanting place for a couple of hours.

your hand,
slide to mine.

your lips touch mine,
we walk on the street as we own it
we talk under the moon,
waiting for the sun to rise and shine.

but it never happen,
you just escort me to our last stop,

bid your last goodbye.
your last kiss for this week.

wishing for the next round,
next, "see you"
next back to routine,

from ex-lover to mistress but wait.

no *** this time.

congrats.

to the so-called wife.
Sep 2018 · 20.7k
Dulo
katryna Sep 2018
sabihin mo saakin kung paano kita mamahalin
dahil minahal kita sa paraang hindi mo inaakala

sabihin mo saakin kung paano ko tatapusin ang mga sayo ay tapos na pero pilit paring pinagtatagpo ng tadhana

sabihin mo sa akin kung paano ko kakalimutan ang mga bagay
na halos ayoko ng maalala

sabihin mo saakin,

paano ko ililigtas ang relasyong tayo lang ang nakakakilala.
ang relasyong sa dilim lang maliwanag

relasyong hinuhusgahan ng lahat,
relasyong kasiyahan mo ang mas mahalaga.

sabihin mo saakin ang kongkretong solusyon,
sa mga desisyong hindi ako kasama

pero sa pandaliang ligaya,
kamay natin ang magkalapat sa tuwi-tuwina

sabihin mo,
sabihin mo na,

dahil pagod na akong angkinin ka sa tuwing may aagaw na iba.

sa tuwing sasabihin nya at tatanungin nya ako kung ako ay maligaya.

paano ko sasabihing tayo ay masaya,
kahit wala sa kama

ang simpleng yakap, oras nating dalawa ay mahalaga

paano ko sasabihin,
kung ikaw mismo hindi mo masabi
at mas piniling pagtakpan na lang ang lahat
at manatali

na ang kawalan ng salita ay manahan at bigla na lang mawala

hindi ka man pumipili pero alam ko,
sa kabila ng lahat ng ito.

kapag ang lahat ay tumalikod

lahat ay tumiklop

ako at ikaw,
mas pipiliin paring maglayo.

iwan ako,
iwan ka.

wala.

narating nanaman natin ang dulo.
for the Nth time. pano ba sumuko? sa pag taas ba ng dalawang kamay? sa pag amin ba ng "Sige, ako na ang may kasalanan" sa pagtanggap ba ng pagkatalo, sa pagsabi ba ng "teka, pagod na talaga ako" sa pag iyak ng balde baldeng luha o sa pag gising mo bigla, wala na. wala ka ng maramdaman kasi sobrang manhid mo na sa sakit at sakit na lang din ang solusyon para maramdaman **** teka, buhay ka pa. Ang gulo no? ganon din ung tula ko, ganon din ung puso ko, ung utak ko. Pasensya na sa gawa ko. Pakiramdam ko, ito na ung pinaka walang silbi kong gawa. Pero gusto ko lang ibahagi ang nararamdaman ko. Jusko po, ang hirap magmahal. hahahaha big deal ba, pasensya na kung alam nio lang ang sakit sakit na to the point na wala na akong kayang ilabas pero hinihingi pa rin ng mundo ang lahat lahat. Paano ba kasi sumuko? Makikinig na lang ako kay Sarah Geronimo.
Jul 2018 · 37.1k
ⓐⓛⓐ-ⓐⓛⓐ
katryna Jul 2018
May mga lugar tayo na mahirap sa atin ang balikan
Minsan malayo,
Minsan maulan,
Madalas walang oras.
Pero kailangan natin puntahan.

                 Ilan lang yan sa mga rason na mas gusto ko nalang isipin
                 Para madaling magdahilan.
                 Pero kapag puso ang tumawag,
                 Kalinga ang nangailangan
                 Pag unawa ang nais maging hantungan.

Iniisip ko,
Ano ba ang dahilan bakit mahirap balikan.
Binabalik ako sa katotohanang,
Wala na.

                                     Wala na ang tao sakin na madalas maghanap.
                                          Madalas mangamusta.
                                              Madalas­ magsabing magpataba ka.
      
                 Ang kahit kelan hindi ako tinuring na iba,
                 Kahit kailangan na.

                                          Marahil ito nga.

Dinadala ako sa ibang direksyon,
Sa ibang tahanan,
Sa tahananang walang ibang tao.
Sa tahanang hindi ko na maririnig ang tinig mo.
Hindi ko na mahahawakan ang malambot at mapagkalinga **** braso.
Wala na ang biro, tawa at masigla **** tinig na nagpapaingay ng paligid.

                                        Marahil ito nga,

Bumubungad sakin ang isang kahon ng alala
Na sa pag ihip na lang ng hangin ko maradarama.
At sa ganda na lang ng paglubog ng araw ko na lang makikita.

Ang mga tinago kong munting ala-ala
In loving memory of Mr. Wally Nocon, I know you know how much I miss you. Sana :) Nakakarating naman ung mga message ko diba?, sipag nga po ng messenger ko eh :)
Jun 2018 · 325
Untitled
katryna Jun 2018
Khat can we talk?
About what? Wait let me guess, about us? Me and her?
No, about us,
Us? I said I love you, then you logged out. So, I decided to delete it baka lang kasi mag log in ka ulit :) the next day you said you had an internet issue. What do think, I'll buy that? no your kidding me,
No hi and hello after that.
Why cant you be just as honest as I want you to be. Why everything seems so complicated. Tell it to me, why?

I checked your skype, you had 2 more account for what?

Is me being an overacting actress once more?
Or is it you who falling out of love once more?
This post surprises me a lot, I never knew it was posted in public and I'm glad that you like it. Anyway, this is not a poem (I'm sorry) this is just a product of my imagination. An imaginary conversation between me and my greatest love.

Today is my 48 hrs deadmachine peg. I wish I could share everything through my notes details by details, inch by inch, moment by moment. But I can't, I just need time and more courage for this, Giving up is not my type, but this time I guess, I need to and Fate begging me to do the right thing. For heaven sake.

He teaches me how to love a person and he told me that "Love is more about giving than receiving" That's the time I realize, how much I love him, that's why I let him go, I let him be with the person who can give him a life that is worth living for and be with the person who makes him proud, ung tipong taas noo, winner, trophy ganun. I know, everybody knows I'm not that kind of person, maybe I am, but too much, not really, he was the only person who believes in me with the things that I can and I cannot do.

He also teaches me how to settle, according to him, don't settle for less. I guess this is the reason why he didn't choose me. He never believes in forever, not as much I do but look, he's getting married. No hard feelings,I am so so so so happy seeing him on his wedding day but of course, I'm not invited. I can't wait for their pictures posted on social media at least, that will be the last time will see his eyes smile. Soon, God will redirect my life into more meaningful and worth living LIFE. Thank you for your time reading this short letter of mine as well as my imaginary conversation.
Jun 2018 · 409
Huling minuto
katryna Jun 2018
Nakakalungkot isipin,
na sa hulng pagkakataon ng buhay ko nais ko lamang iparinig sayo ang kaisa isang daing ng buhay ko.
ang salitang mahal kita.

Ang tagal kong pinag isipan kung papakawalan ko ba
o hahayaan ko na lang lumipas pa ang mga araw
oo, ang mga araw na naging linggo ngunit ayoko kong maging buwan para patagalin at di na muling sabihin pa.

oo mahal pa rin kita
kahit alam kong hindi na tama
kahit alam kong hanggang dito na lang at wala ng patutunguhan pa.

oo mahal pa rin kita,
at mahal na mahal ka nya

oo mahal kita,
pero alam kong dapat tama na

hanggang isang araw nagising ako,
wala na nga.

wala na akong maramdaman pa,
sayo,
sa paligid ko,
sa mundo ko

nakalimutan ko
lahat ng ito ikaw lang bumubuo.

sabi ko,
patas pa ba ako?
sayo
sa sarili ko

kasi iniisip ko, mahal na mahal parin kita kahit iba na ang ritmo ko.
pero sabi ko sa sarili ko,

hindi ako bibitaw kasi minahal kita ng husto.

pero hindi pala,
nung araw na sinabi kong mahal kita,

dun ko napagtanto.

pareho na tayo,

sa tagal ng pagsasama natin dalawang beses tayo nagkasundo.

una, ang pinili nating mahalin ang isat isa
pangalawa, ay ang piliin nating huwag saktan ang isat isa

kasi nung iniwan mo ako sa gitna ng usapan natin kanina
dun ko napagtanto.

hindi na pala natin mahal ang isat-isa.
June 20, 2018 - huli na to promise. lord thank you.
May 2018 · 386
Waiting Game
katryna May 2018
Kahapon lang nag usap ang ating mga puso na parang dalawang taong nagmamahalan
Ngunit bakit ngayon ay tila isang palaisipan nalang ang iyong paglisan?

Ano ba ang hindi ko nagawa?
Hindi ba ako makapag antay sa muli **** pagbalik o tila wala na talagang babalik?

Masaya naman ako sa kung iyon ang iyong nais
Pakiusap,

Sa iyong muling pagtalikod

Huwag na muling lumingon
Huwag na muling magparamdam

Ni kumaway upang mag paalam

dahil ang puso,
walang ibang batid,
at sayo lamang nanabik.
waiting game is my game for almost a years now. can someone send me hug. Please let me feel Im worthy, Im enough, I am worth fighting for
May 2018 · 558
12 years
katryna May 2018
Kaya palang palamigin ng salitang "nakakapagod na" ang samahang pinapainit ng araw - araw na pag kikita.

Kaya palang palamigin ng salitang "nakakasawa na" ang samahang pinapainit ng maraming palitan ng salitang mahal kita.

Kaya din palang palamigin ang samahang binalot ng mga yakap,
kinandado ng mga halik,
pinainit ng mga pag ikot sa kama
at samahang matagal ****
Pinaglaban,
Pinaghirapan,
at inalagaan

ng isang salitang kahit kelan hindi sumagi sa iyong isip na bitawan.

Kaya palang patamlayin ang relasyong wala kang ibang alam gawin
kung hindi punuin ng mga tawanan,
biruan at walang iyakan at sigawan.

Kapag wala ng tamis,
at puro na lang pait.

madali na lang sabihin ang salitang, "Sandali lang, hindi pa pala ako handa".

Ganon na lang ba kadaling masira,
mawala,
maglaho ng parang bula.

                                           at isang gabi magigising ka
                                                              ­      wala na sya.
inspired by the movie "12"
May 2018 · 23.2k
Sana BIOGESIC lang ang katapat
katryna May 2018
Wednesday, February 28, 2018
5:43 PM

Sa panahon ngayon uminom ka ng maraming salitang "mag ingat ka".
Dahil sa mundong ginagalawan mo hindi ka sigurado.

Hindi ka tiyak sa mga makakasalubong mo at lalong hindi ka tiyak sa seguridad mo.
Tao ka lang at di imortal na may kapangyaring i time machine ang nakaraan, kung sakaling bawiin na ito.

Hindi ka mutant na kayang patigilan ang mga taong may masamang balak sayo.
At lalong hindi ka super hero para di tamaan ng mga balang hatid sayo ng mundo.

Hindi ka si superman na may kakayahang hindi makaramdam ng sakit.

Na kung sa panong paraan, hindi ko 'yon alam.

Tama na ang pagpapanggap.
Hindi kana tulad ng dating matibay.
Kasi matibay ka lang.

Hindi kana tulad ng dating malakas para sabihing kaya mo ang lahat.
Kasi kinakaya mo lang.

Para kang si joker na kahit nakasimangot may malaking ngiti parin sa labi.
Pinapaalala ko lang sayo,
hindi lahat ng tumatawa ay masaya.

Hindi kana bata para sa tuwing iiyak ka ay may handang sumaklolo para pawiin ang lungkot mo.

Hindi din mapa ang makakapagsabi ng lugar kung saan ka dapat magtungo, bagkos hanapin mo ito.
Tulad ng isang batang nawawala,
Sabik at handang tanawin ang bukas.
Hindi para tumakas kung hindi para hanapin ang lugar na magpapasaya sayo.

Hindi lahat ng tao ay totoo, iba ay balatkayo.
Hindi ako sigurado sa paghakbang mo kasama ako ay hindi ko masusugatan ang mga paa mo.

Kung ako ba ang makakapag pahilom ng sugatan **** pagkatao.
Kasi tulad mo duguan din ako.
Hindi ko 'yon masisigurado.


Kaya uulitin ko sayo,
Sa mundong ito,
Inumin mo ang salitang
"mag ingat ka".
May 2018 · 641
Current Event
katryna May 2018
Paikutin mo ako,

Sa iyong palad,
Sa iyong mundong walang ibang alam kung hindi ang itago ako
Hindi para maging yaman,
Kung hindi itago ako sa salitang "akin ka lang".

Akin ka lang,
pero ikaw kahit kelan hindi naging akin lang.
Pero ako, sayo lang.


Paikutin mo ako,

Sa iyong mga salita,
Sa iyong mga ginagawa.
Ikulong mo ako, sa rehas ng pag-ibig na
Hindi pwedeng maging tama,

Sabihin mo,
nasaan ang susi na magpapalaya sa matagal mo ng kinukubli?

Mga pakiramdam na hindi masabi-sabi,
Tinago mo ng matagal,
Hindi mo sina alang-alang

Saan mo sinisilid ang iyong nararamdaman?

Sa kanya?
Sa kanya.

Nasa kanya ang susi ng iyong kalayaan
Ngunit nasa akin
ang susi ng iyong kaligayahan.

Na sa dilim mo lang nahahawakan.
Nasisilayan.
Nalalasap.

Sa dilim lang pwedeng magtama ang mga pinaniniwalaan nating tama.

Sa dilim na kapag pinasukan ng ilaw,

Maglalaho ng parang bula.

At ang salitang ikaw, ako

ay tuluyan ng mawawala.
katryna May 2018
Tama na sa isang pirasong hikaw na lang kita maaalala
Habang ikaw suot ang 3 pirasong hikaw sa magkabila **** tenga.

Parang ikaw, ako at sya.
Kayo ang terno,
Ako ang naiiba.

Tama nang hikaw na lang ang gamitin kong palamuti sa tenga,
Kesa sa mga madudulas **** salita.

Dahil ang hikaw,
Mabilis alisin kapag ayaw na.
Mabilis alisin kapag nakakasugat na.
Mabilis linisan kapag narumihan na.
Pero ikaw, para kang butas sa tenga na mahirap ng pahilumin pa.

Magtataka pa ba?
Kung ako ulit ang luhaan,
Kasi kaya mo naman silang paikutin sa iyong mga salita
Tulad ko, naniwala naman sa paulit ulit **** litanya.

Ako,
Ikaw ang lang ang iisa kong piraso ng hikaw ko sa tenga.
Naka twerka at di na aalisin pa.
katryna Apr 2018
Just let me do and sort things out.
Apr 2018 · 820
Laro - Sugal - Talo
katryna Apr 2018
Sa laro ng pag ibig,
Walang mechanics,
Walang rules,
walang score

Meron lang players.
Kalaban
Pero walang kakampi
Malas mo kung kilala mo ung kalaban mo pero di mo kayang talunin.
Malas mo kung may gustong kumampi
Pero ibang laro na ang gustong laruin.

Sa larong 1 on 1
Sinong aasahan?

Sarili **** strategy
Strategy na nakabase sa kalaban.
Hey warrior, Keep going!
Apr 2018 · 495
Stop over
katryna Apr 2018
Nakita ulit kita,
sa minsan natin tinambayan.

Unang beses kitang nakasama sa pansamantalang paglayo natin sa kanila.

Unang beses kung saan nakalayo tayo at nagpakasaya.

Pansamantalang naiwan ang puso
Habang tinatanaw papalayo.

Ng bigla kong makilala,
alaala na lang pala ang kumaway saakin mula sa malayo.
On the spot while on the road.
Apr 2018 · 277
For you
katryna Apr 2018
According to you, broken people broke other people too.

Masaya pala maging broken.
Finally, I am free from everything, from anyone who makes me feel sad, unworthy and not enough despite of everything.

Now I know, who truly care, love and respect me despite of, no if's no but's. Loving someone with all your effort, with all your heart is not enough. Especially if the person see things in different ways, and if that person can't stand on the things that makes him/her happy.

No to domino effect please.
Yes love can be the main reason to forgive but I am sorry, I'm only human who believe that love, can also be one of the million reasons not to forget.
Not because of, me being bitter I'm just recognizing my feelings.

If he/she chooses to hurt you once, twice, thrice.
Give yourself a break but please don't let your feelings be the main reason to hate them.

Sabihin nalang natin na, minsan natuto din ang mga tanga, At malaki ang impact non.
Open letter to the 2 people who stole my heart away. People can give labels as easy as 1,2,3 especially if they are focused on your negatives.
Apr 2018 · 315
Pareho lang yan!
katryna Apr 2018
Kapag ikaw ang nang agaw,
Ok lang.
Kapag ikaw ang naging dahilan ng hiwalayan,
Ok lang.

Pag ako ang nawalan,
Ako ang may kasalanan

Kapag ako ang inagawan,
Ako ang may kulang.

Palaging ako ang dahilan
Ng mga hiwalayan at mga napuputol nyong pag mamahalan.

Paano naman ung mga nasira sa puder ko na kayo ang dahilan?
Ganon na lang?
Hahayaan na lang?

Kayo lang ba ang tao?
Kayo lang ang marunong magmahal?

Ako?
Hindi ba ako ganon?
Hindi ba ako karapat dapat?

Kayo na lang ba ang mag didikta, kung sino,
Kung saan ako nararapat?

Sige, kayo na.
Ako na.

Pero hindi lahat ng nakatayo, panalo.
katryna Mar 2018
Walang salitang “sayang”

Hindi tayo sayang,
Dahil may mga panahon na tayo lang ang nakakaintindi sa isat-isa.
Hindi alintana ang alingawngaw na dala ng lipunan,
Mga bibig na hindi magkamayan sa pagtutol.

Hindi sayang ang mga panahong sabay nating tinahak ang mundo
imbes pakanan ang ikot ay mas pinili natin ang pakaliwa.

Hindi natin nasayang ang mga oras ng katahimikan,
dahil sabay natin itong sinalin sa musika at sabay nating sinayaw ang tugtog ng ating mga puso.

Sabay nating niyakap ang kahinaan ng bawat isa,
nagsilbi tayong lakas na kayang pumawi ng panghihinang hatid ng mga mapangahas na hamon.

Walang lakad na nasayang,
dahil sabay nating hinakbang ang ating mga paa patungo sa di malamang dito, doon, d’yan at kung saan man.

Walang takot na naramdaman dahil sabay nating sinilip ang kung anong merong hatid ang kabilang daigdig.

Walang sayang,
Kahit sabay nating kinumpas ang ating mga kamay upang magpaalam.

Walang sayang.

Dahil sa mga oras na iyon alam natin,
ang kabilang mundo ay pansamantala lamang.

Alam natin na ang mundo ay iikot muli sa atin,
at sa pangalawang pagkakataon.

Magtatagpo tayong muli,

Hanggang sa susunod nating pagkikita.

Paalam. ­­­­
2 months from now, your getting married. With this, Our time will no longer be timeless. - Kimi No Nawa
Mar 2018 · 547
My Heart
katryna Mar 2018
Sinong makakapagsabi na kaya ko palang iaalay ang kantang ito sayo.

Nakalimot ako,
Masyado kong nilunod ang mga oras ko kakaisip sa mga pighating dala ng imahinasyon ko.

Nilamon tuloy di lang ng pagkatao ko kung hindi pati ang puso ko.
Nakalimutan kong ikaw pala ang nagpapatibok nito.

Sabi nga sa kanta, "this heart it beats, beats for only you".
Pero nasaan ako?

Ito, nilulunod ko ang sarili sa mga luhang hindi mapawi pawi.
Nakalimutan ko na bago sya o sila dumating, ikaw ang unang lumapit.
Nakalimutan ko na bago ako sa kanila umasa, hiningi ko muna sayo ang mga bagay na aking natatamasa.
Nakalimutan ko na bago ako sa kanya o sakanila kumapit, kamay mo muna ang unang kumalinga.
Nakalimot ako, na bago ako manlimos ng atensyon nya, o nila
Binigay mo ito ng buong buo.

Oo alam ko, naging matigas ako.

Ilang beses mo na akong niyakap pero pilit akong pumipiglas.
Oo alam ko, na sa tuwing nag iisa ako at lahat ng tao ay tinalikuran ako.
Ikaw ang kahit hindi ko nakikita pero alam ko, andyan ka lang sa tabi ko.

Inaalay ko ang kantang ito, dahil oo tama ang mga liriko nito.
Hindi ko kaya ng wala ka.

Ikaw na nagsilbing hanging payapa sa puso kong binabagyo ng galit,
pangamba
at kung ano ano pa.

Ikaw na nagsisilbing huling hininga ko,
huling pag asa ko.

Pakiusap, wag kang mapapagod na yakapin ako.

Isayaw, ang puso ko hanggang muling matutong magmahal.
Isayaw, ang puso ko, tulad ng puso mo na walang ibang alam kung hindi ang magpatawad.

Isayaw, ang pagkatao ko,
At ibalik ako sa dating ako.

Patawad nakalimot ako.
Published last October 1, 2017. Christian life program
katryna Mar 2018
Kung bibigyan ako ng pagkakataon,
Magsusulat akong muli.

Kung saan hindi ko pa ramdam ang sakit,
Kung saan hindi ko pa ramdam ang pait,
Kung saan masaya ang umpisa at masarap pa ang huli.

Kung saan buo pa ang sarili at wala pang pilas ang pagkatao
Kung saan ang lahat ay umiikot pa sa ating dalawa.

Isusulat kita,
Paulit ulit kong isusulat ang ilang berso ng ating kwento
Dalhin man ako sa malayong pinagmulan nito,
O dalhin man ako sa masakit na katotohanan nito.

Isusulat ko pa rin ng paulit ulit ang mga kwento natin,
At patuloy kong babaguhin hanggang ang lahat ay maging tama.

Sa paraang gusto ko,
Sa paraang maisasalba ko ang salitang "tayo".

Kahit parusahan man ako ng mundo,
Ikaw at ikaw pa rin ang mamahalin ko.

Hindi man alam ng mga tao,
Hindi man ako pagbigyan ng puso nyang mahalin ka.

Ilayo ka man nya,
Lumayo man kayo,

Uulitin ko ang mga kwento ko,
Hanggang mag tama muli ang mundo mo at mundo ko.

Mamahalin kita ng paulit ulit.
Hanggang ang salitang pagod na ako ay maging hindi na totoo
Hanggang ang luha ko ay matuyo at di na muling tumulo.

Mamahalin kita ng paulit ulit,
Hanggang huling hininga ko, uulitin ko ang pagkakataong ito.
Mar 2018 · 314
Sa araw na ito.
katryna Mar 2018
Litrato mo na ba ang susunod kong makikita?
Hawak ang kamay nya,
may ligaya sa ngiti mo habang inaalalayan sya papalabas ng dambana?

Larawan niyo na ba ang susunod kong makikita sa newsfeed ng aking social media?

Ang umani ng maraming likes at puso galing sa iba?

Larawan niyo na ang susunod kong makikita,
magkalapat ang mga labi at marahang pinikit ang mga mata.

Larawan nyo na ba? Ang susunod kong makikita sa primary nyo tuwing lilitaw ang mga pangalan nyo.

Larawan nyo na ba?

Ang magpapaalala sakin ang sarap magmahal,
kapag sya ang kasama kasi pinaglaban mo sya,
na parang sya lang ang mimahal mo ng ganyan.

Bibilang din ba ako ng isa,
dalawa,
tatlo.
Hangang makarating ako saan?
Ilan? 

Sabihin mo, hanggang ilan?
Hanggang kelan?
Hindi ako magaling sa numero tulad nya dahil yun ang propesyon nya, pero alam ko..

Hindi natatapos ang numero at kung matatapos man,
hindi ako sigurado kung kelan.
Mar 2018 · 376
Pahina
katryna Mar 2018
At marami na akong naisulat.
Mga salitang hinubog ng kawalan.

Hinugot mula sa kaila ilaliman.

Mga salitang bumuo at bumubuo sa ating kasarinlan.

Naisulat ko na.

Naisulat ko na ang mga bagay na gustong ipamulat.
Naisulat ko na ang mga bagay na gusto kong iparinig.
Naisulat ko na.

Ngunit hindi mo pa nababasa.
Hindi mo magawang mabasa ang mga kataga.

Pikit ang iyong mga mata.
Sarado na ang iyong diwa.

At mas ninais **** tapusin na
Ang aking mga talata.
Mar 2018 · 36.9k
8th flr, Lepanto Bldg.
katryna Mar 2018
Balik tayo sa simula.
Sa lugar kung saan tayo unang nagkita.
Kung kelan natuto tayong pahalagahaan ang isat-isa.

Balik tayo sa simula. 
Kung kelan natuto tayong pahalagahan ang bawat minuto nang ating isang oras.

Ang isang lakad na nauwi sa maraming pang paroon at parito.
Mga paglubog at pagsikat ng araw na tayo lang ang magkasama.

Balikan natin ang mga araw na tayo lang ang nakakaintindi sa sakit, pagod, saya at pinagsamahang mga problema.

Balikan natin ang simula,
Mga tawanang mistulang walang katapusan
Kwentuhang walang patid at tila walang katahimikang babasag sating ingay.

Balikan natin ang saan, kelan at paano tayo nagmahalan.

Kasi mahal, 

baka sa ganitong paraan.
Maisalba natin ang napipinto nating hiwalayan.
katryna Mar 2018
Hindi mo alam kung gaano ko nakipag laban sa mga kaaway.
Hindi mo alam kung gaano ko nakiramdam sa mga patay.
Hindi mo alam kung gaano ako nakinig sa pipi at bingi.
Hindi mo alam kung gaano ko isintabi ang sarili
sa gitna ng mga kuro kuro,
pag aalala
at pagkalungkot ko bawat gabi.

Hindi mo alam kung gaano kalamig ang init ng tag araw sa tuwing gigising akong wala ka man lang sa aking tabi.

Para kang buhay sa bingit ng katamayan.
Para himig sa kawalan.
Kawalan ng paramdam at kawalan ng malay.

Kasing lamig mo na ang kapeng tinimpla sa mainit na tubig
Kasing lamig mo na ang kanin bahaw sa tabi.

Anong nangyari?
Bakit tila isang bagyo ang nagpawala ng tayo at tanging bakas na iniwan satin ay ito.

Bakanteng lote puwang sa puso
na ni isang ugat ng pag mamahal ay parang ayaw nang tumubo.
When love and hate collide
Mar 2018 · 500
Ang huling halik
katryna Mar 2018
Isang daang tula man ang aking gawin hindi nito kayang palawigin ang mga oras natin.

Hindi nito kayang dugtungan ang mga araw na nawala ni hindi nito kayang bumuo ng mga nasira. 

Hindi nito kayang ibulong ang mga salita na nais sabihin ng puso.

Sa ating dalawa ikay tapos na,
masaya na at nakahanap na ng iba. 

Marahang ipikit yaring mata
salitang patawad pakawalan na.
Inspired by the finale scene of  100 tula para kay stella
Mar 2018 · 440
May Bago
katryna Mar 2018
Heto nanaman ako, 
binabagtas ang daan papunta sayo.

Nagbabakasakaling makakahanap ng katahimikan mula sa paborito kong pwesto.

Paulit ulit akong pumupunta dito.

Paulit ulit kong sinasambit ang mga salita ko at paulit ulit **** naririnig sakin ang pag susumamo.
Paulit mo ring inaangat ang mukha kong nakalugmok sa aking mga palad
At paulit ulit mo ring pinupunasan ang aking mga pisngi na walang pawis na dumadaloy ngunit mga luha.

Paulit ulit mo rin pinaparamdam sakin ang iyong mga bisig na walang ibang alam gawin kung hindi ang kumalinga.
Ang iyong mga mata na walang ibang alam gawin kung hindi ang maghanap ng nawawala at hindi ng mga wala.

Ang iyong mga tenga na walang sawang makinig sa mga bagay na alam mo na
at hindi sa mga bagay na gusto mo lamang marinig tulad ng iba.

Ilang beses na akong nagdasal,
nagmakaawa,
nakipagpalitan ng mga hiling
pero hindi ka nagsasawang makinig.

Nag aantay ng mga susunod kong hakban kahit alam **** hindi ko pa kaya.

at walang sawang magbigay ng mga gabay na kung madalas ay hindi napapansin dahil may ibang pakay.

Sa pagdami ng iyong bisita alam ko magiging abala ka sakanila
ngunit alam ko na ang aking dasal ay meron pa rin namang puwang sa iyong tenga.

Sa araw na ito hindi ka mapapagod magpunas ng mga luha ko.
Maglapat ng ulo ko sayong balikat.
Makinig sa walang sawa kong mga hinaing.

Dahil sa mga oras na to,

Walang ibang laman ang aking puso kung hindi tula at papuri para sayo.

— The End —