Submit your work, meet writers and drop the ads. Become a member
RK 2h
Nagsisiliparan na yaong mga paniki,
hudyat na magsisimula na ang gabi
‘Di nakatakas ang kiliti ng paru-paro sa aking tiyan,
gayong maggagabi naman
Nakahanda na ang tinola,
para sa mga bisitang nais ay ang kamay kong nangangatog
Ngunit ‘di lang naman ako ang nanginginig,
kundi si Mario rin naman
Oh kay malas!
Tumilaok yaong manok,
nanaginip nanaman pala akong may irog,
na liligawan kagaya noong unang panahon.
Hindi alam kung saan patungo
Gabayan mo sana ako hanggang sa dulo
Sanch 6d
Pagod ka na,
Gumising at bumangon
Gusto mo nalang mamahinga
Sawa ka na,
Mag-isip nang mag-isip
Para lang malibang ka
At ayaw mo na,
Mabuhay,
      maglakad
            at kumain
Nang mag -isa

Pero baka kasi bukas
    Okay na
Sana bukas
    Okay pa
Lyka Oct 19
at tila ba parang limitado ang mga salita
sa takot na masaktan muli ang isa’t isa
ngunit ikaw ‘yong tipo ng sakit
na kahit paulit-ulit,
patuloy kong tatanggapin
Lyka Oct 14
Hindi ka man mahilig sa tula
hayaan **** gawin kitang akda
‘pagkat dito dumadaloy ang mga salita
na minsang ipinarating ng mga mata
Lyka Oct 14
una
hindi ka ba nagtataka?,
kung paanong nabitawan ka nila
o kung minahal ka ba talaga
nina Oct 14
bagong taon na
‘di pa rin kita mabitawan
pero paano kita iiwasan
kung ika’y laging hanap-hanap?

bawat galaw, bawat araw
ika’y pinapagisipan
kahit sinulat ko sa talaarawan
na ika’y lilimutin na

lagi kong minamasdan
ang ningning **** pang bituin
palagi akong nabibitin
sa mga saglit na ika’y kasama

ang saya ng pagmamahal
ngayon ko lang naunawaan
siya’t sigla nararamdaman
tuwing tayo’y magkasama

minsan ako’y napapaisip
“‘di ba kita mapapala?”
at hinihiling ko kay bathala
na makamtan ka muli

minsan ito’y natutupad,
karaniwan ay hindi
kaya lagi akong nauuwi
sa muni-muni’t panaginip
Krysha Oct 9
Labimpito ako nang unang matutunan
ang kaliitan ng pag-ibig.
Madalas hindi ito bulalakaw sa dibdib,
bumubulusok at rumaragasa.
Hindi paputok o dinamitang pailaw
sa dilim ng kagabihan ng pusong isa.
Hindi isang maringal na pagtatapat
ng katipan. Hindi isang pangako ng
isang libong bukas sa oras ng ngayon.
Hindi mga bibig na tumatapos ng
pangungusap ng isa.
Hindi mga katawan na lumulutang.
Labimpito ako nang magkaroon
ng aso sa bahay.
Labimpito rin nang magsimulang
maglagay ng tisyu
tuwing naggugupit ng mga kuko
dahil sa takot na masaludsod ang tuta
kapag hinayaang tumalsik ang mga putol
na kuko sa kung saang sulok ng silid.
Minsa'y pag-ibig ay tahimik sa gilid.
Gea Venise Oct 9
Hahayaan ka kung mapagpasiyahang umalis.

Sasamahan ka kung mapagpasiyahang manatili.
Gea Venise Oct 9
Ang mabuhay ay ang hanapin ang ligayang hindi matatagpuan kung hindi payapa ang diwa.

Ang mabuhay ay ang panatilihing payapa ang diwang hindi makakamtan kung walang ligaya.
Next page