सासे जाम्बा आरो सासे शहरनि सियान?
- - - - - - - - - - - - - -
लामायाव बुदांखौ बिरफुं
माहाजोना लोगो मोनो।
बियो सिनायै बुदांखौ रायदावो।
बिरफुं- नै फंबाय,
आंनो बैसागुनि बोरमा मासे
नांगौ जादोँमोन।
बुदां- ए, बुन्दा ना खासि?
ना बुन्दि?
बिरफुं- बुन्दाबाबो जागोन,
खासिबाबो जागोन फंबाय।
बुदां- ए, जोँहानि आदा बेरग'नाव
मेल्ला बोरमा दं।
र थाथ' सोँहैनां।
(खारलाङो फैफिनो)
फानोनो आदा।
बिरफुं- मा खावसेल' फानो!
बुदां- नङा आदा,
मानि गोरोन्थिया आंनि।
फानोनो।
बिरफुं- अ' मोजाङानो जाबाय बिदिब्ला।
हा बुन्दाना खासि जाखो फंबाय?
बुदां- र र नायनां..
(खारलाङो फैफिनो)
आदा बुन्दा।
बिरफुं- खोनासंनो एसे बोरैबा मोनो।
बुन्दाल' होन्नानै आदाखौ
बुङाब्लाबो जागोन फंबाय।
बुदां- माने आदा...
बैसोआवथ' नोँ आंनिफ्राय
देरसिन जागोन आदा।
बिरफुं- आरसा जाथोँसै बिदिब्ला।
हा बोरमाया माबादि जाखो?
बुदां- बोरमायाथ' लोदो लोदो आदा।
बिरफुं- माने एसे फुंहांनाय नामा?
बुदां- नङा आदा,
एकदम लोदो लोदो।
बिरफुं- मा गाबनि जाखो बोरमाया?
बुदां- ए, बावलायबायसो।
र र नायनां...
(खारलाङो फैफिनो)
गोजालै आदा बोरमाया।
बिरफुं- माने गोजाहां नामा?
बुदां- नङा, एकदम गोजाथार।
बिरफुं- अह' माने फंबाय...
आंखौ आदा होना लसेनो
गिदिर होनबा मोजां
जागौनामा?
बुदां- जागोन जागोन,
महर मुस्रिखौ नायोबा
आरो सोलेरखौ नायोबा
नोँसोरबादिखौ बुंजायो।
बिरफुं- अनुमान बेसे जागोन फंबाय
अजना?
बुदां- ए र र,
(खारलाङो फैफिनो)
सेरबासो जागोन गिदिर।
बिरफुं- दामाबा बेसे जागोनथाय?
रायज्लाय हैनांसिगोन फंबाय।
बुदां- ए र र, थांनि...
(खारलाङो फैफिनो)
15जौसो नांगोन होन्ना
बुंदोँ गिदिर।
बिरफुं- हाब फंबाय माबादि 15जौ जाखो?
नुफेरा खोनाफेरा मुंनि
जौ जाखो बेलाइ?
1000बियार जौआनो जाया होनबा?
बुदां- र र आं रायलाय फैनि...
(खारलाङो फैफिनो)
मानिथारानो गिदिर।
15जौ नांथारगौ होन्ना बुंदोँ।
बिरफुं- हा बहा मोननांगौ जाखो फंबाय?
बुदां- र र आं मोजाङै सोँहैबावनि...
(खारलाङो फैफिनो)
मानिथारानो गिदिर।
बिरफुं- हा बहा मोन्नांगौ जाखो फंबाय?
15जौआलाय भुटाननि ना लण्डनि जाखो?
ना ना आसामनिनो जाखो?
बर'फोरनि?
बुदां- (मिनियो) ए...
हा: हा: हा;-
15जौ मानि फन्द्रस'खौसो
होन्दोँलै आदा।
बिरफुं- ए..., हा: हा: हा;-
थौ फन्द्रस'आलाय आंनाव दंखायो।
थौ नायना लाना फैनि।
नोँनो 1000बियार जौ लोँहो थारगोन आं।
बुदां- 1000गाहाम बियारखौ आं लोँनो
हानाय नङालै आदा।
गंनैसो बारा बियार लोँहोबानो जायो।
मोनलोँफेरथाराखौ आं माबादि
बियार जौ बेलाय?
गिदिर गोलावफ्रासो सालाफ्रा....।

सानसे जोङो उन्दै समाव
बेसे रंजायोमोन
बेसे गेलेयोमोन
बेसेबांदि मिनि खुसियाव,
बहा थांखो बेफोर दिनै?
बबाव गोबा जोबखो?
समनि बाबेन्नाय गान्थियाव।
आंनि लोगोफोर
आंनि आबै आबौमोना
बहा थांखो दिनै हाबाब!
गोदान बोथोराव?
आंखौ गासैबो नागार नागार
रंजानो आंजोँ रावबो गैलिया।
हय हय खोनासंना
बेसेदि आं गोजोनोमोन
आबै आबौनि खुगायाव
सल'बाथा;
आय आफानि खुगायावबो आद्रियै
गोमालांबाय हाबाब!
गोमालांबाय,
बहा थांखो दिनै-
बबाव गोमा जोबखो?

गोबाय गिजि गंसे देरायाव
फेरलेब फेरथेब हिनि साब्रै हावरिया
बोसोर बोसोर जाबाय गामियाव।
सानै गथ'आ गय दनायखं बुथुमो
हराव हरफा बिजाब फरायो
बिसोरो बेखौ मिथिगौ
- फिसा सिमां नुनाया फाफ।
सासेया सिबाय रुवाथि थाहैबाय
बिफाया सुथुरनि गुलियाव थैलांबाय
खोनायो सानसे हादर सिबियारिमोन।
हावरियाखौ हावरियानो मुगैयो
घोनिया घोनिसिनखौ मेगन सायो।
सोलायाखै दाबो सुबुंनि सानस्रिया
घोरोम बुजिनाय गियाना हाब्रुआवसो
गोदोदोँ दाबो गोदो गोदो।
सियाल मासेबो फैया
दाउ अमाया गैयाब्ला बहा फैनो?
सैमा मावजि मासेबो फैया
ओँखाम खालाय मोनजायाब्ला
बहा फैनो बिसोरलाय?
सोर दं खाथियावलाय
गासैबोसो गरसे हावरिया
घोनिया गोरिबखौ सिनाया
हावरियाखौ हावरियानो मुगैयो।

महर-मुस्रि आंदि नुयो नोँनि
इनायनो गोमोथाव जोबोद मुहिनां
थारैनो एखमबा जिउ गोनांबादि
इनायजों सोबखजानाय जिउ गैयैबादि एखमबा
गासै नोंनि बिखायावनो मिथिंगा
आंनि थैनाय आरो थांनानै थानो लुबैनाय

My eyes are like your eyes
In front of a sudden facing face,
I didn't remember me
The body of electricity in the water flow.
Smiling, laugh your lips
Reddish color, like the soft sun of the east
The spring was like the sky
I love your flowering face.
Bright waterfall like bhutan hills
In the heart of peace,
Birds tone from the opacity
Sweet echo was in the evening.
You and I in the road
Romance sprinkle, like spring
Mind and heart blowing the weather
Your and my body massage.

रंजाखाङो खुसिजोँ
जोबोद गोजोनग्लायना
समायना सुदेम सुदेम गोरबोआ
नोँनि मिनिसुलु सोरांजोँ
.
बे सोरांजोँ बार बारबोयो
बे बारजोँनो-
दालाइ बिलाइफोरा मोसायो
बेसेबा रंगिना संगिना बिबारि
.
बेसे समायना नुयो
गोसोनि खुसिजोँ
गोरबो गोजोन्नाय मिनिनायजोँ
गोगो गोजोँ आलायारन
रैरुब फुंबिलि सनाबिलि
.
जोँमा नोँखौ खुलुमो आं
नोँनि अननायनि फिन होना
जोबोद मान होनायजोँ
जोँमा आंदि बोर आजावो
.
बेबादिनो नोङो फै
बयनोबो गोथार बिलिरनायजोँ
बयनोबो गोरबोखौ सोरां होनानै
दाउसिन दाउला सिरि मोनना
.
बेसे गोजोन मिथिँगाया
मिथिँगानि गासै खुसिजोँ
बेसे समायना बुहुमा
दुंबुर गोरबो दुंखाङो निजोरा
.
फुरसब जोमै अखोरांआव
हाथर्खिखौ नुयै फांथेयो
बेसे समायना जायो
फैलाव सोमखोर अखोरांआ
.
गोजोन मोनो बुहुमनि गासैबो
रंजाखाङो बाज्लखाङो
बेसेदि समायखाङो गोसोआ
खुसि जायो आं गेवलां मिथिँगानि
मिनिखैरो मिनिनायाव।

थार्ला- थुरला बुंनायानो मोजां।।
जोँनि न'आव मावजि मासे दं
आब'आ फिसिनाय
गावनि जाखोन्दा बेदर हाराखौ
जेब्लाबो बियो होयो।
थनि मुंनि मासे सैमाया
भुटाननि लाबोनाय,
फंबाया अनै बामै फेदेरनाय
गावनि ओँखाम खालायखौनो
जाहोयो बियो बुरखायै बुरखायै।
गय बागान सिङाव बुरैरै
अमा मासे दं फिसिनाय
आयआ- गुन्दै माब्लाबा अफ्रि
जाहोयै जाहोयै फेदेरनाय।
लावमुरा आरो गं मेना
बोराय बोराय हालुवा मोसौआ
नांगोल बोग्रा आफानि,
माय बजा रोगानो गारि बोग्रा;
दैज्लां मेसेँ खामानिया आफानि
दै- दौनाय खाहैनाय आरो लायनाय।
दाउसा, फारौ आरो हांसोआ
आय, आब' आरो आनावनि
गावबा- गाव मालाय बाहागो,
माथामसो बोरमा खासिया फंबायनि,
फुख्रि बिलोआव थब्ल'लाय- दावलाय
ना मागुर, ना रौआ आफानि।
उन्दुग्रा खथायाव बेमा- खांखमा
फालो फालो एन्जर इंगिनिया
- बेफोरो गासैबो आंनि?
आफानि माय दुब्लियाव
एन्जर दांसुलिया, एन्जर बुंगा
नङाबा बाथासिरा- इंगिनि
बेफोरो गासैबो आंनि?
बिरि- सिगारेड्- सादा
फाल्सार- जौ- गानजा
बेसोरो गासैबो आंनि?
हाय गशाइ!
नोँनो बयनिबो गिरिब्ला
होदो बयनिबो खर'आव,
बिजिरनो बिसोरखौ मेलेमाव;
आंहादि मा मावनांगौ दं?
मा सोलोँनांगौ दं?
आंदि अलसिया एबा
आंदि मावनांगौ खामान- मावगासिनो दं।

गावदां अखाफोरा
मिनिसुलु नुजाफैबाय,
नायहरदोँ आंखौ
आं अखाफोरखौ।

नोँ दागाब आयै
आंथ' मोजाङैनो दङ'ना
नोँ माखौ जिँगा सियो?
आं थांना थागोन आयै।

आं हमनो हादोँ गारांखौ
बाफैदोँ दाउथु मासे,
जेराव जुगु जुगु हार्सिँङै गाबदोँ।

148
खेबसेल' खुदुमनायजोँ गावखौ
गोजोन्नाय मोनो गोजोन्नाय मोनो,
रादाबा सिरि सिरि
- गोसोनि साननायाव।
149
जिउआव थाखोमादोँ बे मोनसेल'
जौमोननि बासा गोरबोआव,
मोजां मोन्नाय आं नोँखौ।
150
नोँ गावखौ बुजियाखै
खौरां लानाय आंनि नोँखौ-
मादि सानदोँ सिरि सिरि-
नोँनि आंनि इयुननि।
151
नोँजोँ अराय सावरायनायखौ
थिसनबाय गोरबो दाइरियाव,
मादि समायना मिथिँगायाव,
मोजां मोनो आं नोँखौ।
152
निहोर सिग्लाबनाय गोरबोआव
बोजबना लादोँ साननायखौ-
नोँ आंनि।नोँ आंनि।
153
नोँजोँ सावरायनाय बाथ्राखौ
आरो बावनो हालिया,
मोनफिनगोन आं गोरबोआव-
नङाब्ला आंनि दाइरियाव।
154
बाबोरै फोरमायनो साननानै
थाफिन्दोँ आं बिजिरनानै,
नोँदि सावरायदोँ मिनिस्लुयै आंजोँ-
नोँदि लाजिनायाव थागोन सिरियै।
155
आंनि गासैबो नोँनो
बावदो सिरि सिरि सिरि-
मोजां मोनना; साननानै अरायनि।
156
बाथ्राखौ फोजोबनो हायाखै खुसियाव
रैसुमै सना-
सावरायो लाजिस्लुनाय सोदोबाव,
आंनि बेरखांथोँ गोरबोआव
रंजानाय मोनफा मोनफा ओँथियाव।
157
गिदिँबायो नोँखौ लानानै
साया माया, साया माया
मुहिनां गासैबो मेगनआव।
158
बेरखाङो गासैबो मेथाइयाव
- गोरबो खन्थाइयाव आबुंङै,
रैसुमै सोदोब गोरबोआव।
159
मिथिगौ आं गासैखौबो
मानिनाय गैया जौमोना,
मोजां मोनो नोँखौनो-
सिरि सिरि सिरि।
160
जाय आंनि खोमायाव रिङो
मोजां मोनो बेखौनो बिजिरना,
रैसुमै मुं नोँनि गोरबोआव
रिङो जेब्लाबो रिङो।
161
नोँनि अननायखौ मोनाब्लाबो
मोनदोँ आं रादाबखौ
- मोजां मोनो नोँखौनो जिउआव।
162
लाजिब्लाबो गले गले नायफ्लाङो
जेराव- मेरावनो नोँखौ नुयो;
गोसोआव मोननो हास्थायो।
163
साननायनि गोमो- गोथां
जायख्लं सावगारियाव
गोदोहाबो आंनि गोरबोआ,
जोमै सिँखावना बिरलाङो-
बार जाना गोजोन बिलिरो,
नुयो सना साया माया मेगनाव।
164
जोबोद गोहो लानानै नोँनि सेराव
गासै आंनि मोजां मोननायखौ
सानो आं बेखेवना फोरमायनो,
नाथाय नोँ साफिया हार्सिँङै।
165
आंनि लाजिनाय गोरबोआनो
लाखोमाना दोन्दोँ आन्दोयै जेब्लाबो,
आं सानो फोरमायनो-
रैसुमै आं नोँखौ हास्थायो।
166
जानो हागौ नोँनि थाखाय
सानबोलावरियावनो आं-
सानस्रिबाय थादोँ मुखुबथियाव।
167
आं मिथिगौ-
आंनि थाखाय नोँ
- माबा सानो नङा,
अब्लाबो आंनि हास्थायनाया गोथार।
168
रैसुमै, नोँखौ आन्दोयै
- मोजां मोनखोमानायानो
आंनो अराय समाव गुबुननि-
बाफबफैनाय सोदोबखौ खोमादोँ।
169
आं मिथिगौ-
आं नोँखौ मोजां मोनो,
बे बाथ्राखौनो आं दोनखोमादोँ
सिरि सिरि सिरि।
170
आंनि गोरबोआव हाबना नायब्ला
नोँ नुगोन सना-
आंनि गासै गोरबोआव गलिनानै
नोँनि गोरबोआव बोहैनो लामा नागिरदोँ।
171
गोरबोआव बोहैनाय मोदैया
लुफावदोँ जेब्लाबो सानहाबना
खन्थाइ बेयो रमान्सनि।
172
जेब्ला नोङो आंनि गोरबो हमदाङा
थागोन अब्लासिम आन्दोआव;
मोजां मोननाय बेयो जौमोननि।
173
मोजां बिबारनि बारियाव
जेब्ला बेरायो सिमांङाव
नोँखौ गोसोखाङो आं हरखाबनो
गैया सिमाङावबो लोगो मोना नोँखौ।
174

आं थाबगासिनो थाबायो थावनिखौ सहैनायसिम
बेसेबा गोजान लामा दिउआ दिउआ,
मानोना थाबायनायानो आंनि जागायनाय बेनो जागोन
बेबादि आं थाबायो थाद'नो गोनां जानाय समसिम।

आं खारनानै जिउनि थांखिआव सहैगोन माब्लाबाबो साना
नाथाय आं सहैगोन सानो थाबायनानै आरो
आं फोथायो सहैथारगोनखि सहैथारगोन सानसेब्लाबो।

दाउसिन-दाउलानि मेथाइ खोनायो आं थुलुंगाजों रोजाबनाय
दैमा-दैसानि देंखो खोनायो आं अरायबो बोहैनाय
जिउ थासान्दि गोसो-गोरबो थासान्दि बोहैबाय थागोन आंबो
आरो थाद'नाय नङा दिनैदि आं जागायबाय गोसो फोरानानै

फरायथौनो हाया नोँनि गोरबोखौ
आंदि बेसे नाजायो मिथिनो
गोसोआ बोदोर जाफायो आंनि
उसुं सेराव मान्दार बिबारनि बिदै सोबनाय दाउसिनफोरजोँ
नोँ लाबोयो मान्दार बिबार जुलिनि सिन्दुर

दिनै जोबोद गुसुसिन जादोँ

बोरायखौ आंबो सिरि सिरि
रागा जोँदोँमोन।
नाथाय बांसिन मिनिथावसोमोन
जाथायनि गासैबो सावगारियानो।
. . . . . . . . . .
आमटेका हाथाय।
हाथाय बारायब्लाथाय होँगो-दोँगो,
सिथिँ-सिथा।
एरायलायनो जायगाखौनो मोना।
हाथाय बाजारा बिदिनोखा
बायलाय-फानलायनि होँगो-दोँगो।
बेखौ दोनथ'दो,
खानाय सिनग्रा गलायानो दिनै
बाराबाव।
खानाया जाइला-ला जाथारनायखाय
सिनजानो सान्दोँ आं।
नायनो साबा नुथारबाय होन्ना
गोसो थोनाय बालेवा बुंबाय
थानायखाय सिनजानो नांबाय।
खुसेँग्रा लानजाया लावना गोदोना
बाग्लायनानै फाफ्लि मोनबायानोमोन।
अब्लाबो आं सिनजानो गोसो गैथारामोन।
आं सिरि सिरि सानखोमादोँसोमोन
खानाय गोलाव लानानै
दुगा देखायनो।
आरो फैगोन बोसोराव सिराज बाग्लारि आदैया
गुन्दानि फार्टआव होयोब्ला...
बायदि साननायमोन।
नाथाय थबस्र सान्नायखौनो सिफायगारबाय
बालेव मायनावआ।
गोसो थोनाय थाब्ला बिदिनो,
आंनि गोसोबादि ना बिनि गोसोबादि
जानो बेखौनो मिथिस्लाबा।
खानाय सिनग्रायाव दिनै होँगो-दोँगो मानसिनि मानसि।
सियार खामफ्लाय जिरायनो
मोनलाया।
थाग थिग 9.30 रिँगायावसो
नायदावग्रा अदेबानि नायदावना
सिनग्राजोँ सिनजानो मोन्दोँ आं।
मानसिफ्रा बेखौ मोजां मोना
माने बियो बारा मोजाङै सिननो रोङाखाय।
गुबुनखौ नेबाय थानो बाना
बेजोँनो सिनजाबाय आं।
थेनथ'लायजासे खानाय सिनजाबा सासे
खानाय फुरनाय बोराया
गिदिँ फैदोँ आंनि सेर सेर।
खानाय सिनग्राखौ बियो बुंदोँ-
आंनेबो लावबाय खानाया।
आंबो सिनजानांगौ।
बाथारदोँमोन आं।
बेवाइयानो हाजादो हाजादो होनबाय थायो।
बेखायनो फैबाय आं।
दान्दिसे सिरि थानानै मानसिया
गावनो बुंगासिनो बुङो।
जेन'बा खांख्राय गुदुंनिफ्राय
दैया थपा थफा फेँफोना महरै
ओँखारदोँसो-
जोँनि खाथियाव सासे खानाय
सिनग्रा दंमोन।
दाखालहाय लेमसनाव हादान
खुलिदोँ होन्नायखाय खारलांबाय।
आंखौ खानाय सिनबा बेसाराया
रां गरसेबो लायामोन।
बे समावनो खानाय सिनग्राया बुङो-
गामिनि ओरैनो सिननायावलाय मय फैसा लानाय?
- खानायाबो मोनजोब्बाय आंने।
गोसोम खालामनांगौनो।
बेवाइया बेखौनो बुंबाय थायो।
दाखालहाय बुंदोँमोन आं-
बोरायनानैलाय खानाया मोनाला
माथो होन्नानैहाय।
खानाय सिनग्राया आंखौ गोसो
होना सिनथारनायखाय 45
मिनिटजोँनो हाबाय।
ब्लेडजोँ माखौबा माखौबा
गोदोना सेर सेर,
खोमानि सेर सेर हबाय।
उनथाराव मोजाङै हदोँब्लाबो
साबदारियानो फारसे गोलाव
फारसे गुसुं थाबावनायाव
समान खालाम होबाय आं।
गोदोना, मोखांफ्राव खानाय
सिथाबनायखौ खिथाब बायदि फिसा
सिजोँ बुस्रि स्रांबा खानाय
फुरनाय बोराया खामफ्लायाव खावब'
जिरायना सिनजाबाय।
बाथ्राया जोबनाय गैया
बोरायनि खुगायाव।
मादि मादि खोथा बरनदोँथाय
आं नालाखौनो मोनाखै।
माबा दाखालिनि सावथाल दावरावआव
गसाइगामिनि बबेबा बादायाव
गावनि बिसि बुरैयालायनो
माबा माबि जादोँनो
सोरबा बोरायजोँ।
आलासि जाहैनाया जोबोद
गिथाव बाथाव खैफोदाव
गोग्लैदोँलायनो।
बोराया दसेनो गावनि,
दसेनो बेवाइनि बायदि
मुहिथाव सलसो खिन्थाफ्रांबाय।
आंबो फैनोसो बागारबाय
खानाय सिनग्रा गलानिफ्राय।
बोराया खानाय सिनखांना
माष्टार ब्लेडजोँ हजाब्लाबो
जोबाखै बोरायनि सलआ।
थिख समावनो गामिनि सासे बोरायसाया
बेदर लानानै बुंहरबाय-
नै आदै नोँ थांथ'गोना थांथ'आ।
थांनायसै र' र'... हाबायानो।
- माथो माथो लाखो?
नायाखै?
बोराया बेबाराव रायज्लाय
हरालासेनो
खर'खौसो सोमावबाय।
माने लाथ'वाखै होन्नाय जादोँ।
ओजोँ खानाय सिनग्राया
हमथा थारनो हायाखिसै।
गोदानथार माष्टार ब्लेडआ होख्लायबाय।
खोमाया बेसेबा गोजा जाहाबलायनाय
थै बोहैबाय।
थरथिँ थरथिँ मोखांजोँबो बेसेबा
समायना बोहैबाय।
थखन थुनो बैसो जाहांनाय बोराया
रागाया अरखि जोँना खानाय
सिनग्राखौसो थाव सोबाबाय।
खानाय सिनग्रा माखासेफ्रा
नायगोमोना थाबाय।
बोराया खम नंखाथारा
नायखोनानै खानाय सिनग्राखौ बुंथावथारै बाथ्राखौबो बुंगारबाय।

आयै बिमाबो लष्ट जाबाय
हिर' हन्दायावबो गाखोआमोन
फाल्सार बुलेटआवबो गाखोआमोन
ब्लद फाग्लि फाग्लि
साइनिस मबाइलजोँसो बियो खारफालांबाय।
फैमाल जाबाय गासैबो
ओरैनो माइनास थांबाय।
थांनाय दामासियाव दखना बायना हरबाय
फैगौ बैसागुआव जुलिनि खोथा होबाय
थांनाय फागुन दानाव फार्कआव थांबाय
फैगौ सानाव सेनेमा नायनो बुंबाय
फेलेँ थांबाय आय'
ओरैनो निलाम थांबाय।

बेलासि जोमै साग्लोबनाय समाव
नायहरो बिदाय जोँमाखौ।

आंनि गुदुं सोलेराव
बिलिरलां नोँ बार
सुदेम अननायखौ होलां
गोरबोआव गोजोन लुफावलां
.
नोँल' गोजोन होयो गोसोखौ
सुदेम गुसु बिलिरनायजोँ
आंनि गोरबो बिखाखौ
नोङो सुग्लाय होयो दुंहाव सोलेरखौ
.
फुंआव नोँ मोसायो
रैरुब निहोर बिलाइजोँ
मिथिँगानि समायना---
गोथां सोमखोर बिफां बेन्दोँ
.
नोङो बिलिरलांफै खर'खौ
अननायखौ होनानै आंनो---
थाजिम होलां आंनो---
गोरबोनि खुसिखौ होनानै
.
बार नोङो आंनि हां
नोँनिनो मोजां मोन्नायजोँ
हगारो आं मेथाइ---
हगारो आं देँखो---
.
बेसे गोजोन मोनो
बिलिर फैयोबोला गोसोआ
नोँ आंनि सोलेर गोबाफैयोबोला
बेसेबा समायना जायो गोरबोआ
.
दैमा-दैसा बेसेबांदि बाज्लयो
नोँनि अननायनि खुदुमनायजोँ
बेसेबा समायना नुयो---
बिफां-लाइफांनि देमलो मोसानायजोँ
नोँ बेबादिनो लाबो खुसिखौ---

सखि खनायाव मावजिया
सिरि सिरि थाखोमादोँ
आं सोँबा बुंदोँ आया
बियो एन्जर इंगिनि बारसिन्नो जमदोँ।

मावजिया गाबो
मेव मेव मेव
मोसौआ गाबो
अमम अमब अमम
अमाया गाबो
अये अये अये
सैमाया सोङो
फौ फौ फौ
मानसियाबो गाबो
हौ हौ हौ।

मुसुरदोँ सोरांसि समाव
रिँफैयो गोदै दाउसिननि
बेसेबा गोजोन बिखायाव।

बेरे फुंजानि
थ' थ' थ' औवा दानदोँ
थोर थोर गोजांनायखौ गारनानै
गस्ला गुदुं थपिखौ दोन्नानै
रोगा रोगा मोसौ गाड़ियाव जाबदोँ
गाड़िखौ होनानै जि के बिएसिम लांदोँ
-
न'आव सफैनानैबो गायखेर सेरदोँ बियो
साननि ओँखाम जाखांनानै
मोसौ दै दौहैदोँ बियो
बिनि उनाव रेन्दा हुदोँ
मैयानि आद्रा सौखिखौ दिनै फोजोबदोँ
-
फाथै खादोँ आयजोँ लोगोसे
बाजारआव लानानै थांगोन

खोमसि जानायखाय
सांग्रेमा गांफौफोरा बिरदोँ,
नै बिसोरो रंजाथोँ।

नोँखौ बुङो आंनि गोसोआ
गाबज्रियै जिउनि आर'आव;
नै गिरि हान्थिगिरि जिउनि
हां मोन्नाय होदो बारआव।
बेसेबा बावगारना थाबाय नोँखौ
गोसोआव आंनि खोमसिया जाबाय,
आंनि गोसोआव एब्रेफै आफा
गले गले दिनै आर'ज गाब्बाय।
नोँनि गोथार आखायजोँ
बिलिरलांफै आंनि गोसोआव,
दंनायमानि आंनि गोरोन्थिखौ
सिबगारलांफै आफा बार-हुंखायाव;
दिनै बिनिनो आर'ज आंनि।

सावगारि: दैज्लां दुब्लिनि मोनसे लामायाव
- - - - - - - - - - - - - - -
आसि- हा बहा ना मोनबायनांगौ जाखो फाग्लि?
खोमास्रि- आयौ फाग्लिया बहा थांनो ओँखारदोँ?
बेन'थि लालायनानै?
आसि- (मिनिस्लुयै) नै फाग्लि!
इ.एम लेँहरदोँहाय।
जोँनि सेल्प- हेल्प आफादनि आर'जलाइ होनाय दंमोन।
50 रोजा मोन्नांगौ दं।
हा बेखौनो लायनो थांनो आरो।
खोमास्रि- फाग्लि नोँहा आफादारि(आफादगिरि)
जाबायनालाय।
आसि- औ हाय; जेरैबो प्रलेम(फ्रब्लेम)।
फा नोँहालाय बहा जेखाय लानानै
ना गुरहैनांगौ जाखो?
खोमास्रि- माबाहाय आगै,
थावथाल दुब्लियाव ना
रोनावसो गारदोँनो।
बेखौनो दाहाय मायरं सेरनैसो
मोनोखोमा गुरनो थांनां।
आसि- फाग्लि! बेलाव
ओँखारसो गारदोँनोहाय।
गिथाव बाथाव गिदिर गिदिर थारनो।
फाग्लि बेलावनिसो आदार जाहैगोन नोँ।
खोमास्रि- बेलावखौनो गिबाय आगै?।
आसि- फाग्लिया लेखा रोङैखायनो जेबो बुजिथारा।
बेलाव मानि गुन्दाफोर ओँखारसो गारदोँनोहाय।
दाखालि बुगालियानबा
जेखाय खबाय गारना खारबाबो आगोर मोनाखैनो।
खोमास्रि- आयौ नंमारगौ आगै!?
आसि- औ हाय आब'।
गुरहैयैआनो
मोजां जासिगोन।
खोमास्रि- आयौ थु,थु,थु।
मायरंआनो गैयामोन आंहा।
माखौ जागोनदे फिसाफ्रा?
बिफायाबो नै बोसोर जाहैबाय
मेगालयआव,
गदसेबो रांखौनो हरा।
आसि- ना गुरनाय, मेगं खानाय,
खामला- हाजिरा
मावनायखौ गारनांगौसिगौहाय
बर' आयजोफ्रा।
नङाब्ला देभाब(देबलप)
जानो रोँथारनाय नंला।
नायहरसाय आब'
मालाय हेनथामनि बिसि आरो
लामबुनि बिसिमोनखौ-
मालाय सुथुटि (स्कुटि)
सालायलायनायखौ।
खोमास्रि- जोँ गोरिबफ्रालाय बहा सालायनो
हानोबाल आगै'?
गावनि जानायखौनो सुफुंनो हायाखै।
न' बां गलि गग्राफ्रानो गैजाबाया।
गारि मटरनि सिमांखौ
हांगुबुर जानाय एमाव बहा नुनो?
फिसा फिसौफोर लानानैनो
बेसेबांबा जिँगा आंहा।
फोरोँनो हायाखै,
मोजाङै फेदेरनो हायाखै।
आसि- गिदिर गिदिर सिमां नुनांगौहाय आब'।
बयजोँबो सिनायथि
जानांगौ।
जोँफोरखौथ' रावबो सिनायि गैला आब'।
इ.एमनि बडिगार्ड, बिसि फिसा
आंखौ गासैबो सिनायगौ।
खोमास्रि- नोँ आफादारि जाबाय नालाय आगै।
आसि- आं बायदिनो जानो नाजादोहाय आगै।
सिनाय जानायनि सास(सान्स)
दं।बेफोरबादि
ना गुरनाय, मेगं खानायखौ
गारदोहाय आब'।
बादायारि मुगायाव जाम्बि नुसो गारो।
आयौ समासो बाराजाथारबाय
थांनोसैहाय आब'।
खोमास्रि- दे आगै आंबो न'आवनो
थांफिननोसै।
(साफा-फारफा मोखां जायो।)

हाब लावां मा खालामनो
सानखो नोँ फिसाफोरखौ?
गासैबो बेखार
जाजोबथारबाय माथो।
साब्रै गाहाम।
- गोरिबलै आदा।
मा खालामनो?
थाव- संख्रि फानलुआवनो
थांजोबथारो गासैबो।
- हाब लावां नोँ बेबादि।
सानफ्रामबो लोङो जायो
नोङो।
माब्लानिफ्राय
थाव- संख्रि फानलु
बायफेरखो नोँलाय?
हिनजावआनो सानफ्रामबो
दखना रोबै फिसि फिसि
मोदैजोँ गोलोमदैजोँ
संसार सालायगासिनो।
लाजियाखिसै नोँ?
- आं उन्दैसिनखौ एबाराव
फोरोँसिगोनलै आदा।
- दे दे, मोजाङै फोरोँ।
सरकारा गोरिब
गुन्द्राफोरनि थाखाय
बेसे मोजां गामियावनो
रां नाङा मा नाङा स्कुल
खुलिना होदोँ।
नोँहा मेगन थानानैबो
फिसाफोरखौ रोनाव
होदोँ।
मोना मोना हरना- गुना
अन्थाइ जोथ्रोदनोल'
रोँसिगौ नोँ।
- जाबायलै आदा।
जाबाय।
उन्दैसिनखौ
हामथि दुमथि
फोरोँसिगोन आं।
इंराजि मेडियामआवसो
माथो लिटार लानो
हालायो।
- मा लिटार बेलाय?
- बुरजा नाम्बार
मोन्नायखौ बुङोब्रा
आदा।
लिटार।
- हा: हा: हा:।
लिटार होनालै फंबाय।
लेर्टा।
लेर्टा होन्ना बुं।
- हे: हे: हे:।
जोँ जौ लोँनायाव
लिटारखौनो बुङो।
बिदिब्ला जोँना जौ
लोँनायाव इंराजि
रायज्लायनाया जायानो।

गोसोआव साजायनाय मिजिँफ्रा
बारदोँ समायना देमलो मोजां,
मिथिँगानि महर-
दिनै हाबाब नायनो मोजां।

In the life of misery and happiness
O Body, then you stay with me
Morning and night you're my mind
You're the sun, and you're the moon
O my mind, you stay happily
O my ears, listen to you good
I'm glad to be on your help today
O my eyes, nice to see you
O my feet, you better go ahead
I'm on your help today passenger
O my mouth, never say wrong
O my head, you're my sky
I'm the freedom on your help
O my hands, working right always
O my face, stay happily always
Vivid and rhythm you're my forever life partner

बुरखायै बुरखायै बेसेबा गोबाव,
बेसेबा खष्टनि उनावसो फुथुनो हाबाय रमालिया फिसालाखौ।
माबादि मानसि जागोन बेखौबो मिजिँ खालामनोनो हालिया रमालिया।
जोबोद बायगर जाथारबाय गथ'आ।
दिनै गिबि खेबनि थाखाय बांङाइगामियाव फिसालाखौ बानानै
गामिनि इंगिनिजोँ मायाफुरियाव बेरायहैदोँमोन।
गथ'खौ लांफाना जिबायदि खष्ट मोनबाय
गावसो  मिथिसिगौ।
हाया हायाब्लाबो बाजौ रांनि माबा बाबि जिराद बायना होथारनांबाय।
गथ'आनो माबादि जागोनथाय-
सोरनि लाखो?
ना बिबै बिबौफ्रासो फोरोँखो सानबाबो सानस' हालिया!
गथ'नि मोखांआव मोनसेबो
गोदान जिराद दिन्थि जाया
बेयो ओरैबादि गथ'दि बेनि गोजोन्नायाबो दान्दिसेल'।
बेनो रां खरसा खालामना
माबा गेलेग्रा बुष्टफोर बायना होनायाबो नंखायसो जायो।
उन्दैनिफ्रायनो गारि गाखोफेरनो मोनै गथ'-
अथ'आव गाखोना गोजोन्नाय मोनबाय
नाथाय आरोबाव बियो गावनो सालायनो बुंबाय।
बहा सालायनो हानो
थोजासे बिमाया बुरखाय नांबाय थगाय थसि।
लामायाव पुलिसखौ सिलाय लानाय नुबाय
सिलायखौ दांनायनो बुंबाय।
बिमाया बुरखायनो थोबाय।
एसे खाथियावनो सासे बांगाल बोरायखौ
बिरि सोबनाय नुबाय,
सोँनायाव बिमाया बुंबाय बिरि सोबदोँ।
गावबो सोबनायनो बिबाय।
फाग्ला स्टेन खाथियाव रेलगारिखौ नुबाय।
मा बेलाइ होन्नानै सोँनायाव
बिमाया गारि गोलाव होन्ना बुंबाय।
गथ'आ गाखोनायनो बोदोर जाबाय।
नाथाय मोनसे गलायाव थांफ्रांना
बाजौ रांसो खरसा खालामनो
गोनां जाथारबाय रमालिया।

आंनि अलसिया मेलेमाव
नै गिरि लुफावफै गोगो थै,
आंनि अख्रा गोरबोआव
लुफाव गिरि गोगो दै;
नै गिरि नोँनोल' जिउ राहानि
नोँनोल' आंनि बिगोमा गोरबोनि।

नै अबं आजाव आंनि आर'जखौ
होदो गंग्लायनायाव आंनि गोसोखौ
आंनि खाफालाव होदो नोँनि बिलिरनाय
समायना गोजोन बोर सास्रिनाय।

जेब्लाबो बुङो-
नै आंनि अनसुला गिरि
मा आंनि गुमुरा?
मा आंनि जोनोमा?

दिनै नोँखौ खावलायो
गोसो गोथार साजायना
आंखौ हमथा अख्रा गोरबोआव
जेब्लाबो आन्दायनाय अगेन खोमसियाव।

You are the poetry of my heart and mind
To me your poet,
My heart and future for you
I want you always.
So cute you like roses
Your smile flows like waterfall,
So I love you most
You make my heart to happy and calm.
I walk on the dreams of my life
Make you always partner,
You are the only my courage
I shall go as the river.
You are my life and every dreams
The blood of my body you are,
For you my live and die
The wind and water stay flows for you.
If I meet you on the road
Be smile and talk with me,
I shall go with sing a song
To all the best and holy on the sky.

बावगारगौमोन आं नोँखौ
आखायाव जुदि गदांआ थायोबा
सान्दोआ जेरै बावदिया;
नाथाय आंनि आखायाव दिनै रेबगन
गोसोखांनोल' होयो रमान्सनि निजोरा
बिलिर बिलिर गोरबोआव।

बर'फोर, जोँ दिनै दावगाबाय
जोँ दिनै खौसेथि साजायबाय
फै सिबिनि जोहोलाव-
आलारि फोजोँना मान होनि
जोबोद अनसायनायजोँ मान बावनि
गुरुदेब, बर'फा, आरो
आवलुरि बर' बिमानि फिसा
जोहोलाव सोमदोन, दैमालु
मुगानि थान्दै बिनेस्वर
जोहोलाव नीलु आरो जोहोलावजो
बिरगोस्रि, गाम्बारि, थिँफाख्रि आरोबाव
मुंख्लं आगोमा जोहोलाव- जोफोरनो
बारसे बिबार, आलारि फोजोँनि।
जोँनि अख्रांआव थाथोँ खुसियै
जोँनि हाबायाव सोरां होनानै,
जोँनि बाथौ गुदियाव
जोँनि मन्दिर सालियाव
जोँनि गिर्जा सालियाव।
गुरुदेबा जोँनो लामा होबाय
बर'फाया जोँखौ खौसेयै दैबाय
मिनिस्लु दान्दिसे नोँसोरनि मिनिनाय
नाथाय अखा मोफ्लामगासे जिउ।
आवगाय नांगोन दिनै गावस्राया
ज' ज' ग्रिद ग्रिद
माखा माखा हानजा हानजा
सैथो आरो बिजिरनाय आगानजोँ
ब्रह्म, बाथौ, खृष्टान आरो
गोबां जोँ बर' आनो।
जोँ गोसोआव लानांगोन
उदांस्रियानो जोँनि गासैनिबो मोनसे गिदिरथार
जुदि जोँ हारि माहारि जिउ दंङब्ला
बर'फोर, जोँ दिनै खौसे जाबाय।

नोँनि आफा-
बहा आंनि थावनिया?
आरो बहा आंनि खुलुमनाया?
नोँखौनो गाबज्रिसे जेब्लाबो।

सोर मिथिगौ
थैयोबोला जिउ-
आरो बुंनो हागौदा?
थैनाय दं जिउहा?

नोँखौ खुलुमहरदोँ गोसोजोँ
नै आफा होदो गोजोनखौ,
आंखौबो नायहरदो सोरांजोँ
होखारदो आंनि मैला साननायखौ।

The soft and cold flowing wind
Dancing beautifully leafs of trees,
When it rains happily
River and waterfall also flowing with delight.
See sweet dream of being victorious
The river water flowing as I go,
Restless feet walk forward I go
The mysterious world of sweet song in the vortex.
In the rainy season clouds cry
Thus the rain is to fall from the sky heavily,
The winter season dew sing songs
The dream of sun rise in the east.
Rose flower calls to the butterflies
Feathers fly diffuse to move the butterflies,
The song of infinite life sing the world
New moon, at the edge of new sun.
The longest and far life to the road
Here I am traveling and traveling to,
Rainy wind kisses on my cheeks
For the trip now I don't want to cry.

थांलाय-फैलाय लामाजोँ
बबेनिबा गोदान सिख्लाफोर
सानै
थाबाय बोदोँ।
लाजि गुसु जेरबायाव
गानस्लिँनाय सिख्लाफोर
सिरि सिरि नायदेरा नायदेरा
थाबायलांदोँ।
एसे गोजान सौहैब्ला
फुंखा, अर्जुन लावगामोना
माबा माबि होनना जंखाय
हरदोँ।
लाजि गुसु सिख्लाफोरा
खोनादोँब्लाबो सिरि सिरि
मिनिस्लु थांगासिनो थाङो।
फुंखा- खोनायाखिसैलै दां!
लावगा- खोनाया जायो
मिनिस्लु जालांलायदोँ हनै
फुंखा- खररा बुंहरलाय,
खररा बुं खोना हैनायनि।
बिरखां- (गारमा फुवारनानै)
खररा-
थाबायलांबाय थानाय
सिख्लाफ्रा उनथिँ
नायहरफिन्ना
ग्लाब ग्लाब मिनियो।
गासैबो मिनियो।

White and black clouds on blue sky
And to be the rain around,
Flowers flowering greenish yellow and red color
The nature is beautiful, and everything of nature.
River flow from Bhutan hills in our village
Birds sing sweetly and dancing on trees,
Farmers go to harvest, in the land of agriculture
Go to the womens to give rice.
Servants and farmers make the border
Womens caught fish by jekhai on the river,
The cricket sing afternoon and evening
Halzangkhra would be in the land of agriculture.
The girls go to take bath on river
To take a smiling on thier lips,
Go to pluck vegetables at the banks of river
The proggies provoke to them.
See the himalaya mountain by stretching legs
Fishes are happiness and flock of the heron,
The world is youth in this season
Beautiful and be the form of dark green.

गियानियासो मानसि
मिथिँगानि फोरोँनाय
सोलोँथाइनि जोबनाय सोलेर।

मेंग्लियो गोसो-
मोकथांनि सेर सेर
नागिरो दैसा जिरि बोहैनाय

हाब लावां मा खालामनो
सानखो नोँ फिसाफोरखौ?
गासैबो बेखार
जाजोबथारबाय माथो।
साब्रै गाहाम।
- गोरिबलै आदा।
मा खालामनो?
थाव- संख्रि फानलुआवनो
थांजोबथारो गासैबो।
- हाब लावां नोँ बेबादि।
सानफ्रामबो लोङो जायो
नोङो।
माब्लानिफ्राय
थाव- संख्रि फानलु
बायफेरखो नोँलाय?
हिनजावआनो सानफ्रामबो
दखना रोबै फिसि फिसि
मोदैजोँ गोलोमदैजोँ
संसार सालायगासिनो।
लाजियाखिसै नोँ?
- आं उन्दैसिनखौ एबाराव
फोरोँसिगोनलै आदा।
- दे दे, मोजाङै फोरोँ।
सरकारा गोरिब
गुन्द्राफोरनि थाखाय
बेयो मोजां गामियावनो
रां नाङा मा नाङा स्कुल
खुलिना होदोँ।
नोँहा मेगन थानानैबो
फिसाफोरखौ रोनाव
होदोँ।
मोना मोना हरना- गुना
अन्थाइ जोथ्रोदनोल'
रोँसिगौ नोँ।
- जाबायलै आदा।
जाबाय।
उन्दैसिनखौ
हामथि दुमथि
फोरोँसिगोन आं।
इंराजि मेडियामआवसो
माथो लिटार लानो
हालायो।
- मा लिटार बेलाय?
- बुरजा नाम्बार
मोन्नायखौ बुङोब्रा
आदा।
लिटार।
- हा: हा: हा:।
लिटार होनालै फंबाय।
लेर्टा।
लेर्टा होन्ना बुं।
- हे: हे: हे:।
जोँ जौ लोँनायाव
लिटारखौनो बुङो।
बिदिब्ला जोँना जौ
लोँनायाव इंराजि
रायज्लायनाया जायानो।

गोसो हाथास बिखायाव
दं बिरो मेगनाव
सिमानि फैसालि मोना मोना
गोसोम आरो गुफुर लामानि
थांनाय फैनाय गैया अनजिमानि
बिरोल' मेगनाव सिनाय मोनैबादि
सुजुलां सोरखिलां मिजिँजोँ
गिदिँ गिदिँ बुङो गोसो सक्रआ
खरलेब आयनानि मोदाननाय
फ्लां- प्लिँ गोसो बायगर मोनसे
हायाखै सिनायनो बहानि
खामखोन्दा अरनि बियोदि हांगारसो?
एबा जिगाबनि फ्राव सान्दुंजोँ
बिजिर जायै बेरफ्रावनाय फाग्ला मैखुनसो?
दंङ फिसिनाय मिजिँ
बुग्लि जाना दैज्लांनि अखाजोँ
एबा सावोननि गोसा दुंनाय सान्दुंजोँ
नुहरो रोमै रोमै
सिनाय मोना उदां मेगनजोँ।

आंनि जोनोमा आयनि मिजिँ
नंखाय नङा आयनि मोदैया
फैमाल नङा आयनि दाबिया
बेसेबा दैज्लां- मेसेँ
बेसेबा फागुन- बैसागु
सिमां साजायनाय गिदिर
मिजिँ सुजुनाय गोथार
बहा आंनि रंजानाया?
आयखौ गारनानै-
आयनि मिनिनायाव हाद्रि सारनानै।
फिसा जानानै असे बिमानि
रंजानाय- मिनिनाय थांना थानायनिब्ला
आंनि जोनोमा आयनि मिजिँ
सिमां- मिजिँ जिउनि आबिर
आयनि गासैबो सोरांब्ला
आंनोथ' आयनि नङा होनब्ला साथि?
बेनो जोनोम नङा होनब्ला आंनि?
अब्लानोथ' आं बिजिर मोनो
गुसु मेलेमजोँ हमना मोनो
आंनि जोनोमा आयनिनो जिउ खावसे।

सुबुंफोरा उजिदोँ एबा थैदोँ
जिबिफ्रा गाबदोँ एबा मोसादोँ
जोँनो आदार नांगौ जादोँ
जोँ गावनो थैनो ओँखारदोँ
नै अबं मादि मैया मैया
सोरजिबोल' गासैबो नोँनि।

खोमसिया साग्लोबफैबाय
दान्दिसे बिरलांनायाव सोरांआ,
सान्दोँ आं गोरबो दर्खँआव दिनै।

दै दै दै दै दै
बुहुम ब्रै बाहागोनि थाम दै,
दै दै दै दै दै
दैयानो जादोँ जिबिनि जिउ खान्थै;
दै दै दै दै दै
जेब्ला सोलेरा गोरान जायो
जेब्ला गारमा फिसिनो ख्लां ख्लां गाङो
नांगौ अब्ला आंनो गर'दसे दै।
दै दै दै दै दै
जेरैबो- जेरावबो दै, दै;
अखा महरै दै
खफ' महरै दै
बिफांनिफ्राय- बिलाइनिफ्राय
हाजोआव हायेनाव
बिलो- निजोरा- जाम्फै
हा- अख्रां- अर जेरावबो दै।

नाथाय दै नोँखौ लानानै दुखु
नोँखौ लानानैनो सुखु
जिँगा- दाहा- हाथास,
आंनि गामियाव मेसेँ बोथोर
फैयो फाला बदल दैज्लां मेसेँ,
मेसेँ बोथोराव दैनि आंखाल
दैज्लां बोथोराव बाना,
आग्लाय- बिग्लाय लोमसावनाय,
फैयो अखा महरै
लैथो, बिलो, दैसा उसिनानै
हाखर- हाला बुंहोनानै
खालामो हुलुं- हुथुं अन्नाय गैयै।
नाथाय नोँ अराय अनसुलाबो।
दै दै दै दै दै
मोनसेल' सोदोब रैसुमै गोदै
हाइड्रजेन आरो अक्सिजेन गलायनाय
सानफ्रोमबो नांनाय लाव लाव दै।