Submit your work, meet writers and drop the ads. Become a member
B Zealous May 2017
दैसा सेरनि हाब्रां सायाव
जनानै नायहरदों आं हरै मारुआव
दुब-दुब मानिबा सोदोब बिखा खनायाव
बानाबादि मेगन फैसालियाव
बोहैबोदों मनिबा जाहोनाव
मानि इसारा जाखो बिलाय?

सोनाबनि बै जारौरौ आबिरानो
जिरि-जिरि बोहैनाय बे दैसायानो
खोन्थागोन आंनि गोसोनि खोथाखौ
फोरमायगोन बै इसाराखौ
माबादि दुखुनि सुंद' जारिमिन!

बै जारौरौ आबिरबादिनो
अनजालिनि हाइना महराबो
खावना लांदोंमोन आंनि गोसो-गोर्बो
गोसो थोदोंमोन आं मोथो-मोथो
नाथाइबा दिनै लाथिख' अनजिमासो!

बेलासेनि जारौ आबिराव
अनजालिनि हाइना महराव
गोजावदोंमोन आं अन्नायनि लैथोआव
नाथाइ दिनै खोमसिनि आन्दोआव
नागारलांबाय अनजालिया बै आबिरबादिनो।

जिरि-जिरि बोहैनाय दैसाबादिनो
आंनि मेगननि मोदैआबो
बोहैबोदों बाना बादिनो
मा थांखिजों, सोर मा मिथिनो?
बियो बै जाहोननि थाखायनो।
बिमाखौ नागारनानै गोजानाव खारलांनाय गथ'बादि आंजों गेले गेले उनाव आंखौ बोराबनानै गोजौआव अख्रां मानखोलांनाय अखाफोरा थाखोमाहैबाय जोमै गेजेराव। जानो हागौ बियो आंजों गोदोनायाव सैनानै लानाय बाथुलजों गावख्लायजानो गिबाय!
       बियो थाखोमाबाय, दा बियो थाखोमाबाय। बिखौ मेगनजों नागिरबाय थानाय समाव अख्रांआव आं दानदिसे जायख्लं नुनानै गोमोहाबबाय। बे जायख्लंखौ मोजां मोनबाय बेबादिनो बियो स्रोब गोमोरलांबाय।
        बावस्रोम बावस्रोम दिनैसिम जायख्लं आरो आं नुज्लायबाय थायो। जेन'बा- जेन'बा जों सानैजों थाखोमा लायनाय गेलेबायसो थादों।
       आं आरो जायख्लंनि गाबफोरजों मिनिस्लु मिनिदेरलायनाय बे नुथायखौ टिभियाव नुनायमोनब्ला खौथि खौथि बुहुमनि मानसिफोरा जोबोद गेजोननाय मोनगौमोन। जानो हागौ जोबोद गोजोनगौमोन। एमफौ-एनलाफोराबो फंसे-फंनै बाथ्रा बुंगौमोन खोमा…!
        दावबायै दावबायै दासिम आं बेसेबांबा बेबादिनो हाफामुवा जानांबाय। हाफामुवा जानांबाय आं जेन लैथोआव मासे गोरैनि थाखाय खुदै मन'जासे आदारानो गैलिया।
       समा आंखौ खेरखेराया आरो आंबो बिखौ खेरखेराया जाबाय! सम आरो आं मादि एखुथा....!
        बारआबो सम सम थाद'यो- ओहो आं बार जानो सानाखै दा बेखायनो। दैसा जानायमोनब्लासो सम बादिनो बोहैबाय थानो हागौमोन आं।
        दैसा जानो माबोरै? दैसा जानो हानो माबारै? नाथाय आं दिनै दैसा बादिनो बोहैबाय थानोसो जोबोद लुबैथारबाय। मानसिनि गांनाय-उखैनाय गासैखौबो फोजावनानै आं दा जोबोद दैसा बादिनो बोहैबाय थानो लुबैबाय।
Marbolni Khonthai
Ronjoy Brahma Dec 2018
थै आरो गोरबोफोरखौ
अननाय होनाय आर लानाय
मोजांमोननायनि जुनै
बानथा होलाय-लालाय खालामनो हागौब्लाबो
नों आरो आं, जों जिउखौ सोलाव होनो हाया
मानोना जिउआनो नों आरो आंनि
आखाय मोजोमाव गैया

बेखायनो आं नोंनि थाखाय
बानथा होनो दुनियाखौ
जिउजों मोनसे एकेबाना सुजुगौमोन

नोंखौ दा जोमैफोरा
फुजायाव होजायै बिबार जानानै
दामोलै दामोल फबसिनबाय
नोङो दानिया थैनाय अखाफोर
एबा सान गैयै बुब्लियाव खुवा खुनाय मोनसे मिथिंगा गावगारि
थामहिनबा आथिं सिङाव लाखोमाजानाय मोनसे गोमो

नोंथ' आरो थैनो गोसो गैथारामोन
नाथाय नों थैनायबादि थानो गोनां जाबाय
दाउसिनफोरनि बायनाय गांखंआव
Ronjoy Brahma Nov 2018
29 नबेम्बर 2018

आंगोनि गिरि,

      नों आंनि लोगोब्ला, आंजोंनो था। फंसेब्लाबो दिनै नों बुंफै गोसोखौ हमथा बेबादि होननानै। नों आंखौ बुंफै, आं नोंनि लोगो बेबादि होननानै। नोंदि आंखौ सिनायै बादि खालामो मानो? आंदि जोनोम जानायनिफ्राइनो लोगो नोंनि; नों आंखौ एसेबो खौरां लाया मानो?
      आंदि गाबो दुखु-जारलायाव। आंखालादि आंहा जोबनो गैया गाबनाय-मिनिनायाव। गावनि मोदै गावनो बोखारनानै लानो फंसेबो बाथ्रा बुङाखिसै नों! मिथिगौ नोङो, ननि मानसि जानानै  नआवनोदि आं गैया। नों आंखौ नाथाय उदिस लाया। आंनि दावबायनाय आंनि लोहाबनाय बेसेबांबा सान थांबाय.....! आंदि माबोरै दं, आरो मानि आंखालाव फेलें जादों नोंदि आंखौ खौरां लायाखिसै एसेबो!
      नों आंखौ बावबाय! नोंनि सायाव आंहा खुद्रिनाय दं। बोराबनाय दं नोंनि सायाव। नोंखौदि  बेसेबां मोजां मोनो आं......! दावगानायखौनो दोनथनानै आं नोंखौ दानदिसे नायहरो। मा नों आंखौ एसेबो मोजां मोना?
      नोंनि थाखाय आंहा मिजिं दं। थांखि दं। मा नोंहा आंनि सायाव एसेबो फोथायनाय गैया? आं गाज्रि लामाजों थाङोब्ला बेजोंनो थांनो होसिगोन नामा आंखौ? जिउखौ नेहाद साननानै अराव बारसोमनो थाङोब्ला नों आंखौ आखायाव हमथा फैनाय नंलिया नामा?
      आं दाबो गथ', आंनि गोसो आरो गोरबोआ दाबो गुरै। नों आंखौ खौरां लाहर। आंनि जेंना आरो आंखालखौ नोङो होखारनो आखाय दाफोलाव। लोगो आंनो गोहो आरो साहसखौल' होफै नोङो। फंसे बाथ्राखौ नों आंनो बुंहर-- लोगो! गोसोनि दुखु-हांमाखौ होखारहर बेबादि होननानै। फंसे बाथ्राजोंब्लाबो नों आंखौ मदद खालाम, आं नोंखौ मदद खालामफिनगोन।
Ronjoy Brahma Nov 2018
नों आंखौ बावबाय सानदों?
बावाखै आं
खासेव बिदै नागिरनायबादिसो हालाइ-हाफाय
दाबो नागिरबायसो थादों।

हाजोआव गाखोनाय समाव
हाजोआसो गिसिखागोन
आं नाथाय दाबो फावसयाखै जेराव दं बेनिफ्राइनो
हाजोआसो जेनगोन आं जेना।

सेकेण्ड मोनफ्रोमबो
आंनि खर’आव गोग्लैनाय अन्थाइफोरा
गेब्रुलांदों, बाला सेरेब जादों, गावनो गाव गोमालांदों
नाथाय आंनि थांखि आंनि साननाय एसेबो सोलायाखै।

आंनि गोरबो बेलकनि
गोसो दाउदै बिबारफोरा जोथोनैनो दं
बारसेबो लह्रायाखै
आंनि गोरबोआ दाबो गोमो

आं लैथो सिंआवनोदि उनदुनानै दं
अन्थाइ जानानै नों मिथिया;
नाथाय नों सानफ्लांदों
बबेहायबा बिंसुदआव होनानै खुबैगारहरजाबाय होननानै

नोंनि थाखाय आं दाबो गोमो
आंनि थांखि आरो सिमांआव
दाबो बबेनिबा फोलानाय बार थोबसेबो हाबफैनो हायाखै
Ronjoy Brahma Sep 2018
I'm not afraid to die of her smile
because no poison
no fuel,  adulterated......
and no betray in her mind

when she smiles deep and sweetly
then I want to  swim as much as I
and, of her tears like ocean
i wish I could swim, I can  fly of her voice

I love her specifically,  since
when we had been strangers for a day
for a night of flowering season
and we had smiled jointly by faced

I recalls that moments by heart and silenty
the beautiful moments returning
with holding her shadows --
she was smiled, that pictures arrived  again

Like a baby of smallest ages I play
and the pictures makes me happy
as I feel like the climbing on the peak of mountain's

I love her smile
makeup, beautify herself and
everything of her fashion
and designing, and become natural beauty

i love her like a fish loves water
i love her like  a bird loves sky
Ronjoy Brahma Jul 2018
बे समाव सोरगिदिं जेरैबो
मावथि आबादारिफोरनि गायनाय आरो फुनायनि बोथोर,
बेसे समायना बेसेदि रंजाथाव
सोमखोर मिथिंगा आरो आबादारिफोरनि मोखां
Ronjoy Brahma Apr 2018
बेसे गोदै गोसोआदि सुजुयो मेथाइ
रोजाबो आंनि गोसोआ
Ronjoy Brahma Feb 2018
मोनसे गाथोन मोनहैदोंमोन आं गाथोन बारलांनानै
सिमांआव अब्ला आं थैहाबनानै दंमोन;
अखाफोर आरो हाथर्खिया जोंथि-माथियै आंखौ बुरखायदोंमोन
जेन'बा आबैआ गथ' बुरखायनाय मेथाइ रोजाब रोजाब आंखौ फुथुदोंमोन
27/02/2018
Next page