उन्दै समनिफ्रायनो आं नुदोँ
आं मोन्दांथियो जेब्लाबो
बेसेबा रंजाथाव सानफोरा
अनसुलि बिमानि अन्नाया।
बियो जेब्लाबो मिथिगौ
माब्रै अन्नांगौ?
बोरै बुरखायनांगौ?
आरो गोनां आंनोदि।
बियो जेब्लाबो आंखौ बुङो
बेसेबा समा बारलांबायबो,
जोबोद रंजाथाव आरो रुइदोब।
आयै नोँ आरो आं
रागा आरो गाबनाय
नाथाय मोदै हुगारनो नोँदि फोरोँदोँ।
मोजां मोनो आयै
गोरबो गोसो गासैबो आंनि।
नोङो सानफ्रोमबो आंखौ नुयो
आंहा गोसोआव दं,
उन्दैनिफ्राइ लाइमोन दिनैबो,
सुंद' सम आरो बोथोरा थांबाय।
नोँ समायना आंनि आय
नोङो जेब्लाबो मिनिसुलि
नोङो जेब्लाबो गोहो गोनां
मोजां मोनो नोँखौ बिमा
नोँनो आंनि जिउ मुलुग।
साबायखर गोरबोनि गासैबो
मिनिसुलि रंजानायजोँ,
आं मिथिया नोँ मानो मोदै हुगारो!
आरो मानो हरखाब गंस्रियो
नाथाय मिथिगौ आं
नोँनि मोजां मोन्नाय
नोँनि आंखौ खुदुमनाय।
30/04/2015
