उही भाइले मलाई सोध्यो
छोटो समयमा राम्रो परिणाम प्राप्त गरी,बधाई पाउने कार्य
के छ दाई?

सुनेकै कुरा मैले भन्दिए,
"यो समयमा त, श्री स्वस्थानी व्रत गर"

हाँस्दै, उनले भन्यो, "त्यो त हो"
"तर  व्रत बसेर, कसरि बधाई पाइन्छ त?"

त्यो त  पाइदैन
त्यसो भए अर्को काम गर

"भन्नु के?"

भन्दिए, विहे गर, छिटो बधाई पाउन
अन्तरध्यानमा बसेका, कहिले नबोल्नेले पनि दर्शन दिदै बधाई दिन्छन

"त्यो त हो, यो त तयारी आवश्यक पर्छ"

त्यो पनि नगरे
बेरोजगारीको बल देखाउ
जाउ
टुँडिखेलमा कोदो रोप
खुल्लामन्चमा कराउ
सरकारलाई झकझकाऊ
जहा जे सक्छै, केही चाही गर

कुसमयमा
मलाई सोधियो
"त्यो मुर्ख छ, कसरी व्यवहार गर्ने ?"

मैले प्रतीप्रश्न गरे, "के तिमी पक्का छाै कि ऊ मुर्ख छ?
[ हो जवाफ आउने प्रवल सम्भावना थियो, म सुन्न तयार थिए ]

"हो, सबैलाई यो थाहा छ।" सोही जवाफ आयो

सक्छाै भने दूरी बढाउ
टाढा बस
त्यती सक्दैनै भने..........

"भने के" सोधीहाल्यो

भन्दिए,
"उ भन्दा मुर्ख बन"
"ठूलो मुर्ख देखि, मुर्खपनि डराउछ"

फोन राखेको संकेत आयो.......