Submit your work, meet writers and drop the ads. Become a member
Elana Galen Aug 2020
Hanggang kailan ko nga ba sisisihin ang sarili?
Hanggang kailan ko babalikan ang mga sandali?
Ang mga sandaling hindi ko na mararanasan muli
Dahil sa isang pagkakamali

Ang pagkamaling nagmahal kahit bawal pa
Pinilit kontrolin ang sarili ngunit sa emosyon ay nadala
Ngayon sino ang matatawag nating 'tanga'?
Napakatanga dahil sa huli, nasaktan pa kita

Pasensya na sapagkat hindi ko sinasadya na ika'y masaktan
Nangako sa'yo ngunit sa huli, ako pala ang mang-iiwan
Sana'y bato nalang ako para wala nakong maramdaman
Hanggang ngayon, ikaw parin ang laman ng puso't isipan

Lagi kong pinagdadasal na sana ikaw ay mainam
Kahit ano mang sabihin ng iba, wala akong pakialam
Tanging hiling ko lang na mabuti ang iyong pakiramdam
Salamat dahil ikaw ang naging munting kasiyahan. . .

Mahal, paalam.
:)(
Terry S Cabrera Jun 2020
Binubuhay ng pag-iisa ang iba't ibang pakiramdam.
Nalalaman mo na may mga bagay na 'di mo kayang gawin nang ikaw lang.
Nailalabas ang kalungkutang ikaw lang ang nakakaalam.
Nailuluha ang pighati na sa sarili mo lamang ipinapakita.
Lumalakas ang pag-iyak na mumunting hikbi lang sa tuwing may kasama.

Nauunawan mo na minsan kailangan mo lang din mapag-isa.
Nagagawa **** maging matapang -
Na kahit hindi mo kaya ay iyong sinusubukan.
Nagagawa **** pasayahin ang iyong sarili.
Hindi mo na kailangan pang magpanggap na hindi ka sawi.
Dumadagsa ang mga kaisipan na sa pag-iisa mo lamang namamalayan.

Ngunit sa lahat ng iyan,
Napagtatanto mo na ang pinakamasakit na pag-iisa ay iyong may kasama ka.
Wala naman kasing pagkakaiba 'yong pag-iisa na ikaw lang
Sa pakikisama mo sa karamihan
O sa tuwing napaliligiran ka ng tinatawag **** kaibigan.
Pareho lang ang ibinibigay nilang pakiramdam.
Pareho lang ang inuukit sa iyong isipan
Na mag-isa ka -
Kahit ikaw lang o kahit na mayroong kasama.

© Tres
japheth Mar 2020
‪huminga ka.‬

‪hindi porket nagparamdam siya, ‬
‪susubukan mo kung may pag asa pa;‬
‪kung may natitira pa.‬

‪sa oras na ‘to na lahat ay magkakalayo, ‬
‪na lahat ng tao’y may distansiyang higit sa isang metro, ‬

‪isabay mo na rin ang puso mo. ‬

‪di lahat ng bagay, may pagasang bumalik sayo.‬
english translation:

“metro”

breathe.

just because you felt his presence,
you try to see if there’s still a chance;
if there’s a hope left.

in these times where everyone’s apart,
where every person has a distance of 1 meter,

do so with your heart.

not everything has a chance to come back to you.

- been a while since I last wrote. i checked my messages now and i cried because someone told me they like the pieces i write. im sorry for not writing enough. i promise to make it up to you all once this pandemic is over.
Euphrosyne Feb 2020
Di ko alam kung paano ko gagawin,
Ako'y di mapakali, sa aking aaminin,
Dahil ako'y kinakabahan,
Mga ginagawa ko'y baka di mo magustuhan.

Dahil ito lang aking makakaya,
Sa kasamaang palad ito lang talaga,
Itong aking mga kalatas at tula,
Ito lang at wala nang iba.

Damdamin ang naging panulat,
Inspirasyon ang syang nagtulak,
Musika ang sa aki'y umalalay,
Sa katahimikan ng umagang walang kapantay.

Di lahat ng tula ko ay iisa ang balak,
Yung iba'y para lamang ika'y humalakhak,
Ngunit di ko alam kung ako'y matagumpay,
Upang mapasaya ka ng tunay.

Kay rami nga ng aking naiisip,
Mga "sana", parang panaginip,
Inaasam, nais makamtan,
Kahit yung man lang, mapagtagumpayan.

Sana ikay napasaya ko,
sana napangiti ka kahit papano,
Sana naunawaan mo,
Mga sanang tulad nito.

Sana tanggapin mo,
Sana paniwalaan mo,
Sana pagpasensyahan mo,
Sana, sana, sana, hay nako.

Sana man lang naramdaman mo,
Ang damdaming ikinubli ko,
Sa mga salita ng aking tula,
Na sana, sa puso mo'y tumama.

Sana man lang ika'y aking naantig,
Sana man lang ika'y aking napakilig,
Sapagkat di kaya ng aking mga bibig,
Di kayang sabihin, minsa'y nanginginig.

"sana" na higit sa aking pang-unawa,
Tulad ng "sana makuha ko rin ang iyong paghanga",
Ngunit iyo'y parang isang malayong tala,
Hanggang tingin nalamang, mata ko lang ang nakakakita.

Di ko alam kung ito'y panunuyo na ba,
Liniligawan na ba kita?
Dahil di ko alam sa sarili ko ang totoo,
Ang alam ko lang, ikaw ang tanging gusto.

Ako'y natatawa,
Ang landi ba naman nitong binata,
binatang naghahangad na sana,
Sana sa tamang panahon, ika'y kanyang makasama.

Ang pinapangarap nyang dalaga.
PARA SAYO ITO DIANE SANA MABASA MO ITO LAHAT.
Euphrosyne Feb 2020
Milya milya man ang layo mo,
Pero sisiguraduhin kong kakayanin ko,
Kakayanin ko, kakayanin natin lahat ng mga pagsubok na darating, Pagsubok na sabay nating haharapin,
Pagsubok na kahit tayo ay magkalayo'y alam kong ating malalagpasan,

Wala sakin kung kilo kilometro man ang layo mo,
Wala sakin kung hindi kita nakakasama o nakikita,
Pero sakin sapat ng alam kong mahal mo ko,
At sapat ng malaman **** ikaw lang ang laman ng puso ko,

Hindi ko man hawak ang iyong mga kamay,
Hindi man kita mayakap gamit ang aking mga bisig,
Hanggat nandito ka sa puso ko,
Mananatiling ikaw hanggang dulo

Mahal, Gusto kong malaman ****
Kahit ilang milya o ilang kilometro ang layo mo,
Wala ng papalit sayo dito sa puso ko.
Hindi man ngayon, handa akong maghintay hanggang sa magtagpo tayo.
Para sayo ito ulit diane. Kahit ilayo mo pa sarili mo kusa akong lalapit sayo. Determinado parin ako.
Minsan sumasagi ka parin sa isipan
Habang kaupo sa sasakyan
Nasa tabi ng mga bintana
At nakikinig ng malulungkot na kanta

Minsan sumasagi ka parin sa isipan
Kapag naglalakad sa kung saan
Kapag hatid na ilaw ng buwan kay liwanag
At ang ngalay na mga binti ay di batid

Minsan sumasagi ka parin sa isipan
Tuwing nakatingin sa kalawakan
Nagtatanong kung damdaming isiniwalat
At mga salitang binitawan ay puro nga ba at tapat
Hanggang dito na lang ako
Kung tatawid pa'y malulunod ng todo
Sa pagkalunod, di makakaahon panigurado
Batid namang iba gusto

Hanggang tingin na lamang sa malayo
Kung lalapit pa'y, tiyak di makukuntento
Magiging makasarili hanggang dulo
Ipilit at masasaktan ng husto
Sakali mang lilisan
Gawin ng isahan
Wag mag-alinlangan
Saksakin ng biglaan
Dahil ang minsan'
Pagpatay mo ng di dahan
Ay awang malalaan
Sa pusong iiwanan
Luna Jul 2019
Konti nalang bibigay na
Kaya kailangang lumayo na
Pagka’t hindi nais maging pangalawa
Sa puso **** pagmamay-ari na ng iba

Sa pagpaparamdam **** ako’y mahalaga
Nabigyan ko ng maling pagpapakahulugan pala
Inaamin ko, ako ang may sala
Pagka’t ako ay umaasa sa wala

Ako ay didistansiya na
Dahil ayokong maramdaman niya
Ang aking naramdaman sa nauna
Na iwan at pagtaksilan dahil may iba na

Hindi na muna magbabasa
Ng mga librong hilig nating binabasa
Pagka’t ang mga dahon ay nagpapaalala
Na minsan ang hilig nati’y iisa

Pipikit nadin muna tuwing titingala
Upang hindi masaksihan ang mga tala
Pagka’t ang buwan din ay iyong paborito
Dahil sabi mo napakakalma ka ng mga ito

Lahat ng ito’y aking gagawin
Hindi para sa iyo kundi para sa akin
Dahil karapat-dapat akong mahalin
Ng taong buong-buo ay akin.
Next page