Submit your work, meet writers and drop the ads. Become a member
Napuno ng tsokolate ang kanilang mga pisnging walang pakiramdam,
At ang awit sa tabing estero’y maingay pa sa pag-iri ng mga metal na may susi.
Unti-unti na rin silang naglabasan
Na tila mga gagambang handa nang pagpiyestahan
Ang mga bihag sa kahon ng posporo.

Narinig ko ang malulutong na mga papel
Na sabay-sabay ang pagpaubaya sa hanging umiihip ngunit mahiyain.
Ang mga palad na kanina’y nakatikom sa mga tela’y
Agarang nagsilikas at humalik sa mga lukot-lukot na papel.

Narinig ko rin ang mga latang may mukha
Buhat sa kani-kanilang sisidlan na kanina’y may makukunat na goma.
Ngayo’y isa-isa silang ipinatumba
Na para bang sa mga napapanood kong pelikula ni FPJ.

Hindi ko matantya kung ano ba ang ibig sabihin
Ng kakaibang sining sa mga mata nilang tila ba santelmo.
Maghuhulaan ba kami sa kanilang mga bolang kristal
O huhubarin na rin nang paisa-isa
Ang mga alagad nito’t maibubunyag ang aking pamato.
shadow Apr 29
Sa dinami rami ng tulang naisulat ko,
ito ang aking paborito,
ito ang ayaw kong lagyan ng tuldok;
at gusto ko sanang samahan ng ritmo,
hindi ko alam kung anong napansin ko sa'yo,
o kung ano mang mahika ang ginamit mo para mapaibig ako,
oo,
inaamin ko,
ikaw ang tulang ayaw kong matapos,
gusto kong sulitin at ubusin
ang pantig,
hanggang sa maghikaos;
hanggang sa mabuos ang tinta ng ginagamit kong panulat,
ikaw ang bituin na aking tititigan
hanggang sa lumubog ang buwan,
ikaw ang aking nanaising mahawakan-
habang natatakot,
habang iniisip na ang bukas ay baka sakaling hindi na ikaw ang katabi,
na baka bukas ay nasa ibang bisig-
o sa iba na nakalapat ang 'yong labi.
ayokong matapos ng umaga ng walang pasintabi,
ayokong mawala ka sa'kin nang hindi kita nayayakap,
at kapag nakagapos na'ko;
asahan **** hindi ako bibitaw,
aantayin ko ang muling pagsikat ng araw,
para mapanatag ang aking isip,
na sa aking paggising,
ay hindi ka pa nakabitaw.
shadow Apr 29
kasabay ng pagkislap ng tala, ay ang pagkislap ng iyong ngiti,
ang paghulog ng mga bituin, ay kasabay ng paghulog ng aking damdamin.
hindi ko napigilan,
sinabayan ko ang himig ng kalawakan,
inisip kong kamay mo ang aking hawak hawak,
iniisip kong bewang mo ang aking yakap yakap,
sa ilalim ng kadiliman,
sa ilalim ng walang hanggang liwanag ng buwan,
tayo ay sumasayaw,
gumagalaw,
sinasabayan ng indak ang ihip ng hangin.
hindi ko namamalayan ang paghulog ng damdamin,
mananatili akong nagapos sa'yong katawan,
hindi ko aabalahin ang pag-indak ng ating mga paa,
susulitin ko ang oras na kasama kita,
dahil sa bisig mo lang naman ako nagiging payapa.
kaya sa muling paglubog ng araw,
asahan **** ikaw pa rin ang aking pipiliin na makasayaw.
kahit na paulit-ulit ang ating tugtugin ay hindi ako magsasawa,
ikaw ang paborito kong himig;
ikaw ang paborito kong kapareha.
I made this for you lia.
Redaviel Oct 2020
Dalhin mo ako sa lugar na alam natin
Alam ko naman na ikaw ay tapat at totoo
Magkano ba ang pagsang-ayon mo sa akin?
Kahit kulang ang sukli, babayaran ng buo
Hindi pansin ang pag-andar at oras sa biyahe
Sanay naman ako na sumakay at umabante
Ang balat ay basa sa pawis at masarap na init
Sa ingay galing sa iyo, katahimikan ay napunit
Tulad ng mabagal na pagpunit sa daanang masikip
Makakaraos rin sa huli, walang lugar ang inip
At sa sukdulan, parehos na pagod, hinga ng malalim
Sabay tayo nakarating, sa liwanag at dilim
demn Sep 2020
KU
MU
HA,
Ang aking kamay ng blangkong papel,
Ngunit ano nga ba ang nararapat isulat?
Tungkol sa'yo nalang nga ba ang lahat?
Kailan kaya ang panahon na ako ay makakamulat?

GU
MA
LAW,
Ang aking mga kamay,
Ngunit ikaw pa din ang nasa isip,
Tila na naman ako gising na nananaginip,
Naway magising na ako sa aking pagkakaidlip.

DU
MI
KIT,
Na ang tinta sa papel,
Ngunit ang tula'y tungkol na naman sa iyo,
Kailan ko kaya maihihinto,
Ang oras na kung saan ikaw sa isip ko'y tumatakbo.

HU
MIN
TO,
Ang aking kamay sa pagsusulat,
Naliwanagan na nga ba ako?
Oh isa na namang imahinasyong nabuo?
Naway hindi sana ito magkatotoo.

MU
LI,
Na namang gumalaw ang aking kamay,
Ngunit ako na naman ay mali!
Kulang pa ba ang lahat at hindi mo maisukli?
Bakit napakahirap hanapin ng iyong kiliti?

TUL
DOK,
Na ang aking naisulat,
Nagtatapos na nga ba ang lahat?
Nawa'y mapapawi na ang sugat,
At ito na nga ang huling hudyat.
chi Aug 2020
noon, tayo ay nag mahalan
bumuo tayo ng mga pangakong aking pinang hawakan
gumawa tayo ng mga bagay na nag resulta ng sobrang kaligayahan

ngayon, wala na; wala ng tayo
kinalimutan at binalewala mo ang ating mga pangako
pero sinta, ako'y hayaan mo
tutuparin ko kung ano man ang ating na plano

at sa hinaharap, patuloy kitang mamahalin
ang ating sinimulan, itutuloy ko parin
kahit ako nalang mag isa, at ikaw ay hindi na akin
—g.l
here’s to all my filos out there <3
Mayari Aug 2020
Dumating na naman ang mga alon
Dala ang ala-ala ng kahapon
Sa pag-ahon, mangangako
Hindi na ulit magpapalunod

Ngunit tinatawag ng tubig
Hindi mapigilan ang pagbalik
Sisisirin ang pinaka malalim
Pangalan mo’y muling hahanapin
Gusto ko nang makaahon.
Mayari Jul 2020
Lahat ng dahilan, naipon na
Saan na ako pupunta?
Masyadong marami para bitawan
Hindi naman sapat para ipaglaban

Ayoko na dito sa gitna.
Next page