We cya do what we wah do,
Everybody have something tuh say.
When yuh try tuh try and try yuh best,
Yuh make next to nothing at the end of the day.
Meh empty bed does laugh at me,
De late hours of de night,
Spent leaned over de work desk being whipped by worries.
Just to get those blue bills that sweet sight.
Yuh see meh fren, slavery is alive and well,
It does just wear a suit and ride in luxary,
Yuh does be quick to buy wah it sell.
Modern day slavery is why we go continue to live in poverty.
Argue amongst we selves as tuh who better,
The 'coolie indian' or the 'hard back creole'
PNM or the UNC,
We argue as to who is de biggest *******,
But them making ******* outta all ah we.
Watch de high prices, de crime, an de struggle,
Yuh feel they give ah dam about we,
Lemme tell yuh, is you fuh you an I fuh I an we go never be we.
Dem hav we so, can't even afford ah nuggle.
Buh we does fett de hardest tho,
We does wine the baddest tho,
We does horn down to the dog tho,
An nobody does do carnival like we!
Ah pride dat is always by yuh side nationwide!
We does take pride in de wrong ting,
We does **** one another, theif and cheat one another.
While Dem ha we like slaves still,
And we grinding slow but still,
We does grind in the old slave mill.
A poem written in Trinidadian creole about segregation and modern slavery from a trini's perspective.