आं सिमां नुदोँमोन
अनजालिखौ लानानै सान बारहोनाय
रावबो फैयै लैथोमा गेजेराव
बेसेबा गोजोन बेसेबा रंजानायजोँ
सिमा गैयै गोजानाव मिजिँ खालामनानै
जिउनि दिङाखौ हगारनानै
नाथाय आंखौ फोजाफैयो होस्रिख्रावनाय
सोबखजानाय बे हानि हावरिया आबादारिफोर
गोमालांबाय गासैबो उन्दुनाय
आं आरोबाव मेसेबनो हालिया
अनजालिखौ लानानै सिमां नुलिया आं
बे होस्रिख्रावनायखौ आथिँ गासिन्नानै
बेसेबा मोजांमोनबाय आं बे जांख्रिथाइखौ
जोबोद गोथार दाबिनाय
बेसेबा गोगो लुबैनाय बियो
बे हानजानिनो आंबोदि दिनै सासे
बिग्रायारिफोर बियो गोथार दाबि
जोँ उदां जानो लुबैयो
समान बाहागो लुबैयो जोँ
बे हानिनो जोँ बिगोमा आबादारि

हाद्रिजोँ गेलेनाय रिउ रिउ बुब्लि
बै खुदियानि जिउ बिसम्बि
आंनि बांबुला लोगोफोरखौ
आं दिनै जोबोद गोसोखाङो।
गोसो आरो मोकथांनि हान्थिनायजोँ
जोबोद गोजान सफैबाय आं
आंनि लोगोफोरा थाबोबाय बबेवबा
आं बिसोरखौनो गोसोखाङो
जेराव आं दिनै थांफिननो हालिया।
जिउनि हान्थिनाय थुंगेनाय गैया
दंबावो गोबां आगान बेसेबा गोजान
आंनि थांखिनि इयुन बिदिन्था।
हे अनजालु आंनि लोगोफोर
नोँसोरखौ आं गोबाना लादोँ
आंनिनो गोसोनि अखाफोर बेँखनाव
नोँसोरजोँ हाद्रियाव गेलेनाय आरो
आमाय-जुमाय गेलेनाय बिबार बुंफबनाय
गोरबो गोरबो बयनिबो मोखांआव।
आंनि गोरबोआव गाबनाय आरो रंजानाय
बेखौनो जिउनि सुखु खालामना
हान्थियो आं दिनै जिउनि साघनाखौ लानानै।

मुगासे सिमां नुनानै सिरिमोन्ना
आरोबाव आं मुगासे कम्बल सिङाव
सिरि मोनहां मोनहां जाब्लानो
बियो बिरबोदोँमोन गांखं फुवारनानै
बेसेबा गुसु दोमैलु बारजोँ लोगोसे
दा बियो बिरलांबाय सोनाब फारसे
बिनि सायखंआ आंनाव नांदोँ
आरो गासै आंनि सोरगिदिँ खोमसि जादोँ
हांसो सिलारिया माब्ला बिरलांखो?
आं उदिस मोनस्लाबाखिसै
जानजि हमलाय खेबफा सानेरलाय
बाबांसिन आंनि बेसर फुनायखौ बियो नायदोँमोन
आं मुसुरदाव मुसुरदाव दुब्लियाव मोसौ लायना
नआवनि गेग्रेब गलियाव खाफैनायखौबो
बियो नायहरदोँमोन आं उदिस मोनै
दा बियो बिरलांबाय सोनाब फारसे
बिनि सायखंआ आंनाव नांदोँ
आरो गासै आंनि सोरगिदिँ खोमसि जादोँ

आंनि मेगननि गोफार नोजोरा
नोँनि बिखायाव नांबाय
मानोना आंनि गोसोआ
नोँखौ मोन्नो हास्थायथारो
नोँनि खबाम गोनां आगान
आरो नोँनि मिलौहाब गारां देँखो
आं बेसेबा मोजां मोनो
बेवहायनो आंनि मेगननि सु
नोँनि मिनिखैरौ मिनिनाय आरो
नोँनि समायना देलाइनाय मुस्रि
आं गासैखौबो मोजां मोनो
बेखायनो आं गावनि खालामनो
नोँखौ जोखोम खालामनो लुबैयो
बिनिखायनो आंनि मेगननि सुआ
नोँनि गोरबो आरो गोथार आगानाव

मोन्थाइखौ लानानै आंहा दाबिनांगौ दं
गोथार गोरबो आरो जिउ थासान्दियाव
मानोना जाय आंनियाव दंमोन
दिनै गासैबो गैलिया जाबाय
बेखायनो आंहा दाबिनांगौ दं
जोनोम जानायनि उनावनो
जाय हाद्रिजोँ आं गेलेयोमोन
बे हाद्रिजोँ आंहा सोमोन्दो दं
बे मिथिँगाजोँ आंहा सोमोन्दो दं
बे बुहुमनि दै बार आरो अखोरां
दाउसिन-दाउला आरो जिउ-जिबि
बिसोर गासैजोँबो आंहा सोमोन्दो दं
बिसोर गासैबो थारैनो आंनि
बेखायनो आंहा मोन्थाइ दं
बिसोरखौ अननो आरो सिबिनो
बिसोरजोँ गेलेनो मोन्थाइ दं
बेखायनो आंहा दाबिनांगौ दं
जाहाथे बिसोर गोमालाङा
आंनि मेगन सेरनिफ्राय
जाहाथे बिसोर रावनिबो मेगन नाङा
बेखौ होबथानो थाखायनो
आंहा दाबिनांगौ मोन्थाइ दं

गावनि गोसोबादिनो
नोँ गाबो आरो रंजायो
हास्थायो नोँ आरो मुगैयो
आंबो आं बादिनो
सिमां नुयो आं बेसेबा गिदिर
बयनिबो गोजौसिन आरो गोथारसिन
बयनिबो गोफारसिन आरो गोबौसिन
हमथा जायै आं आंबादिनो

दुखुआ फैयो आरो थाङो
जिउजोँ गेलेनाय आरो सावरायनायाव
जिउखौ आं मोजां मोनो
आं गोसो जाब्ला गाबो
सेरजा हुनाय दुखुनि राङियाव
खाम दामनाय दावबायनाय हान्थिनायनि
गासै मेथाइ आंनि खोमायाव रिँफैयो
गोदान आरो गोदान जेब्लाबो
आगर फालि मेगन बिलाइयाव
बायदि बायदि गाब समायना
आंनि गोरबोआव गेलेफैयो
रिउ रिउ सुफिननि देँखोआव
खोलो खोलो बार बारनायाव
बेखायनो गले गले जेब्लाबो
आं गोसो जाब्ला गाबो

लाइमोन सिख्लानि जारौ गुस्थिनिफ्रायबो समायनासिन
नोँनि गुस्थि
गहेना गानफबनाय हिनजाव गोदाननिफ्रायबो गोथारसिन
नोँनि गोरबो
दुखु गैया दाहा गैया नोँनाव
रंजाफ्लानाय आरो फोलानाय गैया
नोँखौ बयबो बरायदोँ
दैसा सेराव बाज्ल' बाज्ल' मोसानानै
नोँखौ बयबो बरायदोँ
थुम-थाम एटम बमा गावनानै
नोँ फैबाय बेसेबा खुसिजोँ
गोदान आरो इयुननि मिजिँ लानानै
गोजामनि इनाय अगेन बिसम्बिफोर
आरो बावनो हायै दिखारखौ
बहाबा नारगार हरना दिनै

O brother dwimalu!
Why did you bring the white elephant?
In the country of misfortune bodo race!
One of the next one to the king
Country attack in the feet of your own feet.
How glad we had!
You are in the country to increase!
Like to give the flowers to god
The king dwimal to give to the prize
How much happiness was you
The white elephant of burma country.
But the knowledge of the bodo
Knowledge in mud like a bath,
Not to have mercy for the chief minister
Tolerate can't be punished by the king!
Not water to fire
Not stick to elephant
No gun molten to lead
So much injustice did you finish!
O brother dwimalu!
Charlatan and scrooge
Step up mother and then how to believe?
But loved, had food for dinner!

मोनसे हादरमा
मोनसे थावनि बर'फ आरो गुसुनि,
लोगो नोँ सोरखौबा नुदोँ बेवहाय?
रावबो गैया बेवहाय!
गासैबो बेवहाय बर'फ
बर'फनि थुख्रा आरो गुसु,
बर'फ फानग्रा जायगा गैया बेवहाय?
गैया जेबो हाथाइ गला!
नोँ जेरैनो नायहरो
बेवहाय फुरहाबनाय बर'फ नुयो,
जेबो थांनानै थानो हायै
बे जायगायाव।
थारैनो जेबो दिहुनथाय गैया
बेयो थांनानै थाग्रा जायगा नङा!
नाथाय बेवहाय गेलेयो फेँगुन
बेसेबा समायना उदां गोथार।