नोंखौ नुनानै आंनि गोसोआ
एखेबारे नोँखौल' नायनो लुबैयो,
ओरैबादि लुबैयो नोङो आंनि मेगन सेराव
अरायबो थाबाय थाथोँ; आं नुबाय थाथोँ।
नोँ बबेनि आंनि गोसोखौ बोग्रा
आरो नोँनि मुस्रियाव नोजोर नांबाय आंनि मेगन,
दा आं नोँखौ बेसेबा मोजांमोनो
ओरैबादि नोँजोँ गासै जिउखौ खुसिजोँ दैदेनगोन।
लामायाव नोँखौ साया-माया नुयो
माब्लाबा नुनायनिफ्राइनो आं गोसोथोयो,
दैसा बोहैनायबादि नोँनि मिनिनायखौ
आं गले गले खोनाबाय थायो।
बिबारबादि गेवलांनाय महरावनो नुदोँमोन आं
नोँखौ नुजेन्नायाव गोमोहाबदोँमोन गोसोआ,
नोँखौ लोगोमोन्नाय सानसेखालिनि आगान
आरो नोँनि थाबायनायनि आगानखौ
आं दाबो नागिरबावो दिनैबो।
