Kutis na unti unting napupunit sa hamog
Sa kapal nitong dilim ako ay bihag ng yamot
Makapal kong balat tila ay namanhid na
~
Kasabay nito ng manipis na pag ambon
Mahinhin ang paligid gawa ng panahon
Ang araw ay magtatago buong maghapon
Tanging pagkasala ay paggising ng pagkaaga-aga
At pagkaantok ay hindi na makababalik pa
Ito marahil ay sanhi ng maaga kong pag tanda

Kulang ang mahabang gabi
Para sa pagidlip ng isipang puno ng pagkalito
Kahit naman makatulog ay
Sa paggising utak pa rin ay pagod
Dala-dala maging sa panibagong araw
Ang mga gumagambalang pighati
Utak siguro ay puno ng bagabag
Napakasikip na ng kokote, problema pa ay padagdag
Tila ang mga pangarap ay tuluyan nang lumisan
Init ng aking damdamin tuluyang lumigamgam
Pag-asa ay naiwan sa mga kahapon
Wala na bang ibang mararating?
Sa mga kalyeng nalakaran na
Ipagpapatuloy pa rin ang paglaboy
Mas makabubuti pa sigurong makatulog
Baka sa panaginip lahat ito ay maglalaho
Antok sa mundo, ako po ay dapuan mo

These eyes are entertained
By looking to these stars while glittering
Other wont even take a glance
While I'll sit and take my time waiting

For life is day and night
And I chose the dark
I still appreciate your lights
But the sky is where I look for the spark

I express my love for the rain
All my colors getting drained
I am stuck in this blurry sight
And wont be enough stars tonight

I will be perfectly alone kissing this filter
Cause you wont be needing me in your arms closer
With the smoke I inhale I feel so desensitized
This now is one of the side of my dice.

Isang pangkaraniwang tao lamang na lumalaban,
Nakikipagsapalaran sa paminsan-misan,
Napapagod na sa araw-araw na pakikipag-baka,
Sa buhay, hangad lang ay kaunting biyaya.
Hirap at napagkaitan ngunit naririto pa rin
Ito ba ay pumupukaw pa sa kanilang pansin

Maligamgam na hangin halina sa mukha ko'y magdampi,
Nag-aantay ng pagbukas ng kalawakan kasama ang pusong sawi.
Ngunit walang na bang liwanag sa aking b'wan?
Mga maswerte kong bitwin, hindi na rin mahanap kung saan.
Tinakpan na ng maiitim na kaulapan.
Nagbabadya na nga siguro ang taglamig na panahon
Nililimot ang mga bakas ng kahapon
May mga araw na dapat pa atang bilangin
Tanging kasama, natatanging maligamgam kong hangin.

Gandang iyong taglay ay naguumapaw, at ang ugali'y napaka.
Higit pa sa nakikita ng aking mga mata,
Ako nga'y lubos na humahanga.
Sa aking panaginip ikaw ay napapasama,
Ikaw lamang ang nasa isip, aking sinta.

Ako sana ay iyong namang bigyan ng karampot na pansin
Sapagkat ikaw ang pinakamahalaga sa akin.
Nagiimpok na ng pangarap, tanging hangad ika'y nasa aking paningin,
Sa iyong mata ako ay matagal nang nagpapaalipin.

11-12-18
12:14am

paano mahihimbing
sa gabing 'di ka na malalambing?

bakit pa gigising
sa umagang 'di ka na kapiling?