Submit your work, meet writers and drop the ads. Become a member
Jo Organiza Jan 21
Nagbaga nga kalayo sa atong kabatan-onan.
'di mapalong kon agi-an man sa mug-ot nga panganod ug uwan,
sama sa usa ka punoan nga aduna'y gibarugan,
'di matarug ug matangtang bisag kapila mo pang tayhupan.
Tayhupi ug hangin ang gabaga
nga uling sa imong kasingkasing.

Busa, pukawa ang nagbaga nga kalayo sa imong dughan
ug lihoki nag sugod ang mga gi-amgo **** damgo.

Twitter: @JoRaika
Balak - A Bisaya Poem.
Akira Dec 2020
Gusto ko nga masanag sama sa bulan,
sa ilawom sa langit nga gabii nagadan-ag ako.
Nahibal-an nako nga kini nga mga pangandoy matuman sa dili madugay.
Gihangyo ko nga kini nga mga pangandoy dili magpadayon ingon usa ka damgo.

Usa ako ka buhi nga tawo nga adunay katuyoan
alang sa matag gagmay nga mga butang nga akong nakita mao ang katahum.
Aron makab-ot ang akong katuyoan ang akong gipunting,
Akong atubangon kini nga mga hagit nga maisugon.

Akong kuptan og maayo
ug dili igsapayan kung unsa ang gihunahuna sa katilingban.
Basta nagbuhat ako og maayo,
Hatagan ra ko sila og kindat.

Kay nahibal-an ko nga makab-ot ko ang akong mga katuyoan someday,
Malipayon ako sa bisan unsang paagi.
This is a Bisaya version of my poem SOMEDAY.
I think I should do this because the old Bisaya language is slowly fading or forgotten.

PS for me this is the most romantic language ever!!
Angelito D Libay Jun 2020
Ako unta kang dalahon
sa akoang paglakaw
Gusto unta teka kuyogon
Kung mahimo lang bitaw

Akoang gibalon
Ang kabibo sa imong katawa
Ug ang tam-is **** pahiyom
Akoa pud na gidala

Sa atoang kalayo
Bitbit nako ang paglaum
Na dili ka magbag-o
Sa imong gipang-ingon

Ug ayaw lang kabalaka
Kung mohabol ang kamingaw
Saksi ang tanang bitoon
Gihigugma ko ikaw.

Sa matag tikang palayo
Kamingaw nakapalibot
Pero saad ko kanimo
Pohon mobalik ko diha sa imong kamot.
Angelito D Libay Jun 2020
Sa imo ra nipitik ning akong dughan
Buntag, udto, ug gabieng tanan
Na bisan ug namalandong ko sa makadaghan
Dinasaysay gihapon niini ang imong ngalan.

Sa imo ra nitotok ang akong mga mata
Sa matag pilok niini, imong nawong ang makita.
Ug bisan paman ug motan-aw ko sa ubang dalaga
Ikaw raman jud akong makit-an na gwapa.

Sa imo ra nilupad ang akong hunahuna
Nagahandom na makauban ka sa matag takna
Nahigam ko, lisod jud ning mahigugma
Magpanikad sa adlaw na makaanha ko sa imoha

Ug sa imo ra iukit ang akong ugma
Hugot sa pagtoo na dili ko sa imo mawala
Ubanan teka sa kasakit, hilak, ug pagmaya
Hangtod kitang duha husgahan na niining kalibotana.

Sa imo ra.
Angelito D Libay Jun 2020
Unom ka bulan na ang nilabay
Sa unang pag wave nako sa imo ug pag HI
Akong kasakit, kagool, ug kalaay
Napulihan sa ngisi, pagkakita nako sa imong reply

Nakahinomdom pako sa una
Moving on ko; naay nagparamdam sa imoha
Abi jud nako ug kamo nang duha
Apan sa dihang gi-ghosting ra diay ka niya.

Mao to, niulpot akong kasingkasing sa kalipay
Paramdam dayon ko, wala nako nagdugay-dugay
Nagahamdom na mapansapin nimo ko bisan gamay
Ikaw naman gud ang gipangita sa akong kasingkasing kanunay

Dalawampu, baynti, o twenty
Bisan paman ug unsay tawag nato niini
Para sa ako adlaw ni na naay dakong bili
Sa atoang panaghinigalaay, mao ni atong monthsary.

Karon, boot nako isulti sa imoha pag usab
Na ako, dili magbag-o sa akong mga saad
Dili teka biyaan, tinood ni walay sagol ilad
Ubanan teka ug dili nako buhian ang imong mga palad.
Jo Organiza Jun 2020
Nilabay ang 'di maihap na kamingaw sa kagabhi-on
nagbaklay ug nasaag sa mga langit ug bituon
ang kahapdos mihuot sa mga pisi sa'kong dughan
gibati kong 'di maipahulagway kung 'di sa mga pulong lamang;
kamingaw'g kasakit ang bugtong mugakos kanako kada kadlawon.
Bisayang Balak Nga Mahitungod sa Gugma

Balak - A Bisaya Poem.
Enia Jun 2020
Sa akong pagkas kas sa gitara
sa ilawom sa kahoyng palma,
naminaw ko sa mga langgam,
nagsturyahanayg mga butang
na gusto nako mahibal an.
Enia Jun 2020
Ang imong presensya
nag anam-anam og kahanaw
sama sa aso sa sigarilyo
nga imong gibuga.
Apan ang atong mga giambit
nga mga gutlo ug musika
sa ilawom sa kahayag sa bulan daplin sa dagat
nagpabilin sa atong kagahapon.
Sama sa mga abo sa sigarilyo
nga gipalid sa kahanginan,
giubanan sa atong mga kahidlaw
ngadto sa mga lugar nga bisan asa,
gisulayan natog dakop ug komkom
hangtod sa di na nato
makab-ot.
My first attempt to bisaya poetry. Hehe
Jo Organiza May 2020
Akong dila daw kay kusog mulabtik ug tam-is na mga pulong
Mukatay ug muginhawa pagawas sa akong ilong.
ay giatay ay nalang, kini diay kay sip-on.
My poems are not well-constructed jud pero I hope you like it, hehe.
Twitter:@JoRaika
Balak - A Bisaya Poem.
Next page