बयबो रंजानायनि गेजेराव
आं रंजागोन---
दुखुखौ दोनगोन आं
नुयै बबेबा आन्दो खनायाव
.
संसार मानसिनि गेजेराव
बिखासे बिखा अननाय लानानै
अननायखौ होगोन आं---
थांना थानायनि रायजोआव
.
जुब जुब अखा फैथोँ
बै समा फैयोब्ला
रंजासुला मिथिँगानि रायजोआव
बयबो रंजानाय जायोब्ला
.
जिउनि बारग्लांनाय रैरुब
मुलुगनि रंगिना बिबार बारियाव
देलाइनाय जाथोँ मिथिँगानि
गोथां बाथ'गां दखनाजोँ
.
गोजोँ मिनिनाय निजोरानि
अखोरांसे गुवार अननाय
जाथोँ खुदुमनाय सिदोब सिदोब
गेवलांनाय गोदान बोसोर
.
समायना सिखिरिनि बिरबायनाय
जायोब्ला मोदोमनाय बिबारनि
हालि हालि बारग्लांनाय बिनि---
.
मेथाइ रोजाबथोँ दाउसिन
बिफां-लाइफांनि मोसानाय
बेजों गोजोन बारा थाबायबोथोँ
औवा बिजौआ सिफुं दामनानै
.
दैमा-दैसा बोहैनायजोँ
दाउबोथोँ हालि हालि ना
बेजोँ फैथोँ गोदान बोसोर---
बिफां-बेन्दोँनि रोदोमनायजोँ

आंनि गुदुं सोलेराव
बिलिरलां नोँ बार
सुदेम अननायखौ होलां
गोरबोआव गोजोन लुफावलां
.
नोँल' गोजोन होयो गोसोखौ
सुदेम गुसु बिलिरनायजोँ
आंनि गोरबो बिखाखौ
नोङो सुग्लाय होयो दुंहाव सोलेरखौ
.
फुंआव नोँ मोसायो
रैरुब निहोर बिलाइजोँ
मिथिँगानि समायना---
गोथां सोमखोर बिफां बेन्दोँ
.
नोङो बिलिरलांफै खर'खौ
अननायखौ होनानै आंनो---
थाजिम होलां आंनो---
गोरबोनि खुसिखौ होनानै
.
बार नोङो आंनि हां
नोँनिनो मोजां मोन्नायजोँ
हगारो आं मेथाइ---
हगारो आं देँखो---
.
बेसे गोजोन मोनो
बिलिर फैयोबोला गोसोआ
नोँ आंनि सोलेर गोबाफैयोबोला
बेसेबा समायना जायो गोरबोआ
.
दैमा-दैसा बेसेबांदि बाज्लयो
नोँनि अननायनि खुदुमनायजोँ
बेसेबा समायना नुयो---
बिफां-लाइफांनि देमलो मोसानायजोँ
नोँ बेबादिनो लाबो खुसिखौ---

दिनै जोबोद गुसुसिन जादोँ

मेंग्लियो गोसो-
मोकथांनि सेर सेर
नागिरो दैसा जिरि बोहैनाय

आं सिमांखौ नुवाखिसैमोन
एमावनो सिरिमोन्ना दंमोन
फुंनि 6 रिँगा जाबाय
आब'आ आंखौ फोजाफैबाय
दर्जा खोरखि बुयै बुयै
सिखार सोरांबाय होन्नानै
मावथि जोँमा सानजानि आंनि खोरखिजोँ
बेरलाव मेगनजोँ नायहरदोँसै जोँ जोँ
सिखारना गुदुं गस्ला जोमना
दुब्लियाव मोसौखौ खाहैबाय
फैना दैखरआव मोखां सुबाय
फुंनि जानायखौ जाबाय
7:30 रिँगायाव बेसरथिलियाव थांबाय
बेसर फुयै फुयै 11 रिँगायाव फैफिनबाय
12:30 रिँगायाव साननि जानाय
1:45 रिँगायाव बेसर फुनो थांफिनदोँ
आं आय आरो आफाजोँ
3:37 रिँगायाव फैफिनदोँ न'आव
दुगैयै साजायै दान्दिसे बेरायदोँ आं
गोजोनै गोजोनै न'सिम फैफिन्ना
दुब्लियाव मोसौ लायना खाफैदोँ गलियाव
मोनाबिलि मोनाबिलि दिनै सान्तिफुरनि आमायमोन फैदोँ
8 रिँगायाव मोनाबिलिनि जानाय
9:25 रिँगायाव आं उन्दुनो एमाव गोलाङो

रायजोनि गिर्जा लांगोनायाव
गोजाम बोसोरखौ राबणनि महर होनाय जादोँ
बिनो उदै बुंजासे आदार जाहोनाय जादोँ
एटम बम फर्खा आसि
रकेट सांग्रेमा मोला बम
बायदि गारमा गुवार गारमा गुसेब बम
बिनि सोरगिदिँ मण्डलिनि गासैबो
गानफब जोमफब बेँदिँनाय जागोन
सोरबा बाइबेल बिजाब लागोन
सोरबा मेथाइ बहि लागोन
हर नङा सोरां नङा 12 रिँगायाव
2015 आरो 2016 नि गेजेराव
गोजाम बोसोरनि लानजाइयाव अर होगोन
लोगो लोगो बयबो आफा खबगोन
लोगो लोगो बमाया गोसोबादि हब्रागोन
गोजाम बोसोरा बेबादिनो थांगोन
मोदै हुगार हुगार दखना आंसोलजोँ
नुयैनिफ्राय नुयैयाव खोमसि एबा सोरांजोँ
बिनि उनाव मण्डलिनि बयबो रोजाबगोन-
.
अ' प्रभु नोँ अन्नानै
जोँखौ बासायना लाबोबाय
थांनाय बोसोरनिफ्राय नैबे बोसोरसिम।

गोरबोनि थाखाय
जोँ गोरबोखौ मागियो
गुबुन मोनसे गोरबोआव
गोदान गोरबो
.
जोँनि गोरबोजोँ
दुखुनि बार बारलाङो
सुखुनि बार बारलाङो
बोथोरनि उनाव बोथोर
.
गोरबोनि थाखाय
गोरबोनि थाखायनो
जोँ थांनानै थायो
थांना नाथाय जिउनि थाखाय
.
मिजिँ सुजुयो
खबाम गोबां खन्थाइबादि
सिमां रनसायो
रंजानाय गोबां मोकथांबादि
.
गोरबोनि थाखाय
गोरबोनि थाखायनो जोँ जेनो
गोरबोनि थाखायनो
जोँ मिनि खुसि देरहायो
.
थांनाय आरो थैनाय
गोरबोनि थाखायनो
जिउ आरो सिमां
गोरबोनि थाखायनो
.
गोरबोखौ जोनोम होयो गोरबोआ
बेसेबा समायना समायना
मिजिँ गोबां सिमां गोबां