"angkinin" poems
sabihin mo saakin kung paano kita mamahalin
dahil minahal kita sa paraang hindi mo inaakala
sabihin mo saakin kung paano ko tatapusin ang mga sayo ay tapos na pero pilit paring pinagtatagpo ng tadhana
sabihin mo sa akin kung paano ko kakalimutan ang mga bagay
na halos ayoko ng maalala
sabihin mo saakin,
paano ko ililigtas ang relasyong tayo lang ang nakakakilala.
ang relasyong sa dilim lang maliwanag
relasyong hinuhusgahan ng lahat,
relasyong kasiyahan mo ang mas mahalaga.
sabihin mo saakin ang kongkretong solusyon,
sa mga desisyong hindi ako kasama
pero sa pandaliang ligaya,
kamay natin ang magkalapat sa tuwi-tuwina
sabihin mo,
sabihin mo na,
dahil pagod na akong angkinin ka sa tuwing may aagaw na iba.
sa tuwing sasabihin nya at tatanungin nya ako kung ako ay maligaya.
paano ko sasabihing tayo ay masaya,
kahit wala sa kama
ang simpleng yakap, oras nating dalawa ay mahalaga
paano ko sasabihin,
kung ikaw mismo hindi mo masabi
at mas piniling pagtakpan na lang ang lahat
at manatali
na ang kawalan ng salita ay manahan at bigla na lang mawala
hindi ka man pumipili pero alam ko,
sa kabila ng lahat ng ito.
kapag ang lahat ay tumalikod
lahat ay tumiklop
ako at ikaw,
mas pipiliin paring maglayo.
iwan ako,
iwan ka.
wala.
narating nanaman natin ang dulo.
Sep 3, 2018
Sep 3, 2018 at 8:34 AM UTC
Naaawa ako saiyo, Binibini
Karumaldumal ang pamamaslang na iyong sinapit
Luha mo’y nagpaparamdam ng hapdi
sa pag tulo nito sa iyong mga pisngi.
Ginahasa ka ng sarili **** pinuno
Minulestya ka at pinagsamantalahan
Ibinenta ka sa banyaga na parang isang bayaring babaeng matatagpuan mo sa daan.
Ninakawan ka ng sarili **** tagapaglingkod
Binigyan mo na ng palay at lupain
Ngunit ang hindi na para sakanila’y nagawa pang angkinin.
Pamilya mo’y nagawa kang saksakin sa iyong likod
Sa kanilang pananahimik at hindi pagkinig
Sigaw **** “tulong”, sa lakas ika’y nawawalan na ng tinig; at
Sa pananatili nilang pagpikit sa mga karumaldumal na katotohanang sa harapan nila’y nakahain.
Ipagpaumanhin mo ang mamamayan mo, Binibini
Tao mo’y masyadong nasilaw sa kayamanang iyong binahagi
Pasensya ka na at sila ay naging makasarili
Hindi nila inisip ang dulot nilang hinagpis.
Binibini,
Sa kahit anong gamot ang iyong ipahid sa mga sugat **** natamo
Malinaw na hustisya ang sigaw ng puso at isipan mo
Hustisyang malabo mo nang maabot
Sapagkat tunay kang hindi inibig ng tao
Kundi ginawa ka lang instrumento sa pagkamit ng kanilang makasariling plano.
Mar 15, 2019
Mar 15, 2019 at 8:25 AM UTC
Bato sa balat,
Hayaan **** lumapat ang ‘yong kahinaan sa mahinahong baldosa
Payagang lamig ay yumanig sa bawat panig ng iyong katawan
Mula sa kalamlaman ng iyong talampakan hanggang umabot sa–
Pagitan ng iyong mga hita, paakyat sa kalamnan, patungo sa dibdib
Hanggang maramdaman nginig na dala ng iyong pag-iisa.
Ipagpaliban mo muna ang mundo
Ilaw sa paningin,
Hayaan **** angkinin ka ng daang-daang mukhang nasasalamin sa bawat tisa
Tignan ang iyong mga nakikita, ikaw ngayon ay nakakahon sa bato–
At mga multo na iisa lang ang mga mukha’t hinaing
Payagang ika’y ariin ng kanilang mga nanlilisik na titig,
Huminga ng malalim at iyong sabihing
Ginusto mo ang linggatong na ‘to
Mata sa dutsa,
Tumingala hanggang kadahilanan ay magunita
Ang iyong katwiran kung bakit pinili mo ang kapangahasan
Hamakin ang sarili’t magnilay-nilay sa nagbabadyang kasalanan
‘Di hamak naman na mas ikakasaya mo ang pait–
Ng paglalapastangan sa sarili nang ilang makamundong saglit
Pagbigayang mabasa ang sarili
Silakbo sa kawalan,
Ipikit ang mga mata’t pakiramdaman ang daloy ng tubig sa’yong balat
Ipaanod sa agos ang haplos ng pighati’t pagtitimpi
Sa mahigpit na bisig ng isang mapanghusgang mundo
Tikman ang hagod ng malamig na pelus sa iyong mga labi
Sumidhi sana ang pagdanak ng init ng pagnanasa sa bawat bena
Mahalin mo ang iyong pagkatao
Makipagtalik sa sarili,
Ibigin **** maibigan ang pagiging makamundo’t makasalanan
Ibaling ang pansin sa pagpapalabas ng himutok
Muling sabihin na hindi makasarili ang pagnanasa sa sarili’t
Ulit-ulitin ang pagbaluktot ng diwa’t isipan hanggang ito’y tumatak,
Hanggang sa mabulalas mo ang iyong mga suliranin
At matapos ang lahat ng iyon hindi mo maiiwasan–
Pagkamuhi sa sarili.
Jun 9, 2018
Jun 9, 2018 at 1:20 PM UTC
May mga tibok na tumututol, nililigalig
Ang daloy ng damdaming nag-uumapaw.
Wala itong ano mang kaugnayan sa likas
At samut-saring kulay ng buhay at pag-ibig.
Ito ang ninanasa ng sugatang kaluluwa.
Ang araw na ito ay tampok na simula
Ng muling pagtibok ng isang puso.
Tila muling pagsilang --- pagtalikod sa kahapon;
Isang bukang-liwayway, bagong-bihis na layon,
Nanunuot itong balintataw ng buhay
Upang mahalagilap ang sarili,
Ngunit hindi upang angkinin, manapa'y upang
Salungatin ang kinagisnang saysay ng pag-ibig.
Ang araw na ito ang tampok na simula.
Sep 28, 2013
Sep 28, 2013 at 3:25 AM UTC
Aking minamahal,
Alam kong 'di mo kayang mahalin
Kahit anong dasal
Hindi kita kayang angkinin
Ikwekwento ko
Ang malubha kong storiya
Pusong nagdugo
Sa maling tao umaasa
Malayo ka man
Ika'y palaging hinihintay
Ika'y inaabangan
Sa tagal, ako na ay sinasaway
Nang magkatinginan tayo
Sa isang programang mahaba
Sige, kinilig ako, oo
Ayon ba ay masama?
Tahimik na tao
Ito ang aking nagustuhan
Kahit 'di romantiko
Hindi ko na yan inaasahan
Ang problemang maliit
Ang lutas ay paglayuin tayo
Sa edad ipinilit
Dahil lang mas bata ako sayo
Pero tinanggap ko
Na mas matanda ka sa akin
Kolehiyo naman siguro, no?
Konting hakbang lang mula sa'min
Ginaganahan pumasok
Lalo na kapag institusyonal
Pinipiggil ko ang antok
Para lang makita ka, mahal
At habang umaasa
Nanonood lang sa malayo
"Sana tumingin siya
Sa direksyon kong malabo"
Palaging tumititig
Dahil ikaw ng inspirasyon ko
Ngunit puso ko'y namitig
Nang malaman ika'y ****
Jan 21, 2018
Jan 21, 2018 at 1:04 PM UTC
Pang Akademiko o Hindi, ang asignaturang Filipino
Para ito sa kahit kanino
Mapagawa ka man ng bionote,
O kahit anino pa to
Pero sa gamit ng kaalaman at husay,
At sa tamang paggamit neto,
Ito'y magiging hubog sa bansa natin
Ang wikang Filipino, ang wikang dapat angkinin.
Mapa-likhang awit man ito,
Ito'y may sining, gamit sa likhang-pagiisip
Ako'y estudyante na Filipino,
Para sa ipagmalaki ang hubog neto
Gamit ang tamang etika,
Sa pagsulat para umabot sa tala,
Ito'y magiging tamang paraan,
Sa pag-unlad ng nakalaan
Aug 8, 2020
Aug 8, 2020 at 1:09 PM UTC
may pagkasabik akong nararamdaman,
paghahangad na hindi ko mabigyan ng ngalan
isang pagtataka na 'di ko matukoy ang dahilan.
isang pagkasabik na walang paghupa,
isang pagkauhaw na hindi matighaw,
isang pagkagutom na tila walang kabusugan.
ewan ko ba kung bakit ganito ang aking nadarama.
ito ang aking nararamdaman sa 'twing nakikita kita,
ganito ako kapag katabi kita,
ganito ako kapag naaamoy kita,
sa madaling salita nakakagutom ka.
gusto kitang kainin mula ulo hanggang paa,
halikan, dilaan at amuyin nang paulit-ulit,
pagkain ka na hindi ko pagsasawaan tikman,
ganito kita gustong angkinin.
Dec 11, 2017
Dec 11, 2017 at 2:16 AM UTC
"ikaw lang at ako, yan ang pangakong binitawan mo,
ikaw lang at ako pangako hanggang dulo
ikaw lang at ako pangako yan mahal ko. "
hindi ko na maalala kung kaylan at paano nagumpisa
pero ang sakit at sugat sa puso ay sariwa pa.
minahal kita ng totoo at sobra sobra
maski nga para sa sarili ko ay hindi na ako nagtira
naaalala mo pa ba noong tinanong kita
miss pwede ba kitang mahalin?
nagbiro ka pa nga "pwede, wag mo lang angkinin"
ilang buwan din kitang sinuyo at pinaglaanan ng pansin
at sa wakas aking sinseridad ay iyong binigyang pansin
ilang buwan din ang lumipas biglang nagiba ang pagtingin
ako ba ang nagkulang o sadyang may iba ka na giliw?
at akin ngang nalaman buhat sa isang kaibigan
ako pala'y walang karapatan
sapagkat hindi ako ang orihinal
mahirap man pero kailangang tanggapin
eto ang kinahinatnan na bigay ng kapalaran
ang tanging tanong ko lang
bakit ganun naman
tao lang ako
nagmahal ngunit nasaktan
akala koy tunay pagmamahal **** pinakita
yun pala'y isang huwad at nakamaskara
ang iyong pagibig na ipinupunla
sana'y inamin na ng mas maaga
upang hindi na umasa pa
na may isang taong darating upang aking makapiling
Feb 15, 2018
Feb 15, 2018 at 10:14 AM UTC
Sa iyong pagbabalik, nadarama ulit ang iyong halik
Galing sa biglaang pag-alis, nagdulot pa rin sa puso'y malalim na daplis
Tulang sinulat at inialay sa akin ay naglalaman ng mga dahilan
Mga dahilan na aking intindihin ngunit ako'y masasaktan
Ayaw mo akong lisanin ngunit ayaw mo na rin akong angkinin
Maaari ba iyon? Parang hindi nagkatugma sa totoong depinisyon
Ng tunay na pagmamahal pero yun ang iyong opinyon
Hindi mo ako gustong kalimutan, hindi ako kayang paluhain
Mahal mo akong lubusan, at ayaw **** makasakit ng damdamin
Sana'y malaman mo na natatawa ako sa iyong mga salita
Nang sinabi **** iwanan ako at hayaang sumaya sa iba
Siguro sasaya ako, oo alam ko
Pero asahan mo darating ang panahon na kung kailan pinalaya mo ako
Doon mo na rin malaman na ang bobo mo masyado
Sapagkat minahal kita nang higit sa aking buhay
Inialay ko lahat, kahit minsan ay sumablay
At para na rin pinatunayan **** hanggang salita ka lang naman
Ayaw mo akong saktan? Pero handa mo akong iwanan.
Binulag mo ang sarili sa kaisipang sasaya ako kapag wala ka
Yan ang kamaliang gusto ko sanang itama
Bali-baliktarin man ang buong daigdig, umiiral pa rin sa puso ko ay pag-ibig
Bakit hindi na lang natin isipang tayo na lang dalawa?
Ang natitira sa mundong ibabaw at wala ng iba pa
Nang sa gayon ay hindi mo maisip na ako'y makahanap ng iba
Higpitan mo ang paghawak sa akin at ako'y iyong-iyo na.
Dec 16, 2019
Dec 16, 2019 at 11:28 AM UTC
m a h i l i g a k o
sa mga bituin
sa malamig na hangin
sa matamis na awitin
kay sarap dinggin
lalo kung para sa 'kin.
n g u n i t m a s h i l i g k o
mga mata **** tila bituin
mga mapungay na tingin
tuwing nakatitig sa akin
(para 'kong tutumba sa hangin--)
ikaw at ikaw pa rin.
t u l a d n a l a n g n g h i l i g k o
sa mga bagay na hinihiling
mga bagay na 'di para sa 'kin ang alamin
bagay na nararapat lang sa dalangin
mga bagay na maaari lang hingin
pero hindi kailanman angkinin.
Jan 7, 2020
Jan 7, 2020 at 10:22 AM UTC
010324
Ikaw —
Ikaw ang nag-iisang Pag-asa,
Ni hindi Mo ako binigo’t
Ni minsa’y hindi ako tinalikuran.
Sa bawat pagkakamali’y
Ni hindi Mo ako hinusgahan
Bagkus tanging yakap Mo ang naging sandigan.
Ikaw ang aking Pahinga,
Ang aking kalasag at kalakasan.
Sa Iyong mga Salita’y nabubuhay ako —
Nagiging bago ang lahat,
Nagiging payapa ang puso.
Sa tuwing isasandal ko ang aking sarili,
Sa’yo lamang ako nakakahinga,
At nagiging mahimbing ang aking pagtulog.
Ikaw ang lunas sa bawat sakit,
Walang duming hindi Mo kayang hugasan.
Ngayo’y nandito ako
Upang manghiram Sa’yo
Kahit alam kong hindi ko ito masusuklian.
Pahiram —
Pahiram ng lakas sa bawat araw,
Pahiram ng bagong pananaw
Nang ako’y makausad at makaahon.
Pahiram —
Pahiram ng hininga at sandali,
Pagkat hindi ko batid
Kung hanggang kailan lamang ang buhay.
Alam kong ang lahat ng sa akin ngayo’y
Tanging hiniram ko lamang Sa’yo
Kaya’t turuan Mo akong hindi angkinin ang mga ito.
Sa’yo ang lahat, at balang araw ay kukunin Mo rin ito
At ibabalik ko Sa’yo ang aking paghinga.
At ang tanging hiling ko’y
Mapapurihan pa Kita,
Maging malinis ang puso
Hanggang sa pagbabalik Mo.
Salamat — Salamat, Ama.
Jan 5, 2025
Jan 5, 2025 at 4:54 PM UTC
My thoughts always ask
Bakit ikaw? Sabay takip ng unan sabay sigaw bat nga ba laging ikaw?
I always ask my self ?
Naiisip ko, paano kaya pag naging tayo?
You filled my heart with excitement
Yung pag lipas ng bawat sandali na parang walang katapusan, yakap, tawanan, kulitan at asaran
It always makes me smile because,
Sa bawat pag pikit ng aking mata at sa muling pag mulat nito'y nariyan ka
Pero bat Parang may mali
Everything is real for me
Kahit ito'y panandalian lamang
And it bothers me a lot
Dahil sa bawat pag hibing lang kita makakpiling at mayayakap
It always scares me
Na sasampalin ako ng realidad sa aking pag mulat
Because no matter what I do, no matter how much efforts I put
Hinding hindi kita mamatawag na akin sapagkat ang agwat ng imahinasyon at realidad ay hindi masusukat.
At ang pag kaka mali ko ang angkinin ka ng walang permiso
That you love so much even though you knew it will never happen.
Nov 21, 2018
Nov 21, 2018 at 1:52 PM UTC
Sa mga araw na di kita pinansin,
pinilit ko ang sarili na hindi ka kulitin,
Hindi dahil Gusto na sana kitang limutin,
Hindi dahil sa gusto na kitang lisanin,
Kundi
Dahil ayaw kitang angkinin,
Dahil ayaw ko nang saktan ang iyong damdamin,
Dahil ayaw na kitang paluhain,
Dahil sa mahal kita ng lubusan,
Pipilitin kitang iwanan ,
Upang ang tunay na pagibig at kaligayahan,
Iyong matagpuan
Kahit itoy sa ibang tao naman mangaling,
titisin ko ang sakit,
Para lang ikaw ay lumigaya
Dec 16, 2019
Dec 16, 2019 at 11:27 AM UTC