Puro isip, walang gawa
Puro lito, walang aksyon
Puro na lang ba ganito?
Ayoko na ng ganito!

Masyadong masikip
Masyadong maraming ingay
Maraming kuda
Maraming putangina

Masakit sa ulo
Nakakarindi ang mga ingay
Nakakasawa sila
Pero nakakaadik

Magulo pero gusto ko
Ayokong wala sila dito
Gusto ko maingay sila
Siguro nababaliw na nga

Sinong matino ang gusto nito?
Wala sabi nila
Matino ako para sa akin
Kayo nga ang hindi matino

Ayoko sa inyo
Gusto ko lang dito
H'wag niyo kong kausapin
Hindi ako kasapi niyo

Malalim 'to
Malalim tayong lahat
May lalim tayong lahat
H'wag niyong hayaang mawala.

Ang aking mundo ay napakasaya,

Ako’y namumuhay ng sama-sama,

Ang galak at luha ay walang pinag-iba,

Ginhawa at dusa’y tila iisa.

Sa aking mundo ay wala nang gutom,

Ang lahat ng sugat agad naghihilom,

Wala nang maaapi pagka’t ako ang hukom,

Hindi rin mamamatay ang matagal nang tikom.

Lagi kang dumaraan na parang hangin,

Ang iyong pagka-inggit ang aking napapansin,

Pagka’t ang aking mundo’y inaasam mo rin,

Ngunit ‘di mo maamin kaya’t hindi mo maangkin.

Kung ang aking mundo ay puno ng ginto,

At sayo’y basura, kasalana’t dugo,

Ngayon mo isipin at nang iyong matanto

Kung sino nga ba sa atin ang mas matino.

Sorry late na ba?
Pinaghintay ba kita?
Sorry di ako dumating agad
Pero sabi mo nga diba
Baka kasi di ka pa handa
Baka di pa tayo handa?
Bakit kailangan ba handa?
Di ba sapat na totoo lang
Totoo yung nararamdaman?
Handa ka ba nung dumating ako?
Eh ano naman kung di pa ko matino?
Handa naman ako magbago para sayo
alam nating wala namang magbabago
Alam nating di na mababalik yun
Nanghihinayang lang ako
Napapaisip lang ako
Na parang ang saya kung dati pa
Kung noon pa kita nakilala
Tingin mo?
Pero sana tama ka nga
Na hinanda tayo ng tadhana
Napaisip nga ako na baka nga
Dumating ako nung hinahanap mo ako
At di mo lang alam na ako na pala
Ang galing no?
Sinagot na pala yung hiling mo
Ibinigay sayo nung birthday mo
Di mo lang alam binigay na pala
Ako?
Di ko inakalang makikita ko
Yung babaeng pinapangarap ko
Kumatok na lang bigla
Nung mag-bi-birthday ako
Na parang sinadya ng tadhana
Yung panahong palayo na ko sayo
Ang galing no?
Hina natin umintindi no?
Pero tinulak pa rin tayo
Hanggang makita na natin
Makita yung hinahanap natin
Makita yung taong mamahalin natin