बोथोर हमै हमै बिबार बारग्रा
मान्दार बिबारा बारबाय
फागुणनि गुसु आरो दुंब्रुद बिलिरनायजोँ
जोँनि गामिखौ बेसेबा समाय होबाय
मिलौहाब गारां लानानै दाउलुर दाउसिनफोरा
हानजा हानजा बिबाराव बिदै सोबफैबाय
जोबोद खुसि जिउनि मेथाइ रोजाब्बाय
मिथिँगानि गोरान गोरान बिफांनि बिलाया
दिनै ज्रय ज्रय सिरि गारबाय
गोदान महर लानानै बिलाइ खिलिदोँसै
फिसा फिसा दुब्लियाव बायदि गांसोफोर
गाम्बारि बिबारा बारबाय समायनायै
थाइजौआ गोसो खुसियै मावलिबाय
जेरैबो बेरे बेरेमा ब्रंब्रं बिरबोबाय
बैसागुआ फैयोब्ला बेसेबा खुसिजोँ
जोँनि गामिया सोमखोर महर लागोन
गोरबो बुंफबनाय जिउनि खुसिजोँ
जोँ बयबो बैसागु रंजागोन

When the bwisagu is arrive
Flat-shaped cake make lovely
Make rice cake
Bwisagu season in the new water
Fish swimming like kuria labeo
First month of the year, new season
In the queue, we must ask for
Heart of happiness from the heart
Sad and sadness to leave this life
In the queue, we must dance
When the bwisagu is arrive
Flak-shaped cake make lovely
Make rice cake
In the queue, we must ask for

गां गोनां सना गां
सिखोला बैसोआ गां गोनां
ददेरे बैसोआ बिरहां बिरहां
हाबाब अनजालि-
आंनि अन्नायखौलाय दा बावलां
~
अखा हाहां हाहां
दैज्लांआ फैहां फैहां
बैसागुनि बारजोँलाय बिखा फांदां
बिलाइ गोरलैनि बार मोजां
~
दाउ खौऔआसो जंखाय हरदोँ
जंखाय हरदोँ सनालै-
जोँ लागोनि टेक्टर बोरायालाय फाम नांहां
~
खानाय बानाय आगैलै सैनाय
आंखौ दालां दाबावगारलां
इनाय बानाय
इनाय बानाय सना
आंनि अन्नायखौलाय दाबावलां।

बैसागो बोथोरनि बरायनायाव
बैसागि सिख्लाया देलाइस्रि महर लाबोबाय
फैदो आइ-आफामोन
आबै-आबौ,आदै-मादैमोन
बिब-बिनानाव,बिदा-फंबाय
जान्जियाव आर'नाय खाफ्राना
दखना-गामसा गानफ्राना
बरायनोसैलाय बैसागु रंजानायजों
दिन्थिनोसै बर'नि हारिमु
बर'नि मोसानाय रंजानाय
खाम-सिफुं जथा थरखानि देंखोजों।.....

फागुननि फाग्ला बारजों
जालांनाय लामब्र बिफां-लाइफां
गोदाव सोराव खाराव माराव गोसो
दिनैसो समायसारबाय
दिनैसो गोदान हां मोनबाय
बैसाग दाननि हांख्रायनायजों
हालांनाय जाख्रि जाख्रि अखा
समायनायै देलाइबाय बैसागि सिख्ला।
बर' हारिजों रंजानो
गानफ्राबाय दखना-फास्रा
जानजियाव आरनाय-गामसा।
हिनजाव गोदाननि महर लाबाय
बरायनायनि देंखो रिंखांदावबाय
खाम-सिफुं-जथा-तरखा
हायलालाइ-हुइलालाय बागुरुम्बा।
दाव खौवौनि मिलौदो मेथाइजों
गोमसारनाय बर'नि देंखोजों
नै नै बर' राज्योआ समायसारबाय।

गोमो गोथां बाथ' गां दखना गान्नानै
हायला- हुयला समायना मोसा बायनानै
दे बराय बयबो दे बैसागु बोथोर
दे रंजा बयबो दे मेथाइ खन्नानै।
बैसागु बैसागु बैसागु
बिखा बिख्लोनि आमाय थख्ल'
समायना- समायना रंगिना- संगिना
खौऔआनो लेँहरबाय मेथाइ खन्नानै
एम्बुआनो हांख्रायबाय मोन्थोर आवरायनानै
सिफुं दामै दामै जोमैया
मिनिबाला- बाला समायदोँ बिफां- लाइफांआ
दे बराय बयबो दे बैसागु बोथोर
दे रंजा बयबो दे मेथाइ खन्नानै।
ज्राब गारहरदो गोजाम गोसोखौ
गोजाम बोसोरनि एना एनिखौ
ज्राब बावगारदो गोजाम सबिखौ
नांलाय- खमलाय हिंसाइलायनायखौ
गोमो- गोथां गोदान गोसो लानानै
जोँखोल- समायना मिनिस्लुनानै
दे बराय बयबो दे बैसागु बोथोर
दे रंजा बयबो दे मेथाइ खन्नानै।

दुम- दुम दाम- दाम
आगै नागालिनि अन देनायालाय
खारलाङाखै हाबाब
उवाल सौनायालाय गोमगायाखै।
बैसागु बोथोरनि मायब्रा बिदैयालाय हाबाब
खर'खौ नागाराखै
बुंजाफा रद' रद' बेदर खाजिलै हाबाब
बावाखै नोँलाय होफैनायखौ।
नै सना मायनाव जिरख'नाय मायसालिनि
बावालै सना
बावाखै सानैजोँ रायज्लायनायखौ।
नै दाखालि लेलां गावबुरानि
सुखुबार बेलासियाव
रायज्लायनायखौ मायनाव
सानैजोँ फख्रिनि हाब्रां सेराव
बावालै सना बावाखै आं
थर'रद थर'रद एम्बुआ जंखायनायखौ।