फागुननि फाग्ला बारजों
जालांनाय लामब्र बिफां-लाइफां
गोदाव सोराव खाराव माराव गोसो
दिनैसो समायसारबाय
दिनैसो गोदान हां मोनबाय
बैसाग दाननि हांख्रायनायजों
हालांनाय जाख्रि जाख्रि अखा
समायनायै देलाइबाय बैसागि सिख्ला।
बर' हारिजों रंजानो
गानफ्राबाय दखना-फास्रा
जानजियाव आरनाय-गामसा।
हिनजाव गोदाननि महर लाबाय
बरायनायनि देंखो रिंखांदावबाय
खाम-सिफुं-जथा-तरखा
हायलालाइ-हुइलालाय बागुरुम्बा।
दाव खौवौनि मिलौदो मेथाइजों
गोमसारनाय बर'नि देंखोजों
नै नै बर' राज्योआ समायसारबाय।