आंनि गुदुं सोलेराव
बिलिरलां नोँ बार
सुदेम अननायखौ होलां
गोरबोआव गोजोन लुफावलां
.
नोँल' गोजोन होयो गोसोखौ
सुदेम गुसु बिलिरनायजोँ
आंनि गोरबो बिखाखौ
नोङो सुग्लाय होयो दुंहाव सोलेरखौ
.
फुंआव नोँ मोसायो
रैरुब निहोर बिलाइजोँ
मिथिँगानि समायना---
गोथां सोमखोर बिफां बेन्दोँ
.
नोङो बिलिरलांफै खर'खौ
अननायखौ होनानै आंनो---
थाजिम होलां आंनो---
गोरबोनि खुसिखौ होनानै
.
बार नोङो आंनि हां
नोँनिनो मोजां मोन्नायजोँ
हगारो आं मेथाइ---
हगारो आं देँखो---
.
बेसे गोजोन मोनो
बिलिर फैयोबोला गोसोआ
नोँ आंनि सोलेर गोबाफैयोबोला
बेसेबा समायना जायो गोरबोआ
.
दैमा-दैसा बेसेबांदि बाज्लयो
नोँनि अननायनि खुदुमनायजोँ
बेसेबा समायना नुयो---
बिफां-लाइफांनि देमलो मोसानायजोँ
नोँ बेबादिनो लाबो खुसिखौ---

आं आजै आबैमोनखौ गोसोखांलिया
बै समनि गाम्बारि बिरगोस्रिमोनखौ
दाउरि सिख्लामोनखौ गोसोखांलिया
बिसोरनि गोसो आरो मेगना गुबुनखा
-
सिनाय जानाय दानि साकिरा बियनसे
अन्जलिना जलि
मादुरि इस्वरियामोनखौ
मख'यैआनो गाहाम जागोन
-
आं नोँखौ सोनाबारिजोँ रुजुनो नागिराखै
मानोना बिसोरहा मान दं
आं चिन तिब्बेत करियान
माल्दीब मालायसिया नेपालखौ मख'नो नागिराखै
बिसोरहा मुलुगनि जौसां सोमावनो गोहोआ दं
-
आं सोर्गोनि मेन'का
उर्बसि मेन'का तिल'त्तमामोन
बै समनि नांगोल सिड़ाजोँ एरखांजानाय
सति सीता
साबा पाण्डबनि बिसि
द्रौपद राजानि फिसाजो
द्रौपदिजोँ रुजुवा
फाप एबा दायफोर नांनो हागौ
-
नाथाय पष्ट-मर्दाननि सायनासालियाव
गल'ल' नायहोनो हायो नोँबो
नोँ नकल सोनाबारिनि देलायमांग्रि
अब्लाबो आखाय खबनोसै आङो
ख्रब ख्रब ख्रब
दाउखा सिगुणफोरा फोर फोर बिरलांथोँसै।

नोँ दागाब आयै
आंथ' मोजाङैनो दङ'ना
नोँ माखौ जिँगा सियो?
आं थांना थागोन आयै।

उन्दै समनिफ्रायनो आं नुदोँ
आं मोन्दांथियो जेब्लाबो
बेसेबा रंजाथाव सानफोरा
अनसुलि बिमानि अन्नाया।
बियो जेब्लाबो मिथिगौ
माब्रै अन्नांगौ?
बोरै बुरखायनांगौ?
आरो गोनां आंनोदि।
बियो जेब्लाबो आंखौ बुङो
बेसेबा समा बारलांबायबो,
जोबोद रंजाथाव आरो रुइदोब।
आयै नोँ आरो आं
रागा आरो गाबनाय
नाथाय मोदै हुगारनो नोँदि फोरोँदोँ।
मोजां मोनो आयै
गोरबो गोसो गासैबो आंनि।
नोङो सानफ्रोमबो आंखौ नुयो
आंहा गोसोआव दं,
उन्दैनिफ्राइ लाइमोन दिनैबो,
सुंद' सम आरो बोथोरा थांबाय।
नोँ समायना आंनि आय
नोङो जेब्लाबो मिनिसुलि
नोङो जेब्लाबो गोहो गोनां
मोजां मोनो नोँखौ बिमा
नोँनो आंनि जिउ मुलुग।
साबायखर गोरबोनि गासैबो
मिनिसुलि रंजानायजोँ,
आं मिथिया नोँ मानो मोदै हुगारो!
आरो मानो हरखाब गंस्रियो
नाथाय मिथिगौ आं
नोँनि मोजां मोन्नाय
नोँनि आंखौ खुदुमनाय।