"sasaluhin" poems
Sabi mo gusto mo ko, umaabot sa "Mahal kita".
Lagi mo kong tinatanong kung "Kamusta kna ba?"
Wala ni isang araw na hindi mo pinaramdam na mahal mo ko.
Hindi ako sanay sa ganoon dahil sino ba naman ako?
Isang simpleng babaeng walang ganda,
Kaya ako'y nagtataka.
May pagkakataon na hindi ka ulit magpaparamdam,
Alam mo ba na nakakalma ang puso ko pag walang ikaw?
Pero babalik ulit sa tuwing nagpaparamdam ka na naman.
Ano ba talaga? Ganito ba yung sinabi **** Mahal mo'ko?
Sana 'di na lang umabot sa "Mahal kita", kung ganto lang pala.
Sana 'di mo pinaramdam na mahal mo 'ko hanggan dun lang pala.
Kasi umaasa ako kahit walang tayo.
At dahil nahulog na rin ako, umaasang andyan ka lang at sasaluhin ako.
Pero ganun pala talaga yun 'no?
Kung kailan mahal mo na ang taong mahal ka tsaka kanya iiwan ng walang dahilan...
Jan 31, 2017
Jan 31, 2017 at 10:58 AM UTC
Hindi mo ba alam na ako'y nasasaktan,
Sapagkat hindi ko makalimutan ang mga pinagdaanan,
Palimos naman ng pagtingin mo,
Bigyan mo ako kahit na kapiraso.
Ni minsa'y hindi mo tinanong kung ano ang lagay ko,
Pagkaing mga niluto mo ay hindi mo hinahain sa harap ko,
Lumaki akong may hinanakit sa buong mundo,
Kung tutuusin, itong lahat ay kasalanan mo.
Kung minahal mo lang sana ako at tinanggap,
Hindi ka na sana nahihirapang magpanggap,
Sa ibang tao kapag ika'y nakaharap,
Walang bakas ng kahit na anong pangyayaring masaklap.
Ang tanong ko palagi'y bakit binuhay mo pa ako?
Gayong palagi mo namang ipinadarama na hindi mo ako ginusto,
Kahit anong galing, kahit na anong pagbida ang gawin,
Pipikit ka upang hindi mo ako mapansin.
Hindi mauubos ang aking mga bakit,
Dahil sa kabila ng lahat ay mahal kita kahit na anong sakit,
Sa aki'y ipukol mo ang lahat ng iyong galit,
Sasaluhin ko ang hinaing sa mundo **** mapait.
Apr 12, 2016
Apr 12, 2016 at 5:45 AM UTC
ibinuhos ko ang aking damdamin
sa pagbabakasakaling
lahat nito, iyong sasaluhin
pero hindi
natapon lamang at
maiiging sinipsip ng lupa;
nagpatubo ng isang damo,
isang munting makahiya.
ang aking damdamin
ay lubos lang nasayang,
pero wala ka namang nalalaman.
nasa akin lang ang hinayang.
Feb 27, 2014
Feb 27, 2014 at 7:01 AM UTC
pilit ****
iginuhit ang mga
ngiti sa aking labi
kirot at hapdi sa
puso ko'y pilit
**** ikinubli
saksi ang kwerdas
ng iyong gitara
kung pa'no ****
ako'y napasaya
sa mga musikang
liriko'y animo'y asin
sa sugat--masakit
ngunit ito'y aking
kinakaya.
saksi ang langit
kung paano mo
akong inayos at binuo
sa isang iglap
basag mo din akong
iniwan--ika'y lumayo
hindi ko man magawa
nais kong tumakbo
'pagkat puso ko'y umasa
sa pagibig ****
yun pala'y balat-kayo.
ginoo, kung ako'y
iyong sasaluhin at
pagkatapos ay
bibitawan lang rin
mabuti pang ako'y
'wag mo ng gambalain
'wag mo na ring tuksuhin
at sarili kong sugat
ay magisa kong
paghihilumin ng sa
gayon sarili ko muna ang
sisikapin kong mahalin.
—thana evreux
Dec 6, 2020
Dec 6, 2020 at 11:36 PM UTC
hindi ka pain para saluhin ang lahat ng balang binabaril. hindi lahat ng bala ay iyong dapat sasaluhin. umilag ka dahil hindi lahat ay tinututok sayo. matagal nang hindi kumakasa ang baril dahil nauna mo na itong patamain sa pagibig kong matagal ng namatay.
Mar 11, 2020
Mar 11, 2020 at 8:33 AM UTC
ikaw ang ulan
at ako ang hamak na daanan
kahit gaano katagal
o kahit gaano kabigat ang dala mo'y sa akin ka pa din hihimlay
babagsak
at mahuhulog ka pa din sa akin
pupunan ang mala tagtuyot na panahon
iaahon sa init ng mga sitwasyon
at ngayon
sa muli **** pagbagsak
ay tandaang sasaluhin ka dahil ikaw ay ulan
at ako ang hamak na daanan
na kahit hindi man pareho ang pinagmulan
ay paulit-ulit na sa akin ka hihimlay
babagsak at hihimlay
babagsak at walang hanggan na pagmamahalan.
Oct 19, 2019
Oct 19, 2019 at 5:13 AM UTC
15 Ang dalagang si Pina
Maliksi’t abenturosa
16 Mahilig magtungo
Sa bundok pinakaulo
17 Tanging pana ang tangan
Mga palaso kasamahan
18 Sa ibon iduduro
Makabasag-bungo
19 Dali-daling sasaluhin
Ang ibong kukunin
20 Kaytibay na goma
Nakakapit sa narra
21 Ang pana ni Pina ay iyon
Dala niya saanman pumaroon.
-07/08/2012
*Gintong Lupa Series
Sep 7, 2019
Sep 7, 2019 at 9:49 PM UTC