kung ikaw lamang ay iba sa iyong
   sarili at hindi itong anino
na may hawak na balaraw,
  mala-dagitab ang bilis ng iyong pagkabig
sa akin,   sana’y naririto
  ka pa ngunit

ikaw   at    ako
ay hindi   ikaw   at  ako at tila
  ikaw   at ikaw  lamang
na sana’y dalawa; waring kumpisal
  sa harap ng salamin,
kung mayroon lamang kasiguraduhan
at walang bahid ng alinlangan at itim
na katahimikan,

puspos ka ng pagdaramot
kaya naman
sa init ng paglisan at sa pagiimbot
  ng distansya,
ako’y tupok
    na
   tupok

Journeying into deep ends of thoughts silent and unprovoked
     A growing tremor lay in slumber
     Asleep yet its consciousness aware
Wary of predatory emotions that seek to rest beside this truant bare
     Beguiling heat do they propose
     Bestowing dreams of ardor prose
     Beseeching thoughts six deep
Yet their prodding could only rouse it to grow further in its sleep
     Calling out to old man grey
     Clustered with thoughts astray
Journeying into deep ends of thoughts silent and unprovoked.

     Despite its vice grip on normalcy desired
     There is little truth in its solitude
     There is little truth in its cowardice
     Despite all hiding there is little truth in this heart.

sa dagliang pangangalawang ng buto dala
ng bawat patak ng ulan.

ang pinapaling lakas ng hangin palihis
sa kurtina ng pag-iisa, itong kamay na palupot
ng pagkalugmok, hapung-hapo sa paghabol

sa pag-uumaga ng mga sandali.
napababalikwas sa tuwing banaag
   ang hinaharap.

hubad ang bughaw na katawan ng mundo
   ang kulay ng karagatan ay pula – dala ng silakbo
   ng damdamin;

magtatampisaw sa tubig
  hihiga at lulutang
      kasabay ng tagistis ng alaalang walang ibang hangad
                   kundi ang umusad.

marahil ay tulog ang diwa ng binigkas ang salitang
tiyak na ikahuhulog ng buwan mula sa mataas nitong upuan;

ang kamay ay entropiya – ang iyong mukha, ang aking daigdig.
lagablab ng mata, halaw sa init ng pagkakataon.

may taglay na lamig ang hangin, lumalatay sa balat,
at sa nagbabalat-kayong anino sa bakanteng silid.

ang mga umaandap na ilaw – ang tahimik na ugong ng iyong pag-hinga

sa aking tabi, ng aking bigkasin
ang hindi kayang wakasan ng katahimikan lamang.

mata ang may bitbit ng
dagitab ng bawat sandali

at waring mga kamay na aba,
ang karagatan na may kalong na katahimikan;
sinusuri ng ilaw ang lahat,
mga palad na nagdadaop.
ang halakhak sa sukal ng gabi.
ang batong binabalinguyngoy sa lalim
ng bawat pag-tingin

itong mga kamay
tanaw ng mata


ang alaala

ano pa nga ba ang tangan     ng haraya
kundi ang langitngit ng katahimikan,

na sa isang sulok lamang ay mahahawakan hindi
ang puso: sa isang iglap, pagsasatubig.

puspos ng liwanag ang lupa. Muling pagtatangkilik
sa sukal ng dilim.

hindi alam ng hangin ang pangako ng paghilom.
hindi banaag ng kahapon ang bukas.
pipikit na lamang ba’t walang pagtangis,

na sa dulo man ay marapatin, kung tayo’y papel,
     ay mapupunit na lamang
ba sa mga kuko ng marupok na sandali?

It is a fallacy we all believe.
As we vehemently exclaim six words
to prove the chastity of our thoughts,
to fill our pride with self-validation,
to ratify our existence with falsehoods.
"The Devil made me do it!"

"The Devil made me do it!"
I bitterly laugh at your blundering gaucherie,
as you lay blame on an eons old transgression,
as you smote the sinnerman flying with flames,
as you called him out for your own actions
impassioned by heresy.

Impassioned by heresy
You sought to relieve yourself from perdition;
brought upon by perjury declared,
brought upon by authenticated truths,
brought upon by the duplicity,
of your favored reverent ideologies.

Of your favored reverent ideologies
which is to laud your skirmish against evil
in order to remove yourself from auburn eternity,
in order to induct you as a citizen of argent fields,
in order to orchestrate contempt towards another?
Is there no truth to you?

Is there no truth to you
now that perfidy imputes your entirety?
as you declaim in front of paradise lost,
as you coerce to regain what is rightfully deprived,
as you throng duress by intoning your delusion:
"The Devil made me do it!"

"The Devil made me do it!"
Its recurrence is maddening to Him
while you, in all your sentience, chose to act unbecoming,
while the celestials perched on your shoulder bawl,
while He that you blame does absolutely nothing.
It is a fallacy we all believe.

parang paskong walang pamilya

parang sabaw na walang asin

parang punong walang dahon

parang gabing walang bituin

Sa mga panahon na ito ay unti unti na ako nakakaramdam ng pangungulila.
Ngunit mapapalitan naman ito galak sa tuwing maalala natin ang mga araw na tayo ay magkasama.
Alam ko din na kaya natin, kaya ko at kaya mo.
Alam ko na darating ang araw na tayo ay malulumbay  at hahanapin ang bawat isa.
Subalit Ang papel na ito ay magsisilbing bangka at ang tinta ng aking pluma ay syang dagat na maghahatid sa bawat tibok ng aking puso na nalulumbay patungo sa sansinukob kung san ang mga talanyo ang magsisilbing nating gabay.
Kaya wag kanang malungkot kasi isang bus lang at pwede na kita makapiling at mayakap habang ang ating mga mata ay nangungusap na sa wakas ay muli tayong pinagbigyan ng panahon upang namnamin ang bawat sandali na tayo ay nangulila. Magkaiba man ang lugar o ang panahon sa araw araw na lumilipas ay maisisiguro ko na ang bawat pintig ng ating mga puso ay magkasabay.
Nag sasabing ikay aking mahal at akoy iyong mahal.
Kaya sa mga panahon na ako ay nag iisa sa harap ng palayan at nakatanaw sa kanluran kasabay ng paglubog ng bawat araw o huling patak ng ulan ay hinding hindi lilipas ang araw na ang mga ngiti mo ay di dumaan sa aking isipan.
At kung sa mga oras na akoy nasa ilalim ng kalungkutan ito ang nagsisilbi kong sandata upang lumaban.
Na alam ko may bukas na dadating at malalagpasan ko din ang bawat lungkot sa aking damdamin.
Mahal kita mula nung araw na una kita makita at lalo pa kitang minamahal sa bawat araw na lumilipas tayo man ay magkahawak kamay at kahit sa panahon na tayo ay magkahiwalay.
Mahal kita kahit di kita nakikita sapat na ang mga alala upang masabi kong di ako nagiisa.
Mahal kita ou mahal,na mahal kita kahit na nasa malayo ka at ako ay nag iisa iniisip ka.
Sana sapat na ang mga katagang mahal kita upang malaban ko ang lungkot sa aking mga mata at magpanggap na di ako nangungulila sa isang dalaga na nasa bayan ng Marikina.