Napuno ng tsokolate ang kanilang mga pisnging walang pakiramdam,
At ang awit sa tabing estero’y maingay pa sa pag-iri ng mga metal na may susi.
Unti-unti na rin silang naglabasan
Na tila mga gagambang handa nang pagpiyestahan
Ang mga bihag sa kahon ng posporo.

Narinig ko ang malulutong na mga papel
Na sabay-sabay ang pagpaubaya sa hanging umiihip ngunit mahiyain.
Ang mga palad na kanina’y nakatikom sa mga tela’y
Agarang nagsilikas at humalik sa mga lukot-lukot na papel.

Narinig ko rin ang mga latang may mukha
Buhat sa kani-kanilang sisidlan na kanina’y may makukunat na goma.
Ngayo’y isa-isa silang ipinatumba
Na para bang sa mga napapanood kong pelikula ni FPJ.

Hindi ko matantya kung ano ba ang ibig sabihin
Ng kakaibang sining sa mga mata nilang tila ba santelmo.
Maghuhulaan ba kami sa kanilang mga bolang kristal
O huhubarin na rin nang paisa-isa
Ang mga alagad nito’t maibubunyag ang aking pamato.

Bakit kaya nagkaganito
Tila ako'y gulong-gulo
Sa nangyayari ngayon sa barkada
Tila pagsasamaha'y mawawala

Ngayo'y hindi nagkaintindihan
Sama ng loob ay naglabasan
Tila ako'y mapapatungayaw
Sa kakaiba nilang kilos at galaw

Pagkakaibigan na ating inukit
Ngayo'y tila damit na gulanit
Bigla na lang bang maglalaho
At pagsasamaha'y mahinto?

Sana muling magbalik
Ang samahan na dati'y kay tamis
Sana hindi ninyo malimutan
Ang ating pagkakaibigan

Bigla bigla ka na lang dumadalaw eh. Nagkaka-gulatan tuloy. Ano ba meron  at andun ka? Andun din ako. Nag-tago ako sa likod ng kurtina para di na magkita. Kaso uwian na pala. Naglabasan na ang mga bisita. Ba’t nagkita pa?
Eh ayan tuloy, tumulo ang luha. Tumalikod ka at lumakad palayo na parang walang nakita. Sinundan kita.

“S…! Wait! Can we talk?”

Tumingin ka lang sakin habang patulo na ang mga luha.

“Mag-usap tayo saglit bago ka umalis.”

“What’s there to talk about? Eh hindi ka nagparamdam?”

“Tinawagan kita! Ilang beses pero hindi ka sumsagot!”

“That’s it? Pag di sumagot di ka mag eeffort?”

“No. Hindi naman sa…”

“How bout my stories sa IG? Nakita mo diba? Di mo man lang ako kinumusta? Ang tagal kong naghintay tapos ngayon… ano…”

At tuluyan ka ng umiyak. Di ako umimik. Dahil alam kong walang kahit isang salita ang makaka-alis ng sakit na iyong nadarama.

Tumalikod ka at lumakad palayo. Dahan-dahan.
Sinundan kita. Hindi.
Hinabol kita. Hindi.
Pero sana noon ko pa ginawa nong pwede pa.
Cause I remember hurt by looking at her, hurt.