"bagot" poems
Nababagot, bagot sa buhay
Buhay na noon'y makulay
San naparoon
Mga ngiting tunay
Mga salitang nagtulay
Sa loob at sa iba
San naparoon
Ang malawak na ideya
Imahinasyon o nobela
Nariyan lang sila
Sa dulo ng daliri
Sa gilid ng labi
Hanapin mo
At iyong makikita
Nababagot, bagot sa buhay
Hindi na, parating na
May makikita ka
Na wala sa iba
Hindi na, parating na
Damdamin
Galak
Halakhak
Nariyan na
Sa loob, sa paanan
Sa iyong mga mata
Oct 20, 2017
Oct 20, 2017 at 1:28 AM UTC
Di ko alam saan nagsimula
na sa'yo ako'y humanga
Mga araw ko na puro bagot
pinalitan mo ng saya at walang poot
Noong una ayokong maniwala
na ikaw sa akin ay may paghanga
Di ko alam kung ito ba ay biro
na ako ay talagang iyong tipo
Sino ba ako para magduda
na sa ilang beses mo pa lang ako nakita
ikaw nga raw sa akin ay humahanga
Ang iyong mga mensahe ay ayokong paniwalaan
dahil sa sitwasyon mo, ako ba'y iyong paglalaruan?
Mensahe mo na sa aki'y parang biro
ang siyang nagpapahanga sa aking puso
Puso at isipan ko ngayo'y nagtatalo
totoo ba ito o isa lamang biro
Di alam kung ano ang pinagsimulan
kakulitan mo ba't pagtitiyaga ang siyang dahilan?
Itanong ko man ito sa isang paham
sagot niya marahil ako lang ang makakaalam
Nov 13, 2019
Nov 13, 2019 at 7:03 AM UTC
Hindi mo na maririnig, tugtog ng lumang gitara,
awit ng batang kwerdas na kinulbit pag bagot na
ang mga talata’t salita, hindi mo na mababasa
sa tagtuyot na darating, tila mga dahong nalanta,
malalaglag, maiiwan lamang ay kupas na ala-ala
Di na matutupad, muling pagkikitang pinangarap,
sa mundong ibabaw, panahong tangi’y sasang-iglap
buhay na wari’y walang wakas, maglalahong ganap
Ganunpaman, hayaang lumipad ang aking paghikbi
'ka'y naging bahagi, kaputol ng pusod sa aking wari
Magpahinga ka na’t napagod kang anong tindi
Aalalahanin ka tuwina, kapatid na alalay ang ngiti.
Aug 29, 2021
Aug 29, 2021 at 8:18 AM UTC