सिमांखौ आंनो नुदोँमोन
नोँजोँ आंजोँ मोनसे दैमायाव
दैमाखौ जोँ सानस्रिदोँमोन
नोँजोँ आंजोँ हांगार गोसोम हराव
.
मोनसे सोर्गोखौ मोनहैदोँ
मोनसे सोर्गोनि उनावबो
बेयावनो जोँ सानसे संसार जादोँ
सोर्गो नागारनांदोँमोन थेवबो
.
मोनसे हाजोखौ गाखोदोँ आरो
जेराव साना ओँखारो
जेराव खोलो खोलो बार बारो
नोँनि आंनि गोरबो गेजेराव
.
बेसेबा समायना जादोँमोन
नोँ मिनिदोँमोन जेब्ला
जेब्ला आं गोजोनदोँमोन अब्ला
जेराव जोँ सानैजोँमोन माब्लाबा