Wata poems on Hello Poetry

Safana Jan 2

Tirka-tirka ana tara tara.
Hujjojin duka an tattara.
Lauyoyi sun debi wara.
A can kotu kuwa an fara.
Tattara hujjoji a fili karara.
A cikin kotun koli ba'a bara.
In baka da hujja sai ka tara.
Wani lokaci ko wata shekara.
Wata zai kama, mu dau kara
Don tsula biri ya shirya zara.
Buri nasa yayi ta kona kara
Tsula tuni a kai nasa ya sha gora

Wata ya doso
Lokacin tsayawar sa ya taso
Jama'a ku zo mu siyo soso
Mu wanke dattin kwanso
Wata kila tsula zai je gidan kaso
Kuma za'a daure **** a kwankwaso
Zai yi ta tsalle ko baya so
Don ya sha wankan soso

Wai ina yake ne, kantoma
Mun sani baka da makoma
In ka tafi ba badda kama
Duk abin da ka shuka zai girma
Zaka girba tabbas ba tantama
A gidan kaso ko a magarkama.

An fara duba wata.
Ga samaniya ta haskaka
Masoyan korra sun rausaya
Murna ta su ta wuce zolaya
To ina masoya ja?
Sun hauhawa.
Farashi nasu ya raurawa,
ya fadi kasa tamkar wawa.
Tun sun ga wata a samaniya,
jinjiri me yaye hayaniya,
Sun tunzura su yi hayaniya.

Shugaban jam'iyya yace
Kowa ya fito da idaniya
Ya kura su sama yayi dubiya
Jariri na wata zai bayyana
A daren yau ko gobe da jibi.

Safana May 2021

Ana wata ga wata

"Ana wata ga wata"

A Hausa proverb...

"Without completing an intended things the other things are trying to happen".

A Poet will lost the bag of his papers and jacket of his pen without notice shortly.

Ya Allah help me🙏 and others like me...

#problem #issue

Safana Jan 2021

Traditional Hausa poetry

An share duk wata tantama
Lokacin da babu wata Tama
Da za'a zuba akan tabarma

An fada an nanata fada
Babu fada a tskanin fada
Ta fada tasa na fada a fada

Ga su bature mai jan kunnuwa
Ya kifa hula a ka mara kokuwa
Cak! ya cake kuma ya rike hannuwa

Har da galadima mara hannuwa
Ya dunde kai nasa har kunnuwa
Kai! kace buzu ne a bisa ganuwa

An tsare tsari can bisa tsauni
Sai tsala ihu! ni ku sake ni
Ko na dare derere kan tsauni

Kaga gada a gada sai yin dara
Kallo, kifcen gefe ta ankara
Mai harbi da gwafa ta daddara

Ka ji biri da dila yan yaudara
An ajiye kwalba a cike da madara
Sun dauke a guje ba hattara

Kai shaho Sarkin dauka na samaniya
To ka aje ka gudu ka dau anniya
Kar mahari ya hare ka da kibiya

Ivan Brooks Sr May 2019

Poetry Is Everthing

Poetry is the direct cause of death of boredom.
Spoken words exist to excite the human soul
and to crown artistry with the nectar of wisdom
Poetry has more decibels than the Superbowl.

Poetry is the Ganga of the human soul.
It induces a beautiful feeling that stupefies
and leaves the mind dazed like a drunken fowl,
yet it delivers results that really satisfies.

Poetry flows from the fountain of Wakanda
and permeates the arid soil of Timbuktu.
Poetry is the vault to the treasures of Zamunda,
where Mammy Wata guards the Kane of Mobutu.

Poetry is the language used at the creation.
When earth was young and everything was dark,
The great arbiter called out light and put things in motion.
He used spoken words to tell Noah to build the ark.

Poetry is life and life is in coexistance with poetry.
Before ancient Africa and the pyramid of Egypt,
Poetry was cooked and stored in God's pantry.
Ready for use in the Garden of Eden's script.

#IvanBrookspoetry ©️
#Bassapoet✍️
5.24.2019

Poetry is life. ..

#life #poetry #creativity

Safana Apr 2022

Kai! Duniya ta

Ka mike an ce karkata
Kai! taka an ce tatata
Yaushe ne rana za ta?
Gani na abokin ta wata
Ba rana, sati har wata
Tun da na hango yar wata
Mata daga gefe na kai mata
Hari dan na nuna bajinta ta
Ai ko sai tayi mini raf ta ta
Ta rike hannu na me kanta
Sai ta ja ni cikin dangi na ta
Tai ta nuni ga dangi nan na ta
Baba yayi murna babu karkata
Umma ta taka yar rawa ta ta
Don murna har da kawa ta ta
Maganar aure ce na yi mata
Tun da fari ta dauke kai nata
Ta bi son rai da kawaye nata
Mai kudi shine a gaba nata
Na manta har da batu na ta
Rana daya sai ga kira na ta

Gaisuwa ta Mahaifi na tayi
Ra'ayi, sauyawa ta sa na yi
Tausayi shine da yasa nayi
Kan batun labarin da tayi
Zuciya ta raurawa nan tayi
Tausayawa zuciya ta nan tayi
Na amshi batun ta kuma za'ayi
Takure kai na duka ni nayi
Do na nuna bajinta da ra'ayi
Na kudurce aure ne zamu yi
Yan uwa murna duka sun tayi
Fatan alheri an ta yi
Na ganin auren mu da za'ayi
Gashi nan dai auren an yi
Tun da fari fa zaki ne yayi
Dandanon madara duka yayi
Har Zuma da madi duka yayi
Daga baya ta sauya ra'ayi

Na shiga uku na kara uku
Bana son na shige can kurkuku
In na kara shiga uku sau uku

Ahmad Almustapha Jun 2021

Bauchi

Bauchi naman-keya, ga kitse ga tauri

Bauchi kaya bakusan nagida ba, ku keta rigan yaro ku keta rigan baba

Bauchi talala mai kamar sake, ta nesa mekamar akama amma kuma tai-nisa

Baku son kudi sai iko, ana ganinku wawaye, kuna ganin su sune wawa

Gabaruwa mejima ta Malam Yakubu, meson yini zai kwana, mai kwana zaiyi wata, me wata zai shekara, daga shekara ka zauna dabas, garin karo kuma garin harga Allah Dada

Yaro kaso fada kwari ya kare, garin kaso mutun karasa abin bashi, garu gara da naka in babu naka kare yafika
Bauchi biwai namijin gari

Safana Apr 27

Waya san gobe...

Shekaran jiyan an tattauna
Bayan takardun an kokkona
Duk da majalisar ta zauna
A karshe kowa ya dangana

A kotun farko anyi magana
Ai lallai duka sun tattauna
Tare da lauyoyi sun zauna
An shaida Gawuna ag gwamna

Kuri'un bogi an gano ko ina
Duka hujjojin manya da kana
An gabatar da su da ma'ana
Ga alkalan daukaka kara a bana

Hukunci a bayyane an bayyana
A gaban manya da kanana
Hukuncin daukaka karar a bana
Ya tabbar da Gawuna ne gwamna

Jojin, me sunan kubewa ta miya
Ya ja kaya sai ya dauki aniya
Don bawa karya wata kariya
Don tabbatar da hukuncin karya

Kotu ta zama tamkar fiya-fiya
Alkali ya koma bara da magiya
Domin samin tsotsar kashin miya
Sai ya siyar da iko nasa don dukiya

Ashe ba girin-girin ba tayi mai
Tun da ta leko ta koma ba komai
Kowa sai ya dau dangana kadai
Tabbas wata rana zasu lashe amai

Safana Oct 2023

Uwani Karakara

Kar ku yi min kan kara
Dan na dauko kankara
wata rana zanje Ankara
Na siyo mota yar kakara
Ni da yaro na muyi taratara
Sai mu kamo wata yar bakara
me kama da uwani karakara

Safana Oct 27

Ina son ki

Ina son ki
Ina kaunar ki
...Tamkar ki
Ni banda kamar ki
Ni zan dauke ki
In dora ki a doki

Ke ce hasken haske
Hasken daya haska haske
A zuciya ba wata sai ke
Ga hannu na sai ki rike
A gari sai zancen mu ake
Wai bani da kowa sai ke

Ba wani wai zancen haka ne
Ba ni da kowa tabbas haka ne
Ke ce daya tilo na gane
Kannan ki a guri na kanne ne
Yayyen ki a guri na yayye ne
Kowan ki guri na kowa ne
🎼🎵🎶

Ina son ki
Ina son sunan ki
Inkiyar ki
Da asalin sunan ki
Murmushin ki
Wanda yake kuncin ki
Maganar ki
Ita ce furicin ki
A harshen ki
Har cikin zuciyar ki
Sun dace da siffar ki

Kyakkyawa...
Sunan ki, ga kawa
Ya kan birge kowa
Ke! Har yan adawa
In sun ji suna tafawa

Amintacciya...
Siffar ki, aminiya
Rayuwar ki sam babu hayaniya.

Amina Husnah

Safana Jun 23

Mai Yawan Rahma

Akwai sama a cikin sama
A can samaniya Allah ne sama
**** yake komai da ganin dama
**** ne makagin hagu da dama
Rana da wata, ya bar su alama
Mahaliccin halittu da dama
A cikin halittu na sa har da Adama
Daga Adamu ya yi yaya nasa masu kama
Wasu da kiba wasu kuma rama
Tabbas! Tsarki ya tabbata ga mai rahma

Safana Jun 25

Talla

Son ki a jiki na
Ya zarce raina.
Balle ace tunani na
Ya zarce duka gani na.
Da za ace ki kalla
Dubi idanu kalla
Suna Zubar da kwalla
Ina ganin ki talla
Bakin ciki a raina zalla
Dama ki daina talla.

Akan ki ni na manta
Komai a rayuwa ta.
Kaunar ki na jibinta
Dama ki je makaranta
Darasin rayuwa karanta
Tarbiya ki lazumta

Lallai talla yana da riba
Amma ba tallan jiki ba.
Karuwanci ba riba
Zai sa ki shanye taba.
Wata ran ki zama makuba.

Daure ki daina talla
Idanu daina kwalla

— The End —