Submit your work, meet writers and drop the ads. Become a member
 
May 1 · 283
Untitled
Taltoy May 1
damdaming 'di maipinta,
'di mailarawan sa isang blangkong lona,
samu't-saring emosyon,
walang katumbas na reaksyon.

pabalat ay natumbok na,
heto, magtatapos na,
ang tayong dalawa,
ang binuo nating istorya.

sa kabila ng lahat ako'y masaya,
lalo na sa mga mapapait na alaala,
dahil sa mga aral na napulot mula sa kanila,
isang yamang sa aki'y walang makakakuha.

sana'y mahanap mo ang iyong kasiyahan,
ang sayo'y magmamahal hanggang katapusan,
dahil kahit wala na tayong dalawa,
minamahal pa rin kita.
kung tayo talaga sa huli, tayo talaga
Mar 10 · 357
random moment #1
Taltoy Mar 10
gusto ko lang magsulat ng tula,
gusto ko lang,
gusto ko lang sabihin na...
gusto ko lang sabihin na sana nandito ka.

sana nandito ka sa tabi ko,
dahil namimi-miss ko na ang mga yakap mo,
sana, sana nga talaga,
para masabi ko muli sa'yong mahal kita.

mahal kita, at walang mag-iiba,
pupwede bang pumunta na sa hinaharap?
upang mapakasalan ka,
upang tuparin ang mga pinapangarap?

sana ang tayo'y maging totoo,
sana ang tayo'y di na magbago,
sana hanggang huli, mananatili,
paghanga, pagtingin, pagtibok, pag-ibig.
i miss my bb bread
Nov 2019 · 215
Wakas(?)
Taltoy Nov 2019
Di naman masama,
Ang mga pinagdaanan,
Sana kahit papaano,
Kahit papaano ika'aking napasaya.
Haaaays,  nakakalungkot isipin,
Na heto na, umabot na sa puntong,
Tila bibigay na tayong dalawa.
Wala naman tayong magagawa,
Kung di na nga talaga natin kaya.
Para saan pa nga ba't naging tayo,
Kung di naman natin mahal ang isa't-isa.
Tinanong ko ang aking sarili,
Kung bibitawan na ba kita,
Sabi ko,  di ko alam,
Hanggang ngayon ako'y naguguluhan,
Baka nga para sa ikabubuti nating dalawa,
Kaya, kaya,  kaya ika'y palihim nalang na mamahalin aking sinta,
Subalit sa puntong ito,  
Paalam sa "tayo" nating dalawa.
Subalit hiling kong sana ito'y panaginip nalang at kinabukasan ay ibabaon na lamang sa alaala.
Aug 2019 · 161
SKK
Taltoy Aug 2019
SKK
Pagitan ng ikaw at ako,
Sabi ni google 620 na kilometro,
Ilang araw ba yan sa barko?
Ilang oras ba yan sa eroplano?

Nakalulungkot isipin na malayo,
Mahirap magtagpo,
Ngunit pag-asa'y di maglalaho,
Isang nais na sana'y di mapako.

Sana'y ako ay nandyan,
Kahit sandali lang,
Ilang oras lang, pwede na yan,
Gusto ko lang makipagkulitan.

Haaaays,
Parating naaalala tuwing nag-iisa,
Iniisip, sinasabi tatlong salita,
Sana'y kasama kita.
Aug 2019 · 595
MNKPKBM
Taltoy Aug 2019
Ako'y nalulumbay na sa iyo,
Gusto ko nang mahagkan ang mga pisngi mo,
Gusto ko ring hawakan ang iyong mga kamay,
At sa pag tulog ay ika'y makasabay.

Miss na kita,
Pwede ka bang makita?
Miss na kita,
Pwede ka bang makasama?
Mar 2019 · 295
Nanggagalaiti sa sarili
Taltoy Mar 2019
Ano na? Ano na?
Ano na ang susunod?
Saan ba? Kailan ba?
Bat parang nalulunod?

Ako'y walang nagawa,
Bulag na nanonood,
Walang kwenta, basura,
Nakatulala sa pagtama ng kulog.

Nakakapanlumo pero anong magagawa,
Tapos na, nawasak na habang nakatulala,
Huli na ang lahat, paano masasagip,
Huli na ang lahat, huli na nga ba ang lahat?
Feb 2019 · 234
kaya pa ba?
Taltoy Feb 2019
pinilit kimkimin,
ngunit di napigilan ang damdamin,
isip ay napuno ng sana,
sana ako nalang ang gumawa diba?

ako nalang, ako nalang sana,
di na sana ako umasa pa,
ngunit tapos na ang lahat,
wala na tayong magagawa kapag ang nandyan ay salat.
Taltoy Sep 2018
Di ko alam bakit,
Di alam ba't masakit,
Ano ba talaga,
Bat ako __? Puta

Ang babaw, ang tanga,
Gusto ko nang kalimutan,
Bumabalik-balik sa ala-ala,
__ di maalis sa isipan.

Sarili ko, ako'y galit sayo,
Ang bobo mo, yun ang totoo,
Ang kitid ng pag-iisip mo,
Magpakatino ka naman gago.

_, _, at _,
Bat ayaw **** umalis sa'king isipan,
_, hanggang kelan tayo magtutuos,
Kelan mo ba ako lulubayan.

Di ko mapigilang aminin ka,
_, totoo ka,
Alam kong di dapat,
Srili ko wag ka namang maging maalat.

Bat ngayon ka pa dumalaw, __ ka,
Ayaw ko nang maisip ka pa,
Sana ako'y lubayan mo na,
Sarili ko, wag kang mag-akusa, gago gumising ka.
Sep 2018 · 237
Tugma
Taltoy Sep 2018
Tunog ng 'a' at 'b',
Tunog ng lungkot at ligaya,
Tunog ng iyak at mga tawa,
Mga tunog, di nagkakatugma.

Masaya, malungkot,
Di alam kung ano ang aking kumot,
Mamayang gabi, bukas ng gabi,
Ano kaya ang kumot sa mga gabing di ka katabi.

Di nagkakatugma,
Ikaw, ako, tayong dalawa,
Tayong dalawa ba'y nawawala,
Hinahanap ang bawat isa.
Sep 2018 · 221
Saklolo! Nalulunod ako
Taltoy Sep 2018
Di ko alam anong gagawin,
Di kayang pigilan 'tong pagtingin,
Ika'y bitag ng kagandahan,
Ako'y nahulog na, nalulunod nang tuluyan.

Ano ba yan? Ayoko na,
Gusto kitang yakapin bigla-bigla,
Ba't ganun? Ang sama mo,
Di ko kayang di ka mahalin ng todo.
Nagulat sa'yong angking kagandahan. Alam kong di mo to mababasa. :)
Aug 2018 · 266
Hibik
Taltoy Aug 2018
Ang init ng lyong katawan,
Ang ginhawang nararamdaman,
Ang pakiramdam kayakap ka,
Hinahanap-hanap s'an man mapunta.

Sana'y kasama kita,
Sana'y makita man lang kita,
Sana'y di ako malayo sayo,
Sana mula ngayon hanggang dulo.

Sa lamig ng tahimik na gabi,
Nalulumbay, hinahanap ang katabi,
Ngunit sa paglingon ay wala ka,
Naalala ang pagitan nating dalawa.

Gusto kong hawakan ang iyong mga kamay,
Yakapin ka ng mahigpit ang walang humpay,
Hanggang sa madama ko ang tibok ng puso mo,
At hanggang sa madama mo na pareho lang tayo.
Gusto na kitang makasama... :(
Jul 2018 · 328
Anino: lumbay
Taltoy Jul 2018
Ang agwat, ang layo,
Ang distansya mula sayong puso,
Ano ba ang mga kayang hahamakin,
Para sa munting damdamin.

Ipapaalam, ipagsisigawan,
Ilalahad sa kahit anong paraan,
Pabulong man o pasulat,
Buo't walang kulang, walang daglat.

Itinitibok ng puso,
Nahalo na sa dugo,
Mga katagang "mahal kita",
Dumadaloy sa'king sistema.

Utak, may ibang mga kataga,
"Sana ngayo'y kasama kita",
Hinihiling ng bawat selula,
Ang iyong haplos, ang iyong kalinga.
Sinusubukang kalimutan na hinahanap ko ang pakiramdam na kasama ka subalit di ka maalis sa isipan ko sinta :(
Jul 2018 · 140
Crying
Taltoy Jul 2018
I don't know how to let go...
of your touch...
of your hand...
of your lips...
of your love...
I don't...
I just can't.
Jun 2018 · 290
Mahal kita
Taltoy Jun 2018
Pagtibok, pagdama,
Hinahanap-hanap ka,
At sa bawat paghinga,
Sambit ko, "mahal kita".
Ily
Jun 2018 · 471
Yakap
Taltoy Jun 2018
Sa lumbay at lungkot,
Sa mga panahong nababalot ng poot,
Sa mga panahong tahimik ang 'king mundo,
Sa mga panahong malalim ang iniisip ko.

Hinahanap-hanap ka,
Sa iyong mga piyesa,
Ngunit hindi ko na mahagilap,
Mga tulang sa akin unang yumakap.

Yakap na kay sarap,
Yakap na hinahanap-hanap,
Yakap na puno ng kalinga,
Yakap na sa aki'y nagpadama.

Bakit, bakit nawala?
Sa isang iglap, bigla-bigla,
Anong nangyari?
Sa manunulat na sa aki'y natatangi.

Sanay maabot ng aking mga salita,
Maging tulay ang aking mga tula,
At sa iyong lumbay, madama sana ang kalinga ko,
Dahil ako naman ang yayakap sa'yo.
:(
Taltoy Jun 2018
Nagbalik tanaw,
Hinalungkat ang nakaraan,
Mga 'storyang, lumitaw,
Binalot ng tawanan.

Ngunit ang mithi ko'y iiba,
Nais kong ika'y mas makilala,
Sapagkat ang alam ko sayo'y ang kaunti pa,
Ako nama'y pagbigyan mo, sige na.

Nagulat, di makapaniwala,
Bakit parang nagtutugma,
Ang ating mga storya,
Ang ating pagkabata.

S'an nga ba ako?
S'an ka naman ng mga panahong ito?
Hindi ba, tayo'y magkalayo?
Ni minsan, tayo ba noo'y nagtagpo?

At tayo'y nagbiruan pa,
Sabi natin ng patawa,
"Aba, baka ito'y tadhana",
Aba, sana nga.

Maalala pa kaya kita?
Ang tanong nating dalawa,
Tanong na may kaba,
Nagtatanong nang nag-aalala.

Aalahanin kita,
Ang sa aking bawat umaga,
Ang buwan sa aking gabi,
Ang mitsa ng aking mga minithi.

Ang sabi kong "una",
Una kong maaalala,
Una kong ipinagdasal,
Ang una kong minahal.
May 2018 · 259
Bigo
Taltoy May 2018
Dalawang katapusan,
Sa bawat pangyayari,
Tagumpay o kabiguan,
Di ka makakapili.


Hindi tiyak ang lahat,
Tamis ba o alat,
Ano ang magiging timpla?
Hangganan, anong lasa?

Mapait, mapakla,
Ang mabigo't walang mapala,
Pinagkaitan ng tadhana,
Biniyayaan ng luha.


Dahil wala namang tiyak,
Ika'y ngingiti o baka naman iiyak,
Sa lahat ng pagkakataon maaari kang mabigo,
At ang kalungkutan ang sayo'y susundo.
:(
Mar 2018 · 413
Ano nga bang itinakda?
Taltoy Mar 2018
Hinaharap, tadhana,
Kinabukasang sino ang maygawa?
Ano nga bang napapaloob,
Sa bugso ng damdaming may kidlat at kulog.

Lahat, balot ng katanungan,
Lahat, di nauunawaan,
Lahat, walang kasiguraduhan,
Mistulang ang lahat pagsisisihan.

Nakakatakot nga namang magkamali,
Mapait, mapupuno ka ng pighati,
Masusugatan, manghihinayang,
Sasabihing “kung di nalang sana nagpakamang-mang”.

Kabalighuan ba ang magbakasakali?
Ang paghingi sa’yong kamay ay isa bang pagkakamali?
Pagmamahal sayo’y di ba nagbunga ng maganda?
Damdamin ko ba’y nagpagulo sa isip mo sinta?

Ikaw ang nakakaalam nyan,
Ikaw, ang iyong puso’t isipan,
Ikaw ang magpapakalma,
Sa unos na kasalukuyang rumaragasa.
Feb 2018 · 548
Saklolo
Taltoy Feb 2018
Gago, di ko na alam,
Ako'y sadyang nawindang,
Di ko kayang bitiwan,
Ako'y nalulungkot ng tuluyan.

Di ko talaga alam bakit?
Bakit? Bakit? Bakit nga ba?
Bakit nga ba di ako maalis sa aking isipan aking sinta?
Bakit nga ba tila luluha ako nung nakita kita.

Alam kong utak ko'y kumitid,
Iniwan ang katalinuhan pati prinsipyo,
Alam ko sa sarili kong ito'y aking mali,
Subalit di ko kayang bitiwan, sadyang mahapdi.

Sa kauna-unahang pagkakataon,
Ako'y parang di maka-ahon,
Sa lalim ng kalungkutan,
Sa lalim ng aking isipan.

Di ko na alam anong susunod,
Ano pa nga ba ang susunod na kaganapan,
Ng kwentong malato pa sa katapusan,
Ano ba ang susunod na tunggalian?
Ang kitid na ng utak ko. Diyos ko, saklolo. Ano na bang nangyayari sa aking mundo?
Feb 2018 · 420
Pader
Taltoy Feb 2018
Ang namamagitan,
Ang nasa gitna,
Ang naghiwalay ng dalawang mundo,
Ang naghiwalay sa ikaw at ako.

Di ko alam kung ano ang sasabihin,
Di rin alam kung ano ang gagawin,
Sapagkat wala akong tapang na natitira,
Sapagkat wala na akong maisip aking sinta.

Di ko alam kung ano ito,
Di ko alam kung bakit ganito,
Di ko alam kung ano ang uunahin,
Di ko alam kung ano ang iisipin.

Kakausapin ba kita?
O mananahimik na lamang ba?
O Diyos ko, akoy tulungan mo,
Bigyang linaw ang utak ko.
Jan 2018 · 677
Kilig
Taltoy Jan 2018
Bakit nga ba sa lahat ng tao, ikaw?
Bakit nga ba ikaw ang nangibabaw?
Bakit ba sa bawat pagsulyap ko sayo, ako'y muntik nang matunaw?
At sa bawat pagtitig mo, nasilaw sa liwanag 'tong mga balintataw.

Boses na tila harana,
Tawang tila musika,
Buntung hiningang hele sa mga tenga,
Pagtatapat na tila bomba.

Pagpapalit-usap na tila kay kaswal,
Puno ng tawa at mga pang-aasar,
Biglang hinaluan ng istilo't mga diskarte,
Upang mapaligaya ang napupusuang babae.

Kaligayahang tila walang katapusan,
Kailan ba darating ang hangganan?
Saan nga ba umabot ang mga tawanan?
Kinilig ba ang pusong nililigawan?
Jan 2018 · 243
Hiram
Taltoy Jan 2018
Hindi akin,
Hindi rin iyo,
Walang nagmamay-ari,
Ng mga sandaling ito.

Sapagkat mga ito'y di nagtatagal,
Ang mga ito'y panandalian lamang,
Ang pait at tamis, di nananatili,
Dahil ang bawat segundong dumadaan ay hiram na sandali.

Ano bang magagawa ko sa mga hiram na sandali?
Kailan susunggaban? Kailan magtitimpi?
Subalit puso ko'y tila nagmamadali,
Tuwing dumarating, mga hiram na sandali.
Jan 2018 · 402
Itim
Taltoy Jan 2018
Isang araw na napakaganda,
Malamig na klima pagmulat ng mga mata,
Pagpatak ng ulan na tila musika,
Mistulang himig na kay tamis sa tenga.

Ano pa ba ang kukumpleto?
Sa umagang matatawag kong "perpekto",
Ano pa ba ang pupuna?
Kung wala namang pagkukulang na nakita.

Isang dilag na may kasuotang itim,
Ang nasagi sa aking paningin,
Kagandahang hindi ko mawari,
Ang sa utak ko nanatili.

Hindi maalis sa aking isipan,
Ang katauhan sa likod ng kasuotan,
Kulay na itim at iyong kagandahan,
Timplang sakto, tapos ang usapan.

Ako'y nagulantang nang nakasalubong ka,
Nabigla sa aking nakita,
Nakalimutan paano magsalita,
Pag-iisip ay di na maitama,

Ang talang matagal ko nang tinitingala,
Ngayon ay kumikinang, di ko na makita,
Talang nais kong maabot,
Pina-igting na damdamin ang naging dulot.
Jan 2018 · 398
Nagpaparinig
Taltoy Jan 2018
Di na maitatanggi,
Bakit pa ba ikukubli?
Ano pa ba ang dahilan?
Bakit pa ba magmamaang-maangan?

Alam natin ang totoo,
Ngunit pinilit nating isantabi ito,
Nag-uusap bilang magkaibigan,
Pinag-uusapan ang mga hinahangaan.

Alam kong alam mo,
Alam **** ikaw ang gusto ko,
Ngunit di ka nagpadaig,
Kahit na sa tingin ko'y minsan kang kinilig.

Sa bawat pag-uusap, nagpaparinigan,
Mga bagay tungkol sa taong hinahangaan,
Subalit kilala naman natin sila,
Sa katunayan, kilalang kilala.

Ngayong gabi, ako'y naglahad,
Ng mga damdaming sasabihin **** nasagad,
Mga sitwasyon kung saan di mapalad,
Mga sitwasyong sa iba ang isa't-isa  napadpad.

Mga landas nga kaya nati'y magiging isa?
O magtatagpo lamang at humayo na sa isa't-isa,
Walang may alam sa atin kung ano ang tiyak,
Sa  mga sa landas na kasalukuyang tinatahak.

Mananaig kaya ang tadhana?
O ang damdaming nagwawala?
Ano kaya ang magtatagumpay,
Sa pag-ikot ng gulong ng 'ting buhay.
Dec 2017 · 411
Biyernes, Sabado at Linggo
Taltoy Dec 2017
Bilang lang ang mga araw na nakakausap kita,
Bilang lang ang mga oras na tayo'y nagkakasalamuha,
Kadalasan nga wala pa,
Ngusit sige lang, ganyan talaga.

Hindi ka man makareply,
Alam ko namang may dahilan,
Iniisip na, "ahhh sa susunod nalang",
Kaya nanabik tuwing magtatapos na ang linggong nagdaan.

Isang gintong pagkakataon ang muli kang makausap,
Sapagkat tayong dalawa, sa isa't-isa'y mailap,
Kaya ginagawa ang lahat ng makakaya,
Upang di masayang ang pagkakataong ito, kahit di ka kasama.

Noon, ayos lang kahit di kita itext o tawagan,
Sapagkat, nakakapag-usap naman tayo habang nasa daan,
Ngunit may mga bagay talagang di mapipigilan,
Kahit na ikinakalungkot, di naman mangingialam.

Sa humigit kumulang limang buwan,
Sa apat na libo at higit pang mga mensaheng pinagsaluhan,
Nangyari lamang sa mga Biyernes, Sabado at Linggong ng mga buwan,
Tatlong araw, tatlong araw ay sapat na aking kaibigan.
Nakaka-usap lang kita kung malapit na magtapos ang linggo(weekends). Ehehe. di nga lang personal tulad ng dati though. Ahahaha  napagtanto ko ito habang binabasa ang mga dati nating pag-uusap.
Taltoy Dec 2017
Ako'y nagulantang sa birong binitawan,
Mga katagang hindi ko inaasahan,
Mga katagang, "kung pwede tayo nalang",
Mga katagang sinabi mo ng pabalang.

Dalawang magkasunod na gabing ika'y nakausap,
Ano pa bang hihingin ko sa mga ulap,
Ano pa bang biyaya ang aking makakalap,
Ano pa bang kasiyahan ang aking mahahanap.

Dalawang gabing nakatulog ako ng maligaya,
Dalawang gabing ngiti ang dala sa aking mukha,
Dalawang gabing kahit biro lang ang laman,
Dulot ay ligayang di mapapantayan.
Nov 2017 · 485
Hiwaga
Taltoy Nov 2017
Walang may alam,
Ng tamang kasagutan,
Aninong nagparamdam,
Misteryong natuklasan.

Isang bugtong,
Isang palaisapan,
Sapat  ba ang sariling dunong,
Upang mahanap ang kasagutan.

Ang palaisipan sa aking mundo,
Ang misteryong bumalot dito,
Ang sumulpot ng bigla bigla,
Isang paghanga, isang hiwaga.
Nov 2017 · 438
Patuloy na pag-asa
Taltoy Nov 2017
Ang katapusan,
Ang tuldok sa kwento,
Ang kasalukuyan,
Ang patuloy na paninibugho.

Dahil wala nang mag-iiba,
Hanggang dito nalang talaga,
Kaya nga inihinto na,
Ngunit bakit patuloy na umaasa, putangina.

Isang talunan, isang walang alam,
Ang parating nanghihinayang,
Ang parating walang kwenta,
Ang parating nagpapakatanga.
Kasi ang araw na ito ay puno ng kabiguan at pagkatalo
Nov 2017 · 1.4k
Bahala na
Taltoy Nov 2017
Di pa alam anong mangyayari,
Sa planong pinag-isipang mabuti,
Ano kaya ang magiging bunga,
Ng aking mga huling pahina.

Saan kaya aabot ang aking mga tula,
Tatagos kaya sa puso mo ang damdamin kong ikinubli,
Mararamdaman mo ba ang emosyon sa likod ng 'king tinig,
Makakaabot kaya sa iyo aking binibini.

Ang mensahe ko sana'y sapat,
Magbunga sana ang aking pagkamatapat,
Panalangin ko lamang na sana di maging salat,
Ang laman nitong mga huli kong sulat.

Kaya bahala na, bahala na,
Bahala na ang Maykapal sa huling kabanata,
Bahala na ang panginoon sa katapusan,
Pati na sa darating na kinabukasan,

Nitong kwentong nangyari nang di inaasahan.
Dahil di ko alam kung ang desisyong ito'y tama ba.
Oct 2017 · 276
Tanaga #23: payak
Taltoy Oct 2017
Simple at walang iba,
Kahuluga't salita,
Hindi kailangang mahaba,
Payak, nauunawa.
Sep 2017 · 549
Tanaga #22: lamat
Taltoy Sep 2017
Perpekto't walang sira,
Dulot ng dugo't pawis,
Ang panaho'y susubok,
Lamat ang naidulot.
7 ang sukat walang tugma
Sep 2017 · 378
Tanaga #21: katahimikan
Taltoy Sep 2017
Ano nga ba ang laman,
Ng isang katanungan,
Ano nga bang kasagutan,
Lunod, katahimikan.
Sep 2017 · 918
Isa pa
Taltoy Sep 2017
Isa pa, isa pa,
Isang beses pa,
Isa pa, hanggang ako'y makuntento na,
Isa pa, isa pa para sa aking ikaliligaya.

Isa pang tula na ikaw ang inspirasyon,
Isang tulang damdamin ko'y aking binaon,
Isang tulang pinuno ng kaligayahalt pagmamahal,
Isang tulang di kukupas, tulang tatagal.

Dahil lahat binubuhos ko nalang sa tula,
Bawat saknong, taludtod, kataga,
Lahat ng elemento iisa ang diwa,
Pinagkaisa ng pusong makata.

Kaya isa pa,
Isa pang tula na ikaw ang pinaghugutan,
Dahil kahit na di sayo umiikot ang mundo ko,
Ikaw parin ang gusto kong laman nito.
Sep 2017 · 237
Tanaga #20: balon
Taltoy Sep 2017
Nakakalulang dilim,
Daig gabing maitim,
Tulad nitong damdamin,
Madilim, di malalim.
Sep 2017 · 223
Tanaga #19: nalimutan
Taltoy Sep 2017
Ano nga ba yung bagay,
Na gusto kong ibigay,
Di magarbo't makulay,
Regalong, lama'y tunay.
Sep 2017 · 256
Tanaga #17: prayoridad
Taltoy Sep 2017
Pinapahalagahan,
Merong ginagampanan,
May maraming dahilan,
Timbang, di matumbasan.
Sep 2017 · 990
Tanaga #18: tanaga
Taltoy Sep 2017
Pareho bawat linya,
Tugma't sukat, iisa,
Ngunit aki'y naiba,
Sa linya, tugma'y wala.
Sep 2017 · 207
Tanaga #16: napansin
Taltoy Sep 2017
Kalungkuta't pighati,
Ilusyong nanatili,
Kadilimay binati,
Liwanag ng 'yong ngiti.
Sep 2017 · 287
Tanaga #15: panaginip pt2
Taltoy Sep 2017
Ano bang nilalaman?
Ito'y katotohanan?
O ito'y kagustuhan?
Ikaw, nasa isipan.
Sep 2017 · 194
Tanaga #14: panaginip pt1
Taltoy Sep 2017
Ilang segundo lamang,
Ikaw ay mawiwindang,
Akala mo'y matagal,
Ang yong ipagdarasal.
Sep 2017 · 838
Tanaga #13: tugma
Taltoy Sep 2017
Walang pagkakaisa,
Tunog ay di iisa,
Iyan tayong dalawa,
Bagay na di tumugma.
Sep 2017 · 286
Tanaga #12: marikit
Taltoy Sep 2017
Hindi maitatanggi,
Ang gandang natatangi,
Wala kang mahihingi,
Ika'y mapapangiti.
Sep 2017 · 182
Tanaga #11: pikit
Taltoy Sep 2017
Itim ang natatanaw,
Kadilimang napukaw,
Sa mundo kong mapanglaw,
Aking tahimik na sigaw.
Sep 2017 · 458
Tanaga #10: kasaysayan
Taltoy Sep 2017
Bakas ng nakaraan,
Mga kinalimutan,
Sa tinahak, iniwan,
Nasa ating likuran.
Sep 2017 · 1.3k
Tanaga #9: tula
Taltoy Sep 2017
Tula, isang salamin,
Salamin ng damdamin,
Pighati't mga sakit,
Kaligayaha't kilig.
Sep 2017 · 224
Tanaga #8: hinagpis
Taltoy Sep 2017
Bawat luhang pumatak,
Dinanas nakatatak,
Upang tumugma, alak,
Sasabay sa 'yong indak.
Sep 2017 · 770
Tanaga #7: bukangliwayway
Taltoy Sep 2017
Isang bagong umpisa,
Isang bagong pahina,
Storya, pagsisimula,
Ang unang kabanata.
Sep 2017 · 234
Tanaga #6: bitag
Taltoy Sep 2017
Ika'y ibibilanggo,
Babaliin 'yong buto,
Hanggang di makatayo,
Hanggang di makalayo.
Sep 2017 · 1.3k
Tanaga #5: alak
Taltoy Sep 2017
Ang ipinagbabawal,
Bisyong di na matanggal,
Ika'y mapapamahal,
Sisikaping tumagal.
Sep 2017 · 629
Tanaga #4: gabi
Taltoy Sep 2017
Balot ng kadiliman,
Puno, katahimikan,
Walang kaligayahan,
Lungkot nasa isipan.
Next page