नोँनि मोदैयाव आङो गब'बाय
आंनि गोलोमदैयाव नोँनो गाद्लिनबाय
बिलाइ जानानै-
गोजाव गोजोनै मिनि नोँ
~
सियालनि हाबायाव
सानैजोँ रंजाथोँसै सना
नोँनि आंनि मोदैयाव
ना खुरस्रा जावरिथोँसै
~
लाथिख' मिथिँगा मुलुगाव
अन्थाइ बिखा बांग्रिँ सिमब्रेलांबाय
जुलिया जालांबाय गोरबोनि
गोसो लानाय होनायनि
~
नोँ दैसा आं दैमा
बोहैबो गोबाफै खुदुमफै
आं बार नोँ मिथिँगा
बिलिर बिलिर लागोन गोरबो
~
नोँ मुलुग आं सान
मिनि होगोन
रंजा होगोन
नोँखौ आं सोरां होगोन।

मिथिंगा सिख्लाजों रुजुना
सिखिरिजों बरनायना
आं रोजाबो मेथाइ
नोंखौनो लाना।
मेथाइनि देंखोआ
गोदै एबा गोफायानो जायाथों
रोजाबो आं जावलियाबादि मेथाइ।
नोंनि महरा आंनि सायख्लुम
नोंनि महरखौनो आं नुनो हास्थायो;
जेराव माब्लाबा आंनो थाखुमाफिनो।