थुरि उखुमनि गिजि देरायाव
थरथिँ थरथिँ अखा गसरब्लाबो
आं खाफाल हमाखै,
रुम्बां रुम्बां मायदां जावरिनायाव
आंनि गोसोआ बेसेबा खुसियावसो।
थखन थुनो सम सनाय
खामानियाव उदायै आबौ हान्थुआ
जौनि अफ्रियाव गोजोमना दुब्ला थैलांबाय
आंहा बेयाव खहा जायाखै
खहाया मोनसेल', आबौआ सल' रोँगौमोन
थेवबो खिन्थानो अलसिया थारब्ला?
गियाखै आं मोफ्लाम-मोसि
जोमैजोँ जोमै अखा खोरोमनायखौ
बाग्दाव-फ्लांदोँ ए.के 47नि
मान सन्मान गैयै गाबज्रि हरनायखौसो।
मेगन खानाबादि गोसो खाना
मोन्नैजोँ मोनसेयानो रुजुनाय नङा
मेगन नुनानैबो सान्नो रोङैया खानासिन
फंसे रावै मुगैथावसिन (जाम्बा)
जाय अन्नाय गैया मुलुगनि।
14/05/2015
