Hello Poetry is a poetry community that raises money by advertising to passing readers like yourself.

If you're into poetry and meeting other poets, join us to remove ads and share your poetry. It's totally free.
Nov 2016
Nagsisimula na namang lumamig
   ang dampi ng hangin sa aking pisngi,
Parating na ang panahon ng Kapaskuhan
   na taun-taong ating hinihintay at tinatangi.

Palagi ko’ng hinihintay ang Disyembre
   para sa kasiyahang dala ng Pasko,
Ngunit sa isang banda ri’y
   pinangangambahan ko ito.

Dahil tuwing Pasko ay may kakambal na lungkot din
   ako’ng nadarama sapagkat naiisip kita,
At natatandaan ko pa ang mga huling sinabi natin
   sa isa’t isa nang huli tayong magkita.

Pinaghaharian tayo ng poot at panunumbat noon
   kaya’t nabalot ng pait ang ating mga salita;
hindi natin napagtanto na minsan isang kahapon
   marubdob nati’ng minahal ang isa’t isa.

At hindi ko mapagtanto kung bakit
   tuwing magpa-Pasko, ito ang aking naaalala—
Marahil sa aking kaluluwa’y may panghihinayang pa rin
   na ang malamig na hangin ang siyang nagpupunla.

*(c) emeraldine087
emeraldine087
Written by
emeraldine087  Philippines
(Philippines)   
  1.6k
   Isabelle and Ilion gray
Please log in to view and add comments on poems