अनजालि
दिनैनि नोँनो फोरमायनो गोनांआ बेनो
माने बाथ्राया जाहैबाय
जोँ जुलिसे सानैजोँनि
.
ओरैबादि
जोँ सानैनि जुलिया जादोँमोन
जेराव थोरसि आजावफैदोँमोन
हाग्रानि गासै जिउ जिबि
मिथिँगानि दाउसिन दाउलाफोर
.
मिथिगौना
जोँलायनो सानैजोँ संसार जादोँ
ओरैबादि गोजोन संसार
समायना मिथिँगानि खान्थिबादियै
.
जेरै
फेरेँगा गाबोब्ला
सिरि मोनो हाल हुरनो
नोँबो आंनो ओँखाम संङो
.
जेरै
एम्बुनि गाबनायजोँ
अखा खोरोमनायजोँ
बेसेबा मोजां आबाद मावो
.
अनजालि
ओरैबादि सानैजोँ
मिनि खुसि जोँनि अनलायनाय
बेसरथिलि सिबिँ सबायथिलि
मायबारि फाथोबारि दैज्लां मेसेँ
.
मिथिगौना
सिमां नुदोँमोन आं सिमांआव
नोँजोँ आंजोँ संसार जानाय
बोथोरनि उनाव बोथोर