रंजाखाङो खुसिजोँ
जोबोद गोजोनग्लायना
समायना सुदेम सुदेम गोरबोआ
नोँनि मिनिसुलु सोरांजोँ
.
बे सोरांजोँ बार बारबोयो
बे बारजोँनो-
दालाइ बिलाइफोरा मोसायो
बेसेबा रंगिना संगिना बिबारि
.
बेसे समायना नुयो
गोसोनि खुसिजोँ
गोरबो गोजोन्नाय मिनिनायजोँ
गोगो गोजोँ आलायारन
रैरुब फुंबिलि सनाबिलि
.
जोँमा नोँखौ खुलुमो आं
नोँनि अननायनि फिन होना
जोबोद मान होनायजोँ
जोँमा आंदि बोर आजावो
.
बेबादिनो नोङो फै
बयनोबो गोथार बिलिरनायजोँ
बयनोबो गोरबोखौ सोरां होनानै
दाउसिन दाउला सिरि मोनना
.
बेसे गोजोन मिथिँगाया
मिथिँगानि गासै खुसिजोँ
बेसे समायना बुहुमा
दुंबुर गोरबो दुंखाङो निजोरा
.
फुरसब जोमै अखोरांआव
हाथर्खिखौ नुयै फांथेयो
बेसे समायना जायो
फैलाव सोमखोर अखोरांआ
.
गोजोन मोनो बुहुमनि गासैबो
रंजाखाङो बाज्लखाङो
बेसेदि समायखाङो गोसोआ
खुसि जायो आं गेवलां मिथिँगानि
मिनिखैरो मिनिनायाव।