'Pakay ng Yapak'

tangan ng sinapupunan

pinuhunanan larangan.

matapos ang walong buwan

simula ng kabuwanan.

palaisipan sa duyan

ugoy ng katiwasayan

gabay ay katahimikan

tungo sa kapaligiran

bago pa man ang inunan

hiwatig ng panubigan

matibay pa sa sandigan

na mas meron sa kawalan

kakatwang halatang dala

ay may biyayang sagana

tila panday umapula

pusod ay pinagdugtong pa

nasan ang sagot sa bakit?

di problema kung paano?

ang tanong ay kung kailan?

kung hindi ako ay sino?

pagmumuni ng paluwal !

pataba na nang pataba !

lupa niyang tinubuan...

oras na ng pag-aani.

binhi nya na ipinunla

sumibol ng pagkasigla

katulad ng parirala

may aral sa balarila

kapwa merong pakinabang

hindi pa man humahakbang

ang hiwaga na may yabong

abot-kamay na ang Labong

Request permission to use this poem

Hello PoetryVoting

'Pakay ng Yapak' - Hello Poetry