खोमसि खोमसि जोबोद सान बारलांबाय
दिनैबो खोमसिया आनज्रायलाङाखै
जोबोद बैसो जानाय आयनि मोखांआव
आयनि मेगननि मोदैया रानलाङाखै
बेखायनो खोमसिखौ बोरै बुस्रांनो हागोन
दैसारि आं दिनै उन्दुलाङा
जोँनि गोथार जुलिया जागोन होन्नानै
गोजोनै संसार जालांगोन होनोब्लाबो
आं फोथायो अनजालि दैसारि
बे खोमसिखौ होखार हरनो थाखाय
आंनो नोँनि आखाय नांगौ
नोँनि दुंबुर गोरबोनि बावनाय नांगौ
आरो नांगौ नोँनि रोजाबनाय मेथाइ
मेंनाय गैयै उदांस्रिनि रोजाबनाय
बानाय गैयै आखायनि हेफाजाब
हिंसानाय गैयै गोरबोनि थुलुंगा
आरो आंगायनाय गैयै रैसुमै खबाम
अनजालि नोँ हुगारनांगोन आयनि मोदै
गावनि गोथार गुरै आखायजोँ
बे खोमसिखौ सोरां होनो
नोँबो दैनांगोन मुथासे बनजार
दैसारि दिनै आं उन्दुलाङा
सोरांखौ जेब्लाबो गाबज्रि गाबज्रि
उदां आरो गोजोनखौ गाबज्रिनानै
दाबो मेँङाखै उदांनि मेथाइ रोजाबनानै