सान हाबनाय लोगो लोगो
गोबाख्रब फैयो बियो आंखौ
उन्दुफायो आंजोँ
आंदि बिखौ एसेबो मोजां मोना
आं जेब्ला लेब-कम्बल खाख्लुमो
बियो सेर सेराव नेनानै थायो
आं जेब्ला जोलुनो कम्बलखौ
बियो आरोबाव उन्दुफायो आंजोँ
गोदोहाय आबौआ गोदो गोदो
जिगाबनि एमाव उन्दुनो हायोमोन लान्थियाब्लाबो
इसानसालिनि सिमा खाख्लुमनानै
एबा दारहा सायाव थांगासुरि जोमनानै
इन्दिनि सि गुदुं साखोना
अरखिनि जेराव थानो हागौमोन
गोलाव हरजोँ जुजियै जुजियै
आबौजोँ उन्दुफानो हायामोन बियो
थिँनि उखुमजोँ सेरमायो निहिर
बेयावनो बाबथाबना फैयो बियो
आं जेराव उन्दुलाङो बेवहायनो
फिसा सिरि सिरि बामख्रब फैयो
फुंनि जायोब्ला आं जेकेट गानो
बियो गोबाख्रबनो हायैबादियै
अब्ला बियो दैसायाव एब्रेहैयो
आंनि मोखां सुहैनाय समखौ नेनानै थायो
गुसुआ आंनि खावलायाव गुस्थि फोनाङो