दद्रेद्रे मिनि लाजिसुलुलु
ओँखाम थफ्ला रुजुनबोला
समायनासिन नुबावो फ्रि फ्रि अखायाव।
रांखो दाहोनाया नायगोमोयो
बेसे समायना देमबारिया!
खाफालाव दंना गैया आंहा??
हे गसाइ! हे गसाइ!
मोसौ हग'बासो सुथि मोनो
मोसौ आथिँआव नांगोल फाला अख्लाबो
बिखा खायसिब देमबारिया।
बेसे मिनिथाव जादोँ सल'आ
हाब्रु गदा गदि मोसौ आथिँआव
रांखो दाहोनानि बुदिया
मा इसे दुखु गोनां फालाय!
मोसौनि थै रना रनि आथिँआव
मलम फोननाया-
देमबारिया मिनियोसो
बहाबा दुखुखौ दोनहरना
नाथाय रागा खरा बुदांआ
रांखोनि सायाव मा बिसार?
गबावगोन दाबि रांखो दाहोनाया??