Malamig nanaman ang gabi
Ipipikit ko na ang mga mata ko
Para siguro hindi ko maramdaman
Na wala ka sa aking tabi
Para siguro hindi ko maisip
Na siya ngayon ang nasa bisig mo

11:11 na pala
Ipipikit ko muli ang aking mata
Pagkatapos ay titingala
At kakausapin si bathala

Maaari bang siya'y saakin ay ibalik?
Maaari bang siya'y saakin ay muling masabik?
Maaari bang matupad ang aking hiling?
Maaari bang siya'y muling makapiling?

11:12 na
Mga mata ko ay nakasara
Habang humihiling ng himala
Habang tumutulo ang mga luha
Heto parin ako, umaasa

Pero sino bang niloloko ko?

*Kahit ilang 11:11 pa ang dumating
Hindi na siya mapapasakin

Paano ba mag simula uli?
Paano ba muling ma haling sa dating pinapangarap?
Ang musikang inaalay sa mga makikinig,
ang mga linya't katagang tumatagos sa damdamin ng iba.
Kelan ba ito papangaraping muli?
Kelan ba mag-aalay muli?
Ngayon? Bukas? O wag nalang kaya?

Ang dating silakbo ng damdamin sa musika, nasaan na?
Nangangarap paring  ito ay bumalik.
Sa tuwing hinahagkan ko ang aking instrumento,
umaasang ako'y muling masabik.
Umaasang muli.
Nangangarap uli.

Hanggang sa muli,
aking pinangarap.