Minjaf ħajti kif kienet tkun
Li kieku
Missieri qatt ma telaq mill-Eġittu
Li kieku
Karmenu qatt ma miet

Minjaf ħajti kif kienet tkun
Li kieku
Ommi kienet soda u tlaqna darba għal dejjem
Li kieku
Missieri fehem li mhux kollox kif irid hu

Minjaf ħajti kif kienet tkun
Li kieku
Ħuti jiefqu jħarsu lejja qisni ma jonqosni xejn
Li kieku
Jkunu jafu x’inhu jiġri hawn ġew

Minjaf ħajti kif kienet tkun
Li kieku
Nista ntir u naħrab minn dan kollu
Li kieku
Twellidt f’ familja differenti

2008

Żmien ta’ ferħ w ’nnoċenza
ta’ sempliċita u purezza
Żmien ħieles mill-inkwiet
u mżejjen bil-paċi fis-skiet

Dak li dejjem smajt
u dak li dejjem tgħallimt
Pero m’ huwiex dak li esperjenzajt
m’ huwiex dak li ngħatajt

Mingħalihom li tawni kollox
Mingħalihom li ma naqsuni f’xejn
Mur għidilhom kemm battejt
Kemm minħabba fihom soffrejt

Noħlom bi tfulija
sempliċi u pura
Nixtieq li ġejt mogħtija
bidu ta’ ħajja sura

16/04/2009