Submit your work, meet writers and drop the ads. Become a member

Members

Poems

inggo  Sep 2015
Suko na
inggo Sep 2015
Pagod na ako
Suko na rin
Pahinga na ako
Di ka na kukulitin

Ako'y nasa bahay na
Ngayon lang nakauwi
Ikaw ay nasa kanya
Punong puno ng ngiti

Nasa taas ka na
Ako'y maguumpisa ulit
Kaya kung pwede ba
Alaala mo'y wag ng makulit?

Ako si popoy ni basha
Mahal na mahal kita
Tama na ha
Kasi ang sakit sakit na
elea Oct 2016
Takot ka?
Sabihin mo sakin Takot ka ba?

Hindi tayo isang pelikula na ginawa para mag paiyak ng batang madaling mapaniwala.
Hindi tayo pag susulit sa matematika na gustong iwasan ng lahat sa takot na bumagsak sila.

Oo takot ka.
Ako din naman.

Nanginginig ang kamay ko sa takot na baka kahit piling piling mga salita ang gamitin ko ay mali parin ang aking maisambit.

Hinagpis.
Hinanakit.
Kapit.
Kaya pa ba?
Sabihin mo sakin kaya pa ba?

Ipagpapatuloy pa ba nating ang pag tupad sa mga pangako.
Pagtupad sa lahat ng mga "Itaga mo sa bato..."
O, iiwan nalang natin itong nakabinbin sa dating tayo.

Tayo.
Meron pa bang tayo?

Nasaan na yung ikaw at ako.
Nasaan na ang mga salitang "Hinding hindi ako magsasawa sa iyo".
Napagod ka na bang punan ang mga pagkukulang ko?
Kailan ka kaya makokontento.

Takot nakong tumingin sa karimlan ng langit na baka may isang bulalakaw ang mapadaan at hilingin kong tayo nalang palagi.
Hindi naman maari.
Napapagod din ang damdamin.
Hindi na alam ng tadhana ang gagawin.

Pagod ka na ba?
Sabihin mo sa akin pagod kana ba?

Kasi ako Oo.

Ayokong katakutan ang bukas.
Ayokong manghinayang sa kahapon.
Ngunit Mahal pagod na ako.
Pagod na ang puso matakot.
Nahihirapan na ako huminga sa hindi mo pag pansin sa patuloy kong pagkapit.
Gusto ko ng matapos ang pag hikbi.
Ano pa ba ang silbi.
Ako nalang ang natitirang sundalo.
Wala kahit na anong baril na dala.
Sugatan na tumatakbo.

Tama na.
Talo na.

Pagod na ako sa pagiging hindi sapat.
Hindi ko na mawari kung ano pa ba ang dapat.
Patawad mahal sa pag suko.
Pero eto na ata.
Tapos na ang gera sa isip at puso.
Tapos na tayo.
-dito ko nalang idadaan ang ninanaais kong sabihin dahil hindi ko kayang makita ang iyong mga mata na patuloy paring nagpapanatili sakin. Patawad pero tapos na ata ang kwento ng Tayo-
madi Apr 2018
Hindi lahat maibibigay at masasagot ng salitang pagmamahal.
Kaya nating gawin pero minsan hindi natin kayang ipaglaban.
Akala kasi natin puro lang saya at walang kalungkutan.

Mahirap magmahal at masaktan pero mas mahirap ang ikaw nalang ang nagiisang lumalaban.
Kusang lumalaban sa pagiibigan niyong dalawa na wala nang patutunguhan.
Akala mo sapat na pero hindi pa pala.

Kung lalaban ka pa siguraduhin mo munang may pag-asa pa
Kaya nating lahat magbasa ng kaisipan ng isang tao lalo na kung mahal ka talaga niya.
Pero wag ka masyadong mag assume na ganon nga talaga.
Pero may mga bagay na hindi na kailangan ng kasagutan dahil kitang kita naman sa mga mata niya na hindi na talaga ikaw ang ang nasa puso niya.

Hindi na ikaw yung dahilan ng kasiyahan niya, hindi na ikaw yung dahilan ng kalungkutan niya.
Hindi na ikaw yung inspirasyon niya, hindi na ikaw yung taong minamahal niya.
At higit sa lahat hindi ka na niya kayang ipaglaban para sainyong dalawa.

Lalaban ka pa ba kung alam mo naman ng hindi ka na talaga para sakanya?
O suko na kasi alam mo na hindi mo na kaya.
Pero ang totoong sagot dyan ay pareho.

Lumaban ka pa hangga't may maipaglalaban ka pa, saka ka sumuko pag alam mo ng wala na talaga.  
At sa kahit anong desisyon mo diyos lang ang kasama mo at ang sarili mo.
Maiwan ka man, masaktan ka man, mawalan ka man ng pag-asa basta lagi **** tatandaan na nandyan ka pa nabubuhay at kaya pang lumaban sa agos ng buhay.
This one is published in Hugot Snap Poetry on Facebook!