اب کچھ آسانی ہے
رات  کے  آنے   میں

رات کے  جانے  میں
رات بھول جانے میں

سبز سحر کی باتوں میں
گھل  مل   جانے   میں

اب کچھ آسانی ہے
سایہِ  یار   میں

چشمِ  انتظار  میں
لفظ کے شمار میں

اب کچھ آسانی ہے
لہر کے سہلانے میں

در در خاموشی کی
چپ سی شِتابی میں

موج بن جانے میں
کہو، موج ہو جانے میں

کچھ عجب آسانی ہے
پھر  پلٹ  جانے  میں

اُس گھر کو لوٹ آنے میں
گھر ہی ہو جانے میں

سرھانہِ  یار  پہ
سانس کھو جانے میں

اب  کچھ  ناکافی  ہے
اس شب شب تماشےمیں