malamig ang gabi
madilim ang paligid
bago ang buwa't
patay ang bituin

sa 'di kalayuan
isang gamugamo'y
'di maiwan-iwan
mainit na apoy

---isang buong kandila
na ibig niyang lapitan
sarili'y pinigilan
'pagkat siya'y masasaktan

umikot ang mundo
---sangkatlo'y naglaho
umikot ang mundo
---natira'y sangkatlo

teka, sandali
anong nangyari
bakit nga ba kay bilis
maglaho ng sandali

kahit 'di nakikita
siya'y naging masaya
kahit sa malayo
siya'y nakontento

'pag naubos ang kandila
saan pupunta
gamugamong nilalamig
pa'no iibig