हाद्रिजोँ गेलेनाय रिउ रिउ बुब्लि
बै खुदियानि जिउ बिसम्बि
आंनि बांबुला लोगोफोरखौ
आं दिनै जोबोद गोसोखाङो।
गोसो आरो मोकथांनि हान्थिनायजोँ
जोबोद गोजान सफैबाय आं
आंनि लोगोफोरा थाबोबाय बबेवबा
आं बिसोरखौनो गोसोखाङो
जेराव आं दिनै थांफिननो हालिया।
जिउनि हान्थिनाय थुंगेनाय गैया
दंबावो गोबां आगान बेसेबा गोजान
आंनि थांखिनि इयुन बिदिन्था।
हे अनजालु आंनि लोगोफोर
नोँसोरखौ आं गोबाना लादोँ
आंनिनो गोसोनि अखाफोर बेँखनाव
नोँसोरजोँ हाद्रियाव गेलेनाय आरो
आमाय-जुमाय गेलेनाय बिबार बुंफबनाय
गोरबो गोरबो बयनिबो मोखांआव।
आंनि गोरबोआव गाबनाय आरो रंजानाय
बेखौनो जिउनि सुखु खालामना
हान्थियो आं दिनै जिउनि साघनाखौ लानानै।