मुगासे सिमां नुनानै सिरिमोन्ना
आरोबाव आं मुगासे कम्बल सिङाव
सिरि मोनहां मोनहां जाब्लानो
बियो बिरबोदोँमोन गांखं फुवारनानै
बेसेबा गुसु दोमैलु बारजोँ लोगोसे
दा बियो बिरलांबाय सोनाब फारसे
बिनि सायखंआ आंनाव नांदोँ
आरो गासै आंनि सोरगिदिँ खोमसि जादोँ
हांसो सिलारिया माब्ला बिरलांखो?
आं उदिस मोनस्लाबाखिसै
जानजि हमलाय खेबफा सानेरलाय
बाबांसिन आंनि बेसर फुनायखौ बियो नायदोँमोन
आं मुसुरदाव मुसुरदाव दुब्लियाव मोसौ लायना
नआवनि गेग्रेब गलियाव खाफैनायखौबो
बियो नायहरदोँमोन आं उदिस मोनै
दा बियो बिरलांबाय सोनाब फारसे
बिनि सायखंआ आंनाव नांदोँ
आरो गासै आंनि सोरगिदिँ खोमसि जादोँ