गोसो बिबार
थफियो बोथोराव समाव
गेवलाङो गोथार बार हुब्लिदनायजों समायना
मोदोमो अनथाव बोज'बथाव
हाबिला जोमैयाबो
बिरग्लांनो हाबिला जायो
उदां अख्रांनि बिखा नागिरना
उदाङै रंजा-मिनि बिरबायथिंनो।
थावरिनो हाया हाया मोनो
जोमै फाग्लाफोरनि साग्लोबनायाव।
दायो उदां अख्रांआव उदां गैया
दखरसे जोमैनि थाखाय
जेराव गैया गोजोननि जाख्रिसे अखा
गैया गोजोननि खुवा
दायो गोरलै फुलिफोरा रानज्रिंनो लादों
उखैनाय गांनाय सोलेरनि गाबख्रावनायजों।