आं आजै आबैमोनखौ गोसोखांलिया
बै समनि गाम्बारि बिरगोस्रिमोनखौ
दाउरि सिख्लामोनखौ गोसोखांलिया
बिसोरनि गोसो आरो मेगना गुबुनखा
-
सिनाय जानाय दानि साकिरा बियनसे
अन्जलिना जलि
मादुरि इस्वरियामोनखौ
मख'यैआनो गाहाम जागोन
-
आं नोँखौ सोनाबारिजोँ रुजुनो नागिराखै
मानोना बिसोरहा मान दं
आं चिन तिब्बेत करियान
माल्दीब मालायसिया नेपालखौ मख'नो नागिराखै
बिसोरहा मुलुगनि जौसां सोमावनो गोहोआ दं
-
आं सोर्गोनि मेन'का
उर्बसि मेन'का तिल'त्तमामोन
बै समनि नांगोल सिड़ाजोँ एरखांजानाय
सति सीता
साबा पाण्डबनि बिसि
द्रौपद राजानि फिसाजो
द्रौपदिजोँ रुजुवा
फाप एबा दायफोर नांनो हागौ
-
नाथाय पष्ट-मर्दाननि सायनासालियाव
गल'ल' नायहोनो हायो नोँबो
नोँ नकल सोनाबारिनि देलायमांग्रि
अब्लाबो आखाय खबनोसै आङो
ख्रब ख्रब ख्रब
दाउखा सिगुणफोरा फोर फोर बिरलांथोँसै।