आफाथालाल' आज्लंनाय
सुमलि थप्टानि जलस्कियाव
हेन्दां बोराया बेवहायनो लेक्सार होदोँ
सोर्गो नोरोकनि उल्टां फाल्थां
-
जावैसो बिमाया हेबदोँ
मालाय जेरबासे गोजौआवसो लेक्सार होयो
नोँहा आरो खामफ्लाय सायाव
खुरै लथा दामै दामै-
राजानि सियार राजायानो जिरायनो हाया
मा बेलाइ?
-
एमावजोँ उन्नाय मेलेम
माखौथो हाया?
सोरनि गोजोन जाबावनो?
आंनो राजा आंनो
दं दं थांमारदोँ हेन्दांआ
-
गामसानि सारामाय
थाफ्लि नुजालायनाय लेन्सा थेबनानै
राजानि सियाराव
जिरायमारदोँ बियो
नाथाय---।