Tsala e ya nnete tota
E lerato le popota
Ga e go bone makoa
Ga e go tsenye ka sekgwa.
Fa lefatshe le tlhanoga
Le ditshotlo di tlhatloga
O mongwe fela yo o gomotsang
Ke tsala e e go ratang.
Tsala ya maaka, ramatlhajana
Tsamaya le ena nakonyana
Melato a ka e go bolaisa
Fa go buiwa o a itshegisa.
O go tsenya mo kotsing
A go potise ka fa mosing,
Le phepa la gagwe leina
O le tlhatswitse la wena.
Botsala jwa nnete
Ga bo tlhwatlhwa e bokete
Bo rekwa ka setshego
Le lerato la tlholego.