Ayoko nang mag-isip
Dahil baka aking ma-isip
Na kahit hanggang ngayon
Ay wala ako sa'yong isip, giliw

Ayoko nang pumikit
At ayoko nang mangarap sa bituin
Dahil sinta ko,
Ikaw ang aking panaginip

Ikaw ang nasa talukab ng aking mga mata
Na nawawalang parang bula
'Pag dating ng umaga

Pero aking mahal,
Hindi ka nawawala pag-umaga,
Dati

Kaya sa dati na lang ako kakapit
At sa dati na lang ako titingin
At sa dati na lang ako mananatili
At hindi sa aking mga panaginip na mapagsinungaling.