सान मोखांआरि राजालामा जाना
ओंखारबो नों उखुमब्रि जाना
अननाय बिलाइफै नों सना
गोदान मिजिंनि हाबिला लाना
उखैहाब खाखोरफोरनो जामुं गथाइफै
जारौ मिनिनाय मोखांआव लानानै होफै
आंहाबो हाबिला दंमोन गोर्बोआ
बिदुं आरो सोरां होनो
लाथा खानाय बरफ आरो दैसानो
फेलेंनि लैथो रुगुंआव
आं दिनै गबहां गबहां
सोरबा नारसोमहरब्लानो आं गबबाय
बेखायनो नोंखौ खावलायबाय
सान नङा उखुमब्रि जानाब्लाबो
फैदो नों खोमसि खथायाव
लुफावफैदो दान्दिसे सोरां।