Submit your work, meet writers and drop the ads. Become a member
mi sanli vi
xoi rokci .i
mi terpa na
je badri .i

mi pinfu le
mi purci pu
le nu ri canci
mo'u ku

.i do jmive
je cu morsi
ga'a mi noi
cortu morji

.i do ba'o
pendo je cu
ba'o zasti
vau mi .u'u

.i pa da
zi te kansa
.i ka ze'e smaji simsa
Filomena Rocca Nov 2023
le ka voksa bacru stati
kei cu tutci lo nu krati
.i le nunkakne mi cu xlali
gi'e ku'i ze'e stali

.i mi .ai ba ca'o ciska
da noi su'o de cu viska
.i ba cpedu fa le prina
lo nu lo voksa cu se jmina

.i no da tcidu gi'e nelci
vau lo .oi mi mabla pemci
.i ca le .o'o cabna temci
le mi voksa cu xe benji

.i na sisti lo nu ciska
.i se mukti lo nu djica
lo nu su'o drata simsa
ka'e jimpe fi lo pixra

.i mi snada .au je troci .ei
pu le nu mi morsi kei
Filomena Rocca Nov 2023
bisli nazbi
.i je cisma ckaji
fa le cadzu be le klaji
vi lo nalterganzu jmaji

.i je jamfu sruri
fa re mapra sai tupcutci
.i le ni gleki kei cu dunli
le ni glare kufra ru'i

.i tolxendo catlu
fa lo drata vi le dargu
.i je ku'i xanka claxu
.i lo ka virnu cu ca calku

.i je cadzu ranji
.i na jundi ro le xladji
.i je sanga da noi ralci
gi'e pensi le se lacri

.i lo pendo .e lo prami
lo ka sidju kei cu traji
.i na nitcu lo nu lanli
lo se jinvi be lo xlali

.i je bisli nazbi
.i je cisma ckaji
fa le cadzu be le klaji
vi lo nalterganzu jmaji
Filomena Rocca Nov 2023
mi sanga .au
se ra'a lo ka prami kei
.e ji'a le se trajynei
.i ma se trajynei fe mi
.i go'i .iu fa do
A Lojban translation of an earlier poem

— The End —