Minjaf ħajti kif kienet tkun
Li kieku
Missieri qatt ma telaq mill-Eġittu
Li kieku
Karmenu qatt ma miet

Minjaf ħajti kif kienet tkun
Li kieku
Ommi kienet soda u tlaqna darba għal dejjem
Li kieku
Missieri fehem li mhux kollox kif irid hu

Minjaf ħajti kif kienet tkun
Li kieku
Ħuti jiefqu jħarsu lejja qisni ma jonqosni xejn
Li kieku
Jkunu jafu x’inhu jiġri hawn ġew

Minjaf ħajti kif kienet tkun
Li kieku
Nista ntir u naħrab minn dan kollu
Li kieku
Twellidt f’ familja differenti

2008

Kemm hu b’ saħħtu l-baħar
Qatt ma jaqta nifsu
Bil-mewġ dejjem jiżfen
Mar-ritmu tal-kurrenti

Kemm hu b’ saħħtu l-baħar
Qatt ma jieqaf jikkumbatti
Ħadd u xejn ma jwaqqfu
Jew jibdilu d-direzzjoni

“Kemm hu b’ saħħtu l-baħar”
Ma nista naħseb xejn għajr hekk
Kemm ngħir għalih
Kemm nixtieq inkun bħalu

08/02/2016